حياكن الله … اقربن لاتستحن…
هلا وغلا والله فيكن…
كل وحدة تيلس على كرسيها من غير حركة ( حشى طالبات مدارس) خخخخخخخ
وطلعن دفاتركن وقلامتكن ، وسجلن اللي بقوله ^^
كلكن داشات ، وعندكن آمال إنكن تفرحن وتقردنن ( بو الشباب)…
ودرسنا اليوم …
مـــــغازلة الــــــــزوج…
عزيزتي ، لاتتريين من ريلج كل شيء…
كوني المبادرة للحب ، وعلميه الحب…
يعني أنا يوم كنت مالجة …
كل يوم اكلم ريلي ، قبل مايسكر ، أقول له ، ماودك تقول شي؟
يقول لي : لا …
مرت فترة … وأنا مغتاظة ، شو في هذا مايبا يرمس…
وفي مرة عطيته كاش ، قلت له ، لاتقول شي ، أنا بقول ..
أحـــــــــــــــــــــــبك…
استاااااانس مسكين واستحى … هععععععععع هع
بس من يومها بديت اسمع منه الكلام الحلو…
لازم تعرفن إن الريال غير الحرمة…
عاطفتهم مبنية عالماديات ، والأشياء المحسوسة…
يعني الريال يعبر عن حبه ، بأسلوب مادي…
غير الحرمة اللي تحب تظهر عاطفتها ومشاعرها الجياشة..
فكل وحدة تسجل في دفترها هالمعلومة المهمة ….gif "13 (34)")
( بادري لمغازلة زوجك بالكلام المعسول المرصع بكلمات العشق والهيام)
اتصلي بريلج … وقولي له ، متصلة أقول أحبك وبس…:13 (36):
وحتى لو ما أعارج أي اهتمام…
لا تستسلمين..
واستمري في العطاء والحب…
مع مرور الأيام ، بيتعلم منج الكلام…
وما اوصيكن بمسجات الحب والغرام…
اللي تييب راسه وتخليه بين الأحضان….gif "13 (21)")
انتظروا المزيد
اختكم فيء
تصدقين انا ريلي كان ابدا ماله خص في الكلام الحلو
احين الحمدلله انه تغير بعد ما قمت اتبع وياه هالاساليب اللي ذكرتيها
يزاج الله خير والله يوفقج انتي وريلج
خلاص كتبت المعلومة في الدفتر يا أبلة
يالله شو المعلومة الثانية
حلوووووووووووو موضوعج
من زمان ادور مثل طرقج الجهنميه ههههه
بعد نريد دروس زياده
وسجلت طرقج في نوتي هههه
والله يوفقج ويسعدج مع ريلج ويرزقج بالذرية الصالحة
هو ( كــــــوني الرقيقة القوية)
شو يعني ؟
يعني الريال يحب الرقة والدلال…
خليه يشوفج وإنت تتمكيجين
ابتسمي له ابتسامة بغمزة عين…^*
قولي له دوم ، إنج تبين تشترين فستان او ملابس داخلية
يعني حسسيه إنج أنثى بكل شي…
وكوني قوية ، في اتخاذ القرارات…
لأن إذا عودتيه عالتنازل دايما بيركب راسج ، ولابيسويلج سالفه…
مثلا إذا وعدج بطلعة ، وعقب حسيتيه بيغير رايه…
قومي لبسي عباتج ، وقولي له : يلاّ حبيبي أنا جاهزة
يعني حطيه قدام الامر الواقع
هذا الدرس يباله شرح مطول…
والحصة خلصت…
ألحين الفسحة…
هههههههههه
لــــــــــــــي عودة ….
والواجب …
السؤال الاول والثاني ، صفحة 44
وياسواد ليلها اللي مابتحل الواجب
بنشوف الدرس الثالث<<<متحمسه للحصص