هلا اخواتي ,, ربيعتي شاكة انه ولدها عنده التوحد , عمره سنتين ونص وتبي تتأكد !!
فهي طلبت مني اسألكم :
شو هي المراكز المتخصصة بالتوحد بمدينة العين ؟؟
وللعلم هي مب مواطنة وحالتهم شوي صعبة ماديا ,
واتصلت على مركز الامارات بأبوظبي عشان تسأل عن رسوم التشخيص
قالوا لها زيارة وحدة بس 1500 درهم
وهي ياحرام صعبة حالتهم
اذا زيارة وحدة جي ,, الله يعين بكم الجلسات والعلاج ؟؟
هي نفسيتها تعبانة , وتبي تسأل عن المراكز اللي بالعين وهل ممكن يعالجون ولدها كونه غير مواطن ؟!
الله يسر امورهم ويطمنها عابنها
المشاركة الأصلية كتبت بواسطة غرنوق 
اتصلت اسالها تقول :
1- ما يتكلم للحين بكلمات مفهمومة ,, يتمتم بكلام غير مفهوم ابدا ,, ولا يعرف يطلب شي يعني اذا عطشان ما يعرف يقول ماي بس يصيح ويصرخ فالام تفهم انه يبا ماي
2- يحب يلعب بالمكعبات اكثر شي
3- مدمن تلفزيون , يحب يطالع التلفزيون بالساعات ( بس مب الرسوم لا يحب الاناشيد بس )
4- ما يندمج مع الاطفال ابدا ويحب يلعب بروحه
5- احيانا امه او ابوه ينادوه ويصرخوا وما يعيرهم اي انتباه خاصة لما يطالع التلفزيون
6-عصبي وعنيد لاقصى حد
7-يحب يلعب بالعجلات ويدورها
8- اذا راح بيت ربيعات امه يتم يصيح بالساعات وما يسكت لين ما يطلع من عندهم
هذه بعض الاعراض ,
الله يعافيه وان شالله ربي يسخر لها من يعينها على علاجه