انا حبيت اتكلم خواتي بأسم وحده صديقه عزيزه علي واااااايد وهي اللي طلبت مني اطرح مشكلتها
خواتي
صديقتي تعيش في بيت فيه امها وابوها وهي من امها و ابوها ماعندها غير هي واخ اكبر عنها ب 6 سنين المهم ومتزوج بزوجه ثانيه وعنده منها ا2 اولاد يادوب اعمارهم سنتين وكم شهر هاييل كلهم عايشين في بيت واحد للعلم ترا اخو البنت الكبير بالنادر ماييهم البيت بحكم اشغاله , المهم خواتي اليوم اول يوم العيد خلق الله مستانسين وهي مقفله لى عمرها باب حجرتها بسبة ابوها خواتي الأب دوووووووووووومه صاف ويا زوجته الثانيه و هامل هالبنت واخوها و امهم مع انه دوم يتشكى للناس ان امهم مباعده عيالها منه اللي هي ربيعتي واخوها العود ربي يحفظه لهم ماتدرون شو القصد من هذا كله يمكن عشان يكسب استعطاف الناس او استحسانهم و ما يحسسهم انه هو الظالم المهم ودوووووومه يضاربهم عالصغيرة و الكبيرة و اليوم شو صار .. الاولاد الاثنين الصغار اعمارهم سنتين واحد كان عند ام ربيعتي و الثاني عند امه و الشغاله والثنتين في المطبخ فاللي عند ام ربيعتي طلع من باب الفيلا الخلفيه ظنته بيروح المطبخ عند امه قام الولد ظهر من باب الفيلا و سييييييييييييده عالشارع العام واخوه الثاني طلع من المطبخ عن امه و الشغاله و لحق اخووه المهم ماصار فيهم شي الشغاله عقب استوعبت يوم ام ربيعتي زقرتها قالتها قومي شوفي اليهال بسرعه بيظهرون برع قامت الحرمه الثانيه خبرت الأب ان ام ربيعتي خلت الولد بالعماله يظهر برع وما اهتمت به للعلم هي مب مكلفه بس هي مسكينه واااااااايد تحبهم فمن خاطرها تباريهم المهم دخل ابو ربيعتي الصاله على امها وقاعد يتحرطم عليها و ينازعها كيف تخلين الياهل يطلع برع وقعد يهزأها من غير انه ( والله العالم )) تبلى ع الشغاله انها قالت ان ام ربيعتي كانت ترضع الياهل ويوم رقد فرته فالأرض وتم يصيح فيوم ابويه رمس وقال جيه الشغاله مثل زاغت تقول لا انا ما قلت بس عقب بينها و بين ام ربيعتي قالت لها ماما والله فوق انا ماقلت بس هاذاك اليوم يوم اخذته من حضنج وهو راقد عشان اوديه حجرتهم يرقد من شليته صاح فيت امه تسأل ليش يصيح فقالت لها ان ماما العود بيروح ينام و ريولها تعورها بتروح تحط لها فكس قامت حرمة ابوها الثانيه وحرفت الكلام ان الشغاله قالت ان ماما العوده فرته (( والله اعلم )) لأنه مستحييييييييل بيقول انها هي اللي قايله اقصد مرته لأنه دووووووم يبا يظهرها هي الزينه والمحترمه المهم ربيعتي وصلت على نص المشكله دشت و كلمت امها قالت لها شو يصير ليش الضرابه امها قالت لها السالفه كلها و بحرقه قلب والاب موجود فالبنت احترق قلبها عالأم وقلت لأبوها معقوله تصدق كلام شغاله فأمي وانت تعرف هي شكثر تحبهم جان يقول لا الحب عند الله جان تقول له ابوييه انت ليش جيه تترصدلنا اي زله تبا تكبرها و تضايقنا ليش شو سوينا انت ماتبا صلاح هالبيت ماتباله العدل ما تباه يعتدل وهي كلمة حق …. غلطت ياخواتي ؟؟؟؟؟؟؟؟ جان يقول لها الأب والله انا مابي صلاح البيت انشالله بييج سرطان في نهودج !!!!!!!!!!!!!!!!!!!!!!! مع البنت مب غلطانه ياخواتي بس امها مظلومه فرجعت البنت قالت له : ليش تدعي علي هالكلام مب من عندي هالكلام مرتك الثانيه هي اللي قالته مب انا هي بلسانها قالت لي مرة يوم كانت زينه ويانا ابوج مايبا صلاح البيت ما يبا البيت يتعدل احواله عايبنه جيه انتوا بشرق و نحن بغرب فيوم قالت له جيه قال لها منو اللي قالت جيه ؟؟مرتي؟؟ جان تقوله ربيعتي هيه جان يرد مثل انتكس هيه الله فوق وبياخذ الحق من اللي قال مثل ماهانت عليه مرته يدعي عليها تخيلوا خواتي أب جيه يدعي على بنته بهالدعوه و هي ماقالت شي من عندها وقالت كلمة حق فحالتها حااااااااااله الحين من الصبح خلق الله معيدين و هي صياح والله ماوقفت دقيقه من الصياح محترق قلبها ان كيف ابوها يدعي عليها بهالدعوة وهي بنته يوقف ويا مرته الثانيه و الشغاله ضدها وهي بنته و هي اللي على صدق هي ماقالت شي وحالتها واااااااااايد ضايجه فقولوا لي ابا اطمنها هل دعاء الأب اللي مثل هذا على ابنه مستجاب ولا تنسون 10 من ذي الحجه وهي البنت ماغلطت عليه و لا قالت له غير اللي كتبته ياليت تردون علي ياللي تعرف ترد علي و اللي ماتعرف تدخل تدعيلها بأن مايصير فيها شي انشالله ولا تنسون دعواتكن لها في ظهر الغيب لأنها والله هي وامها مظلووووووووومات
المشاركة الأصلية كتبت بواسطة girly 
يعل ربي يسمع منج يا اختي
وياليت اللي تعرف في هالحالات الدعاء مستجاب من الاب على ابنه لأني ماروم اهديها و افتي بشي من عندي
الله يعينها بصراحه ويصبرهم إن شاء الله
المشاركة الأصلية كتبت بواسطة الغلـــــا هالرياييل دواهم حرمه لسانها تلوط اذانها علشان تصلبهم ولا غير جي ما بيتصلبون 0000000000
الله يصبرهم ان شاءالله 0000بس انتي قولي لربيعتج انه دعاء الوالدين مستجابه حتى لو غلطانين فلا تطول لسانها على ابوها مهما كان ترى الوالدين جنتنا ونارنا 0000واللي اهله غضبانين عليهم ما يتوفقون لا دنيا ولا اخره 0000خلها توكل امرها الى الله 0000دام امها راضيه وساكته فهي ما بيدها شي000000000
حبيبتي البنت ماغلطت وهو كان سؤال ليش انت مابي البيت ياتعدل ليش تبه يتم جيه بدمار ومشاكل على طول ؟ فديتج ماطولت لسانها هي بس من حرقة قلبها على امها جيه قالت له وبعدين ماجذبت وهالكلام مب من عندها . هل دعوة الأب الظالم على ابنه ( وابنه على صواب ) مستجابه؟
المشاركة الأصلية كتبت بواسطة جالكسي الله يعينها بصراحه ويصبرهم إن شاء الله
ربي يسمع منج
بنات دعواتكن في ظهر الغيب للبنت وامها