تعرفون حد سوا عمليه دوالى الخصيه لرجل
يليز لو تعرفون خبرونى الله يجازيكم وين سواها وعند منو بليز
وشو اعراضها بعد العمليه وتنجع ولا مو دايما والسموحه
ان شاء الله يساعدونج
وربي يعافي كل مريض
أنا أول ما عرست ما كنت أعرف عن الدوالي أي شي بس بعد العرس بشهر أو شهرين ريلي قالي انه هو فيه دوالي الخصيه وكان مسوي تحاليل من قبل في مستشفى والله ما أذكر اسمه والدكتور قال مسستحيل تيب عيال و من سابع المستحيلات لأنه الدوالي قضت عالحيوانات المنويه بشكل كبير .. وريلي تحطم بس اللي ضايقني انه ريلي من خوفه ابدا ما صارحني باللي فيه…. و بعد ما صارحني على طول جبرته عسب نسويله تحاليل طبعا في مستشفى ثاني .. وقال بسوي عملية دوالي… والدكتور قاله بعد سنه انشاءالله يمكن 30% يصير حمل يعني كان أمل واااااايد بسيط …. والسنه اللي عقبها 60% وقلت حق ريلي انته توكل وسوها … وأنا راضيه باللي الله كاتبنه …والدكتور قال إذا الله ما كتب خلال السنتين احمل بيجمد الحيوانات المنويه … .
المهم ريلي سوى العمليه بداية شهر 4 وأنا طلعت حامل في نهاية 4 … والله والله والله انها معجزه من رب العالمين اختي و الله من سويت التحليل وظهرلي خطين بغيت أمووووووووت من الصياح … وطبعا حزتها كنت اكمل آخر كورس فالكليه كنت فالشارجه وريلي فبوظبي و رحت العياده عشان اتأكد وأنا راده قلت حق ريلي مبروووووك بتصير بابا اتخيلي انا اصيح من صوووب وريلي من صووب … الحمدالله والشكر …… شي محد كان يتوقعه حتى الدكتور يوم ريلي دقله عشان يشكره والله انصدم وقال مستحيل انته تمزح … والدكتور اسمه خالد ……………
أدري مصختها وانتي بغيتي تستفسرين عن شغله بس رديتيني سنه كامله لوارا…… الله يرزق كل محروم من الضنا والله يشفي كل مريض من علته … واللي عندهم يشكرون ربهم ويدعون لخواتهم….
الغاليه أنا دخلت وما حبيت اظهر بدون ما أرد عليج انشاءالله انا بتأكدلج من ريلي التفاصيل كلها وبرد عليج انشاءالله … لا تحاتين جريب………..
و انا انصحكم تسوونها و لا تتأخرون ابدا …
عاد تأكدي من الدكاترة و ربي ييسر اموركم ….
تعرفون مستشفى الانصارى احتمال ريلى يسوى عنده الى عندها فكرع تخبرنى اذا اوكى ولا والسموحه
وخلي ايمانج قوي مثل اختنا ام خلودي ما شاء الله
الله يشفي مريضكم ان شاءالله .. سلمي امرج لله .. والله بيسر لج ان شاءالله ..