اشحالكم خواتي…. اسمحولي اذا هذا مب القسم المناسب لموضوعي
أنا بغيت آخذ رايكم في الموضوع … لما طلعنا رحله في اجازة العيد …تقريبا 4 أيام
كنت أنا وبنتي (عمرها سنه) وريلي ..وعيال عمي وأمي وخواتي >>> ما شاء قبيله
المهم…بنتي ما شاء الله عليها حركيه وااااايد.. وما اتخلي شي ما تتعبث فيه
الله يحفظها يااااارب… تروح تمشي بروحها بعيد عنا ما اتخاف
وطبعا طول الوقت أنا أراكض وراها وأغير ملابسها بعد معركه…لأنها ما اداني حد يمسكها
وخلال خمس دقايق تكون وسختها مره ثانيه… وجوتيها كل ساعه يطيح وأنا أخاف شي يعورها وهي تمشي على الحشيش في الحدايق
طبعا خواتي يساعدوني …بس مثلا حزت الأكل الكل يبى يتغدا أو يتريق
وهي ما يحلى لها الصياح الا ساعتها…
واتم انا ما سكتها وما أعرف آكل …شوي أنا وشوي ريلي
لحد ما تنسد نفسنا عن الاكل
ومرات ما اتخليني أرقد عدل في الليل… وأنا هلكانه طول اليوم أركض وراها وريلي يباني أنش من الساعة 7 ونص
وانا طووووول الرحله هذي حالتي أنش من الصبح وراكض طول النهار
لا أكل مثل الناس ولا أقعد مع الحريم والبنات واستانس ولا أقدر أسهر معاهم
في البدايه ريلي لما يشوف شكلي مرهق وتعبانه …كان يقول لي شو هذا ليش انتي جي تتعبين بسرعة
(والله أنا الوحيده اللي من المجموعة اللي تقوم مبجر… وحده من أهلنا عندها 3 ياهال بس ساحبه المربيه معاها… و أختي اللي عندها ياهل مثلي اتنش متأخر … وبنتها فديتها مب متعبه مثل بنتي… والثالثة اللي معانا معرسه شهر 7 وما عندها ياهل وبعد اتنش متأخر
ريلي يقول عادي هذي عروس…. وأنا يحليلي ما اتهنيت وأنا عروس حملت على طوووووول وكان يقولي لا تسوين لج سوالف وأونج عروس)
بس على نهاية الرحلة حس… وقال الصراحه الله يعطيج العافيه
وقالي خلاص المره اليايه بنشل الخدامة معانا… وأنا قلت له خلااااااص المره اليايه ما بطلع مكان بقعد في بيتي أريح (طبعا هذا من التعب… ما أعتقد بسويها صج)
أنا ما أحب أسحب الخدامه وراي لا أوديها معاي أي مكان … حتى كنت لما أروح بيت أبوي في الويك اند ما كنت أشلها معاي
أنا أصلا ما أعتمد عليها وايد …ما أداني الخدم … أحس انه في حد مغصص علي
وريلي نفس الشي …بس يقول على الاقل بتركض وراها وتمسكها حزت الأكل
أنتو شو رايكم؟؟؟؟ …. أسويها و آخذ الخدامه ولا شو الحل
لا تبخلون علي بالنصيحة
أترياكم
احيانا تنجبرين تاخذين الخدامة معاج
بس اذا انتي كأم تتعبين من كثر المراكض ورا بنتج فهل تتوقعين ان الخدامة بتتحمل هذا
وغير هذا لما تكونين في مكان ومعاج الخدامة
كل اللي معاج في الرحلة يبونها تراكض ورا عيالهم وتسوي اشغالهم
وبجذه بتتغصصين زيادة 
والله محد بيداري بنتج غيرج
عيل شو فايدتها راقده فالبيت وانتى تراكضين وتتعبين وفي النهاايه هي تستلم راتبهااا على البرااااد!!!
المشاركة الأصلية كتبت بواسطة عالية الغالية 
احيانا تنجبرين تاخذين الخدامة معاج
بس اذا انتي كأم تتعبين من كثر المراكض ورا بنتج فهل تتوقعين ان الخدامة بتتحمل هذا
وغير هذا لما تكونين في مكان ومعاج الخدامة
كل اللي معاج في الرحلة يبونها تراكض ورا عيالهم وتسوي اشغالهم
وبجذه بتتغصصين زيادة
والله محد بيداري بنتج غيرج
والله أنا هذا راي بعد..اذا انا أمها ما اتحمل كيف هي بتتحمل
دايما أخاف الخدامة تسوي شي في بنتي اذا تعبتها
عشان جي أخليها اتساعدني ,,, بس بدون ما أتعبها
لما أقول هذا الكلام حق أختي… تقول بتتحمل لأن هذا شغلها اللي تعيش أهلها منه
بس أنا راي ان الخدامه شغلتها البيت وبس …أختي تقول شغلها هو أي شي انتي تطلبينه منها
ما أعرف مرات أحس ان كلام اختي صح … ومرات لأ
شو رايكم
المشاركة الأصلية كتبت بواسطة بنت زاايد عيل شو فايدتها راقده فالبيت وانتى تراكضين وتتعبين وفي النهاايه هي تستلم راتبهااا على البرااااد!!!
مشكورة على نصيحتج … والله حتى اني ما استانست في الرحلة قد ما تعبت
أحب اسمع وجهات نظر مختلفه
لا تغلطين وتقبضينها للخدامة…
والسموحة