شحالكم..
اخو ريلي صفع بنتي كف لانها ضربت بنته وصاحت؟؟؟؟؟؟؟؟؟؟؟؟
شو رايكم بها الموضوع يعني يوم اليهال يتضاربون ماله داعي الكبار يرزون بويوهم ويتدخلون …
رايكم بليز……. شو تشورون علي اسوي متضايقة وايد….
محد يرضى على عيااله بس لا تسوون حساسيه وبتكبر المشكله عقب
لانه نعرف واايد خوووات من أم وأبو والله تمو بالسنين ما يرمسون بعض والسبه عياالهم
انتي بعد فهميه ولا تاخذين على سوالف اليهال
انا معاج يقهر الا يذبح من القهر بس انتي لا تكبرينها براسج لانها يوم تكبر السالفه
نتايجها مو حلوه
ثقلي عليهم وحسسيهم انج متضايقه
و يوم بتقولين لزوجج خلج بالنص
خبريهم ان صحيح ان هو عمها يمون عليها بس هالشي ضايقني لاني أم
و بدون ما تعطين زوجج رايي خليه هو يتحمل المسئوليه
و نتاجيها (لا ينقلب هو بعد عليج بعدين )
خبريه بس و اذا انفعل هديه
اذا هو تصرف بهذي الطريقه خلكم انتوا الاعقل و البنت بتكبر و بتنسى
و بهدؤكم هو بيستحي من تصرفه
الله معاج حاسه فيج و الله
بس انتي كأم من حقج تتضايقين وتزعلين بعد ..
انا اشوف تروحين لحرمته وترمسينها عشان ترمسه …بالهدوء …هو صح عمها وبعد يعتبر مسؤول عنها ..وله الحق يأدبها اذا غلطت …وبنتج بعد ضربت بنته ..يعني ضرابة يهال المفروض من عمها ما يأدبها بهل الطريقه لا بالعكس …يقعد بنته وبنتج ويرمسهم ويهزبهن بس …ما يمد ايده ويصفعها …قولي لحرمته هل ترضى انه ريلج اي ويضرب بنتها …طبعا لا …عيل انتي مب راضيه …ومحد له حق في بنتج غيرج وغير ابوها …
واذا بنتج غلطة انتي ادبيها ..
والله انه هو ماعنده سالفة , و ان شاء الله ربي يصبرني على هالحال بس والله كسرت خاطري يوم ايده علمت على
ويها وصاحت لين مارقدت وتعرفون هي عمرها ثلاث سنين يعني بعدها صغيرة وماتفهم …
بموت احس من الضيق.