كيف الحال ان شاءالله الكل بخير
كل عام وانتو بخير ومبروك عليكم السنه الهجريه
حبيت اشاركم قصتي يمكن حد يستفيد منها
انا متزوجه من 6 اسنين والحمدالله عندي بنت الله يحفظها لي ولابوها طبعا حملت فيها من بعد 8 اشهر من الزواج والحمدالله كان كل شي طبيعي وبعد ماربيت كانت تتاخر الدوره علي مره تجي ومره لا بس تعرفون الامهات كانوا يقولولي عادي انتي مربي وشي طبيعي يستوي هذا الشي وطنشت وقلت بشوف كملت بنتي سنه وبعدها الدوره نفس ماهي وبعد ماكملت بنتي سنه ونص كنت احاول احمل بس ماكان يستوي وطبعا انا حسيت ان في شي غير طبيعي قررت اروح افحص وطبعا بعد الفحص طلع عندي تكيسات بس الدكتوره قالت عادي تقدرين تحملين ومافي اي مشكله وبدت معاي كلوميد ومر على هذا الموضوع 6 شهور وطبعا ولا في شي فقررت اوقف واريح جسمي من الحبوب بس طبعا ماكملت شهرين الا ورجعت اراجع مره ثانيه لان ودي احمل وكل ماروح عند دكتور يقولي نفس الكلام لين اخر شي ربيعتي مدحتلي دكتور قالتلي وايد شاطر قلت بروح وبجرب وسويت كل الفحوصات وقالي بنبدا التلقيح الصناعي وطبعا بديت مشوار الابر واللوعه والزواع والحمدالله على كل حال ماصار شي وهذا طبعا علاجات دامت 3 سنوات ويوم من الايام قلت لا اكيد فيني شي مب طبيعي ليش الحمل مايستوي وهم يقولون عادي طبعا كله بامر الله بس حسيت في شي مب طبيعي فمره مريت على الكورنيش مدحولي الدكتور الجديد ريحان دكتور عقم وعرضت عليه موضوعي وعملي كل الفحوصات وفج عينه وقالي انا لو ببدا معاج راح اسوي عمليه ولو ماتبين العمليه انا اسف ماراح اعالجج استغربت وقلت للدكتور ليش شو صاير قالي للاسف انتي صغيره ولعبتي في جسمج وايد بالادويه والابر وكل هذا سببلج تكيسات حاده + غده درقيه + ارتفاع حاد في هرمون الذكور طبعا انا ماعرفت شو اقول والا شو اسوي قالي لا تردين عليا الحين فكري واستخيري وناقشي ريلج وجوفي وفكرت واستخرت وسويت العمليه ولله الحمد كل شي صار اوكي ورجع كل شي طبيعي والدوره رجعت طبيعيه وبعد العمليه 3 شهور رحت اراجع قتله ليش ماصار حمل قالي ماعليه اصبري بعد شهرين وفعلا انتظرت بس مافي شي ورحت وقالي خلي زوجج يجي عندي وعمله كل الفحوصات وطلع عنده ضعف في عدد الحيوانات المنويه طلعوا 2 مليون والمفروض 20 مليون قالي زوجج راح يحتاج فتره علاج وبطول يمكن يوصل اقل شي سنه فقالي لو حابه سوي طفل انابيب عشان بعد مانخلص منج نبدا مع ريلج على الراحات وبدون توتر وضغط منج في موضوع الحمل .
وفعلا بديت والحين في انتظار الدوره عشان ابتدي رحلة اطفال الانابيب.. وان شاءالله الله يوفقني واحمل.
بس بغيت اعرف حد سمع او جرب مع دكتور ريحان والا لا؟؟
انا عن نفسي شفته وايد اوكي من ناحية العلاج بس ماعرف بخصوص موضوع اطفال الانابيب..
واسمحولي لو طولت عليكم
بنات اللي جربت دكتور ريحان تفيدنا مأجورة
ولين الحين ماردونا على وسويت مرتين أنابيب في مركز فقيه بس مانجح الحمد الله ع كل حال
أنا كنت مسوية 3 مرات أطفال انابيب عند الدكتور وليد بس ما الله ما قدر لي الحمل .. ونصحوني اجرب دكتور ثاني الي هو دكتور ريحان .. فالحين بديت عنده على طول قالي بسويلج منظار تنظيف لانه عندج وايد التصاقات والأنابيب منتهية عندي متروسة ماي وملتصقة .. قالي اذا ما نفع المنظار بيسوي جراحة وبيشل الأنابيب لانها مسويه اعاقة للتلقيح ووجودها ما منه فايدة !
مادري خفت ..