شحالكم يالحلوين اليوووم حبيت اني أعطيكم درس لرسم الكحل من أسفل العيون بطريقه
ناعمه و بسيطة و انشاء الله ايكون الدرس سهل عليكم..
ومرجع لكل مبتدأه ماتعرف شلون ترسم عيونها,,
همسة : لا تقولي لنفسك عند تطبيقك للدرس مره واحدة انك فاشله ،، فإنت مخطئة فالاتقان يحتاج لتكرار في التطبيق حتى تحترفي الرسم بنفسك و بثقه ,,
أولاً الأدوات المستخدمة لهذا اللوك:
آيلاينر من لانكوم و هو المفضل عندي .. سواده فاحم و جميل بس الحين مايتحصل للأسف و غيروه و صار مب لهناك ..
كيك الحواجب من كرولاين ,,أفضله بصراحه أكثر من مكب تاتو الحواجب من فور ايفر يعطي لوك طبيعي اكثر عند رسم الحاجب..بس مايمنع نستخدم تاتو الحواجب من مكب فور ايفر للمناسبات و الأعراس الكبيرة..
ستيك من كرولاين..استخدمي الدرجة اللي اتناسب بشرتج..
لوس بودر بلمعه من فور ايفر..
آي شدو ساتان من فور ايفر ,, اللون الوردي و البرونزاج..
فرشة من ماك رقم 239 واااايد حبيتها لانها تلقط الشدو ^_^ بطريقه حلوة..
ماسكرا من ماك ,,
قلم تركواز لداخل العين من برجوا ,, و الاسود من سمايلنج..
يتبــع >>>>>
فالبداية حبيت أنوه اني ابتديت بالكحل عقب بديت أحط الشدو..و انتو ممكن اتسون العكس..والأصح انكم تتبعون العكس لاني انا شكلي
كنت مدوخه مادري شسالفة مادري ليش بديت جذي لووول ^_^!!
(1)
بعد ماوزعنا الفاونديشن نرسم من بداية العين بالآيلاينــر خط مائل يبتدي من دمعة العين بهل الطريقه لتحت لحد مستوى حدود العين من الاسفل عسب بنرسم بالآيلاينر عقب خط مستقيم من تحت العين,,
(2)
و عقب نرسم خط من نهاية الآيلاينر المائل و لحد نهاية العين بهل الطريقة ,, و نمدة للزاوية الخارجيه شوي ،،
(3)
اهني نبدي نملي الفراغات من داخل و برى العين و نرسم بالكحل الاسود داخل العين و انمرر فوقه الكحل التركواز عسب يعطينا نضرة حلوة ,, و بصبعنا انموه الكحل في الزاوية الخارجيه لبرى بطريقو السحب بشكل خفيف..
(4)
نبدي انوزع الشدو على الجفن المتحرك من العين و اذا بغيتي اللون أقوى بللي الفرشة بنقطـة ماي و ابتدي وزعي,,
(5)
و عقب انوزع الشدو البرونز على الزاوية الخارجية من العين..بنفس الفرشه..
(6)
اهني ركبت الرموش بالحبات بشكل متفرق عسب يعطي شكل للعين..
(7)
في النهاية عقب ماننتظر 30 ثانية عسب ينشف الصمغ,,انحط المسكرة عالرموش بطريقة الطبطبة مب السحب عسب لانسحب الرموش اللي ركبناها,,
و هذا شكل العين من زاوية أخرى,,طبعا اللوك بالطبيعه واايد أحلى ..ممممم صح و بالاخير بالفرشاه الخاصه لرسم الحواجب من كرولاين نبللها بماي و نبدي نرسم الحاجب,,
أتمنى الموضوع ينال على اعجابكم و بصراحة وايد تعبت فيه و أمانـه ترفعون موضوعي بكلمة شكر أو حتى لو بدعوة طيبة،، و لاتنسون تبدون رايكم ,, ^_^ و توته توته خلصت الحتوته,,
مع أجمل أمنياتي اختكم،،
ميعاد الحمادي
ثااانكس ع الموضووع