شحالكن عساكن بخير ..
الله يسلمكن ما بطول عليكن .. بس عندي استفسار ..
الله يسلمكن أنا كانت عندي الدورة متخربطه حدها .. والمستشفيات الحكومية قالوا لي اتريها لين ما تتعدل بروحها :1 (37): << طيب واذا بترياها متى ما ترتبت متى بحمل ؟؟؟؟؟؟؟؟؟؟؟
عاد أنا سرت مستشفى خاص وعطوني دوا نسيت اسمه .. بس هو شكله مربع والحبوب مالت الدوا اللي داخله نصهن لونهن ابيض ونصهن لونهن بني .. وقالوا لي أرشربه لمدة 3 شهور من خامس يوم الدورة ..
وبعد ما خلصت كورس الدوا سوت لي الدكتورة اللي في المستشفى الخاص فحص وقالت لي عندج التبويض ضعييييييييييييف .. ولازم تشربين دوا كلوميد اذا تبين تحملين .. وقالت لي اشرب حبتين في اليوم لمدة خمسة أيام ..
عاد أختكم الحلوه سارت المستشفى الحكومي وقالتلهم السالفة عشان تتأكد .. لأاني بصراحة أخاف من المستشفيات الخاصة .. أخاف تكون السالفة تجارية وتباني بس أتم مداومه عندها عشان تبا البيزات ..
المهم يوم سرت للمستشفى الحكومي قالوا لي لا تشربين حبتين في اليوم بس اشربي حبه وحده .. لأن انتي عندج كسل في المبايض بسبب حبوب منع الحمل اللي كنت اشربهن عقب ما ربيت ببنتي .. وقالوا حبه وحده تكفي .. قالوا لأنه بيستويلج تكييس في المبايض .. ويمكن تحملين بتوم .. << مع انه في وحده من قرايبنا نفس سالفتيه بالضببببط وعطوها هالمستشفى الحكومي كلوميد حبتين في اليوم نفس ما قالت لي الدكتورة الخاصة !!!!!!!!!!!!!!!!!
المهم يوم سرت قلت للدكتوره اللي في المستشفى الخاص شو قالوالي قالت لي ما عليج منهم .. هو بيستويلج تكيس بس بسيط جدا بيروح بروحه .. واذا تبين تحملين بسرعه سوي اللي قلتلج عليه ..:1 (2):
عاد الحين أنا محتاره اشرب وحده والا ثنتين ؟؟؟؟ و منوه فيكم مجربة الكلوميد .. وكيف شربته .. وحملت بعده والا تأخرت .. وصدق الوحده تحمل بتوم ؟؟؟؟:1 (25):
أتمنى تجاوبوني بأسرع وقت .. لأني المفروض اشرب الكلوميد من قبل 3 شهور بس والله زايغه .. وعاد ريلي الا يباني أحمل .. وحلفني أشربه هالشهر .. واليوم يتني الدوره .. يعني لازم اشربه عقب باجر ..:1 (36):
ياليييت تفيدوني .. ولكم جزيل الشكر ..
وآآآآآآآآآآآآسفة عالاطالة .. بس حبيت أعطيك السالفة بكل دقة عشان تكونون في الصورة وتعطوني الجواب بعيدا عن الاستفسارات ..
وانا في انتظاركم ..
إذا الدكتوره نصحتج فيه توكلي على الله
الله يرحمنا برحمته ويرزقج ويرزقني بالذريه الصالحه ويرزق كل من تتمنى الحمل قادر على كل شي
أنا موقفه دوا منع الحمل من سنتين !!
بس كلامج مقنع .. بصلي استخاره وبتوكل على الله وبشرب حبتين ,, ولو اني بعدني فيني زيغه ..
والله يعطيج ان شااء الله
والله صدق بخاطري اييب مجموعه دفعه وحده شرات القطوه هههههههههه .. بس عادي اللي ييي من الله حياه الله المهم بصحته وعافيته وبصحتي وعافيتي ..
ويزاكن الله كل خير
من ثانى يوم للدورة
والله يرزقنا جميعا بالذرية الصالحة يا رب