السلام عليكم ورحمة الله وبركاته
اذا توفرت 3 من ال 12 " خافي علي زوجك وابتدي شكي "
اذا توفرت 5 من 12 " اكيد خائن " اذا توفرت 12 من 12. . . " من الاساس خائن "
1- الموبايل في حالة (قفل الهاتف) دائما يعني لو وصلت رسالة ما يقدر يقراها
إلا هو بعد ادخال الرقم السري.
2- وضع الموبايل على حالة(صامت او اجتماع) يعني ما يرن مولية في البيت
إلا في ما ندر!
3- اذا نسى الموبايل في السياره ونزل مثلا للدكان او الصيدلية وتذكر ان الموبايل
في السيارة يرجع بسرعة وياخذه.
4- اذا تصادف ورن الموبايل.. على طول يقول هذا واحد ما ابغي ارد عليه رغم انك
ما سالتيه نهائيا..رد استباقي
5- يفتح الموبايل ويسوي نفسه يحسب او يطرح كأنه يحسب سعر شراء سيارة او
بيع اسهم.. وهو في الواقع يرد على رسالة
6- لو نسى الموبايل والقفل مفتوح وشاف انك انتي او حد من الاولاد شالنّه في إيده
تقوم قيامته وتمر ليلة تعيسة على البيت …..
7- بعد تلقيه الرسالة أو (missd call) يتعذر بأي شي بس على شان يطلع من
البيت بسرعة.
8- واذا كان في الطريق ودخل يشتري اشياء من المحطة…يطول اكثر من اللازم .
9- الفاتورة مثل الغرفة اللي في قصر الغول اللي ممنوع دخولها نهائيا ومستحيل
يجيبها للبيت ابدا.
10- يغلق الموبايل وقت النوم ولا يتركه على الصامت …(قد تكون توصية من الحبيبة). .
تغاااار وتشك فيه…
11- أول شي يسويه في الصباح يشيك على صندوق الوارد في الموبايل.
12- أسماء غريبة في موبايله. . .على سبيل المثال:
ابو سعاد….ابو مريم.. ابو فاطمة…ابو ليلى
والاصل انهم :سعاد.. مريم.. فاطمة.. ليلى
اكيد هالشي ما ينطبق على الكل .. بس خلنا نكون واقعين ..
في وايد من الشباب يسوون هالحركات ويكون صج في
حياتهم وحده ثانيه .. لانه دوم لما اسمع شكاوي الحريم تقولي
زوجي توصله مسجات واحسه سخاف وعقب اكتشف انها من بنت
ومن هالكلام !
منقول
والله انج صادقه ..سبحان الله الوحده لو زوجها يخونها تحس بس البعض يحبون يكذبون ع عمرهم…
يسلموووووووو ..~
إذا الزوج يدخل البيت ويخلي تلفونه في السيارة
إذا دوم تحصلين سجل التلفون مشطوب وإن سألتي يعصباويطلع اعذار
إذا عنده تلفون ثاني في السيارة ويقولج انه ما يستخدمه
واهم من كل ها اذا لقيتيه يشك فيج بلا سبب فأعرفي انه يسوي شي غلط
هذي من تجربتي الشخصية للحين اعاني منه ماقول غير الله يصبرني