بس اختى العمليه مب هينه تاكدى من شطاره الدكتور اول شئ
ولو تقدرين تسوينه برع فى فرنسا احسن
لكن لا تتهاونين تاكدى اول انه الدكتور يسوىيها دوم
اختى بعد وياها والدكتور قالها مااجدر اسويها لانى مااسويها الحين خلاص بطلت
الله يشافيج حبيبتى
أختي ما انصحج ابداً بالعمليه …
ياليت ما تستعجلين وتسوين علاج طبيعي احسن من العمليه بمليون مره …
انا عندي دسك وهشاشه في الرقبه وبعد مأثر على ايدي اليمين وظهري
ولكن مستحيل اسوي عمليه لأن هالمناطق خطيره والعمليه حتى لو حلت لي المشكله
مارح ترده لي مثل قبل … جربي العلاج الطبيعي في الهند وايد اوكي اذا تقدرين عالسفر ..
وإسألي عن احسن الدكاترة هناك للعلاج الطبيعي …
واذا تبين تختصرين على عمرج سوي علاج طبيعي هنيه في بوظبي
في عيادة الدكتور زكريا دكتور فنان وممتاز … هو دكتور شيشياني وعنده ممرضه
مساعده فنانه … اتمنى تزورينه وتاخذين رايه قبل لا تفكرين تسوين العمليه
والله يحفظج ويشفيج وييسر لج امورج كافة ان شاء الله …
اابعدي عن التفكير في العمليه ولا تستعجلين وشوفي اماكن للعلاج الطبيعي في البلاد او حتى برا الديره
وسلامتج من كل شر