رابطة يديدة لريجيم التمر واللبن منو معاي ؟ 2024.

بنات خلاص انا قررت اسد حلجي عن البلعة

اليوم وزنت وزني 69 اشوة ما وصلت 70 جان انتحرت بعد لوووووووول

انا ماصدقت اكسر السبعين اخيرا

المهم عن القرقة

من بااااااااااااجر

باجر موووووووووو يوم السبت كالعادة

من باجر ببدا ريجيم التمر واللبن بس مع تعديلات بسيطة لان ماتحمل الدوخة وهي كالتالي :

الصبح لازم اتريق ريوق سنع

وهالشي يوميا يووووووووووووووووووووووميا لمدة اسبوع بجرب
لازم اوصل 65 كبداية وعقبها بعطيكم النتايج

4 قطع شابورة بالحبوب من امريكانا مع جبن فيتا سعودي
وخيار وطماط وشريحة مرتديلا رومي مدخن و بيضة مسلوقة

مع شاي او قهوة او عصير برتقال فريش او جريب فروت مال فلوريدا

( الشابورة عجييييييبة مع الجبن الابيض المالح تهبل واحلى من التوست )

وباجي اليوم عندي 21 تمرة مع 3 علب لبن شتورة عيران المالح لان ماحب غيره الصراحة واحب المالح

يعني 7 تمرات مع علبة لبن على الغدا لان تريقنا ريوق يشبع لباجي اليوم

14تمرة مع علبتين لبن الساعة 8 بالليل

وعقبها نشتغل مااااااااااااااااااي وشاي اخضر او شاي اعشاب مع سكر نبات علشان نعوض عن الملوحة مالت اللبن

انا عن نفسي اسوي شاي اعشاب كالتالي

في كوب كبير ( ماغ ) احط اكليل الجبل، يانسون، بابونج، ميرامية، نعناع، كيس شاي اخضر ( كواليتي)
كراوية

واصب عليهم ماي مغلي واغطي الكوب 10 دقايق
بعدين اصفي الماي من الاعشاب واشربه

وكان الله غفورا رحيما

يالله يا شجاعات

منو يبدي معاي من باجر

لاتقولون ماعندي تمر ولا ماعندي بيض ولا مادري شنو

من صباح الله خير قطوا عيالكم ولا اخوانكم المدرسة وطيران على السوبر ماركت

بلا اعذار

هااااااااااااااااا منو معاي؟؟

وراي عرس شجعوني خليجية

صباح الخير

نظااامج حلوو وزين إنج معدله فيه يعني الريوق حلوو ويشبع،، انا ها الويك اند بصوم واخفف الاكل ،، بس بجربه معااج بعد فتره،، وحاول تسوين معاه مشي أو رياضه لو نص ساعه في اليوم

وشدي حيلج وبدش أشجعج

تحـــياتي

تركـــواز

شكرا شكرا

ماشالله 46 وحدة بطوطة دشت وولا وحدة ناوية تضعف لوووووووول

يالله شجعيني واشجعج تركواز خليجية