الشحالكن خواتي..
انا بصراحه اول مره اكتب موضوع في هذا القسم بسبب معاناة ربيعتي…الله ايسلمك ربيعتي عندها مشكله هي انها ينزل عليها ماء وللعلم هي مب حامل ولا شي هي مربيه من 4 سنوات بس ركبت لولب من اول ما ربت شهرين بس ومن عقبها ياها التهاب فضيع في المبايض والحين من 4 سنوات وهي مب مخليه دكتوره في الامارات ما سارتلها من غير فايده…للعلم الدوره موووووول مب طبيعيه يعني ما تنزل عليها الا اذا خذت الدواء اينزلها..واخر دكتوره سارت لها سوتلها تنظيف قالت لها عندج ماء يتجمع في بطنج والدكتوره روحها مستغربه من شو هذا الماء وهي اتقول بعد ينزل عليه ماء …بتمووووووووت اتقول عيزت من العلاج ومب عارفه شو اسوي…للعلم كل الي اتسيرلهن ما ايعرفن وايقولولها لازم اتحملين وبتعدل الدوره ..كيف اتحمل وهي الماء يتجمع عندها كل شهر ويمنع الحمال…
السؤؤؤؤؤؤؤال؟ شو السبب ولا حد منكم الله لا قال مثل حالتها..؟؟
ولا فكرت اتروخ عند ممرخه اتمرخها لانه الممرخه يمكن تقدر انه اتزل هذا الماي بالمساج والكاسات الهوا الي اتسويها
اذا تبغي رقم ممرخه انا اعرف وحده انا رحت لها وجربتها وقالت لي الرحم مايل لليسار وصدق لانها كل مااتدلك صوب اليسار احس بعوار فضيع وهي حاولت اتعدله وانشالله امل هذا الشهر واذا ماحملت بعد بروح لها الشهر الياي انشالله
وهي بتقولي انا رجع الرحم مكانه ولا. واذا بغت الرقم راسليني على الخاص.
المهم خليها اتجرب مب خسرانه شي لانها تعتب يحليلها من المستشفيات خليها اتجرب الممرخه يمكن تتعالج على ايدها
خليها تتوكل على الله واتروح وان شالله خير يارب
وقوليلها تروح دكتوره ثانيه وثالثه ورابعه ..لأأن كلامهام للأسف يختلف من دكتوره لثانيه
والله يشافيها يارب ماتشوف شر ان شاء الله.
المشاركة الأصلية كتبت بواسطة fashions 
وقوليلها تروح دكتوره ثانيه وثالثه ورابعه ..لأأن كلامهام للأسف يختلف من دكتوره لثانيه
والله يشافيها يارب ماتشوف شر ان شاء الله.
اختي هي رشيقه ماشاء اللع عليها…وهي مربيه مرتين بقيصري يعني من تحت مب متوسعه ولا شي …وهي تستخدم دايمن غسول بيتادين والحمدلله اتقول محافظه على الغسول…وهي امبطله اللوب من عقب شهر من تركيبه لانه ذبحها ..وهو السبب من البهدله الي هي فيها لانه سبب لها التهاب الين المبايض وكون لها ماء والين الحين اتعالج منه وماشي فايده للعلم هي امبطلتنه من 4 سنوات…وهي معالجه عند 5 دكتورات ومشهورات وايد من مثل..دكتوره زينب الهنديه ودكتور اوراس والدكتوره عفاف والدكتور رنا والدكتور سوسن صقر وخسرت ما يقارب فوق 30000 بس الين الحين ماشي فايده…الله ايعينها والله