هلا خواتي
بغيت منكن مساعده ,
محتاجه أفكاركم للديكور حق محل مؤقت ( ستاند ) ,
في معرض من المعارض. .
نوع النشاط دخووون وعطورات,
شو اتشورون عليه ؟
واذا شي محلا ت اتسوي واتفكني من هالسالفه ؟
العام كان الديكور بورق الجدران وهالسنه ان شاء الله ابغي اغير
اترياكم خوواتي
ودخلي ذهبي وفضي ..وبيطلع فخم واللون الاسود بيشد الزبائن..
لاحظي كيف الالوان حلوه
وممكن تصبغينه كله اسود وادخلين سلفر او ذهبي شوي لاينات او مربعات
والله يسر لج يارب
تعبت الين سويتها بالفوتوشوب ..
صح شغل سرعة سرعة بس والله خذ من وقتي .. 
اذا عيبج ولا ما عيبج اتمنى تردين علي بـــ جزاك الله خير وتدعين ان الله ييسر اموري ..
الفكرة عبارة عن فريمااااات فخمة + مخمل فخم
ممكن يسويها لج اي محل ستاير او محل كوش ..
الفريمات بتلقينها غير مطلية ف الـ Dragon mall وتنباع بالامتار عندهم..
الاضاءة ممكن تخلين ع كل فريم سبوت لايت عشان يبرزه =) تلقين وايد بس ف ايكيا بأقل عن 10 دراهم
واجهة المحل ..
المحل من داخل..
اذا حبيتي اتخلين طاولة اتحطين عليها السامبل ممكن تكون عبارة عن فريم وتحتها مخمل بلون باكجرواند المحل.
اذا حسيتي المكان فاضي وفي مجال تزيدين من الديكورات ممكن تنزلين فريمات صغيرة مالت الصور العادية من سقف المحل بشكل عشوائي وتربطينها بالخيوط النايلون الشفافة ووشي نازل وايد وشي لا ..
بعد القرية ممكن تبيعين هالفريمات ف الكراج سيل يمكن حد بيحتاجها لديكور بيته..
واتمنى اني افدتج ..
ان شاء الله احصل محل ستاير يسوي لي اياها
و عموما .. أعتقد محلات الكوش .. بيقدرووون يساعدووونج و يعطوونج أفكااار .. و انتي أختاري الفكره اللي تعيبج ^_^
و السمووووحه أدري ما أفدتج بشي .. >> ماعندي أفكااار ^_^