رايكم في القطاو ؟ضرووري 2024.

السلام عليكم ورحمة الله

المهم انا ودي بقطوه صغيره المهم مب عارفه كيف يهتمون فيها وجيه

وشو رايكم اخذ ولالا

انا ربيتها فتره و كانت حلوة و تونسني
مكن توديها دكتور يطعمها اول شي وما يصير لها شي
و تتعود على مكان الحمام وجي خلاص تستوي شحلاتها
وتغسلينها مرة بالاسبوع او اسبوعين و تعطينها اكل خاص بالقطاو معلبات و شبس خاص فيهم

ماحب اربي حيوانات ><"

آب لعيونج

لألا لألا تسبب حساسيه و الشعر في كل مكان

حسب كل نوع في شي شعره يطيح و في شي عادي
خذي قطوه يكون عمرها جي 4 شهور وتكون مطعمه
واذا عزمتي تاخذين قطوه كلميني ع الخاص عشان انصحج كيف تعرفين اذا هي بخير او مريضه
بتوفيج حبوبه

اذا عندج مكان زين
يعنى هي يبالها مكان عشان تحطين لها الرمل مالها تسوي فيه فضلاتها
وتحطين لها اكلها الخاص والبسكوت وحليب
يعنى يبالها ميزانيه بحدود 200 فالشهر
لانها ما يستوى تاكل من نفس اكلنا مال البيت كله دهون وبهارات بمرور الوقت بطنها بيعورها
وعن التطعيم اذا هي ما تطلع برع البيت ابدااا ما يحتاي
بس سبحيها كل اسبوعين او اسبوع
و التنظيف ترا اذا بيتكم رخام او سيراميك اكيد تمسحونه يوميا بالديتول
واذا زوليه باللصق العود يخوز شعر القطاو عن الغنفات والسجاد
اممم شو بعد
بس
وتراها تونس وتسوى جو وتاخذين اجر يوم تاكلينها تحسين الله يدفع عنج البلا
وهاللي يقولون تسبب عقم ومادري شو كلها مبالغات انتى ما بتمسكينها وبتاكلين اكيد بتبدلين ثيابج وبتغسلين ايدج
بس لا تشترينهم من محلات واسواق الحيوانات لانى مره اشتريت قطو صغير من سوق الشارجه وكان فيه حمي وما كمل يومين ومات
وكان غالي .. دوري حد عنده قطاو واشتريهم عنه احسن .