الســـلام عليــكم ورحمه الله وبركاته .. مثل ما كتبت في العنوان ..حبيت استفيد من اللي ربن في مستشفى القاسمي في الشارجه… انا ان شا الله ما باقي لي شي و اولد .. هذا بكري والحمدلله .. كنت اتعالج بدايه حملي في امريكا لاني كنت ادرس والحمدلله تخرجت ورجعت لبلاد وانا في الشهر الثاني … وبعدين كملت علاجي عند الدكتوره شازيه في عياده رياض والحمدلله احب تعاملها واسلوبها …الحين يوم دخلت الثامن قالي ريلي شو رايج في مستشفى دبي والا الوصل ؟!!! أنا قلت مابا .. لأنه اهلي وخواتي كلهم في الشارجه عالاقل اهني بكون جريبه منهم حتى بيت اهل ريلي في الرقه يعني المستشفى وااااايد جريبه يوم بكون في حايه لشي او انه حد اييني .. ما يباله فره حصا وهم واصلين ..قلت له شو يوديني اخر الدنيا واقتنع
ألحيــــن الســـــؤال مني اللي ربت في مستشفى القاسمي ؟ وشو رايج في غرفه الولاده ؟ تعاملهم ؟ يعني بشكل عام الدور الثاني اللي يخص الأطفال والولاده. هل في تطور فيه والا هو مثل ما سمعت عنه قبل يوم كنت صغيره وازور المربيات من اهلي ؟؟؟؟
على فكره انا مب عيووووز بس النك نيم هذا مادري ليش عيبني.gif "44 (29)")
ألحيــــن الســـــؤال مني اللي ربت في مستشفى القاسمي ؟ وشو رايج في غرفه الولاده ؟ تعاملهم ؟ يعني بشكل عام الدور الثاني اللي يخص الأطفال والولاده. هل في تطور فيه والا هو مثل ما سمعت عنه قبل يوم كنت صغيره وازور المربيات من اهلي ؟؟؟؟
على فكره انا مب عيووووز بس النك نيم هذا مادري ليش عيبني
وبكـــون شـــاكره لكل وحده تفيدني ودعوه خالصه لوجه الله تعالى صادقه من القلب
مشكـــوره إختي مغروره اختج حليلها شو سوت ؟؟؟ ما عطوها بعدين غرفه بروحها ؟؟؟؟ وكم تمت في المستشفى ؟ ربت طبيعي والا ؟
فيديني الغاليه ..والله يسهل عليج حملج
فيديني الغاليه ..والله يسهل عليج حملج
مشكورة الغالية ع المعلومة
مع اني من سكان الشارجه بس ما افضل القاسمي والحمد لله يوم اربي بالوصل ف دبي وتعاملهم وااااااايد زين
والله يتمم لج حملج على خير يارب
انا الحمدلله ربيت في القاسمي
مع اني كنت وااايد اسمع انتقادات بس الحمدلله الله يسر لي كل شي
لاني توكلت عليه
والحمدلله حظي كان حلو لان دخلوا ريلي وكان وياي من اول ما دخلت المستشفى لين ما دخلوني الولادة
والدكتورة كانت وياي في الولادة والحمدلله كانو مهتمين فيني محد قصر وياي
وعطوني غرفة خاصة
هذي تجربة اختي تقولج:
اختي انا انصحج بمستشفى دبي هو قريب بس يمكن عشان الزحمة تحسينه بعيد بس انت بجر والبجر ما تربي اول ما يدقها العوق يعني يبالج وقت فلا تحاتين الدرب المهم العناية والاهتمام..
اذا كنت وايد محتارة استخيري وخذي جولة في قسم الولادة قبل ما تربين والله ييسر عليج حبيبتي كل الامور ..
نوف و روزه و أم عبادي والوميض الأزرق
يـــــزاكن الله خير على مروركن والرد على موضوعي … بصراحه انا بستخير وبوكل امري لله .. وان شا الله بخبركن بقراري .. بس صدق أشكركن من قلب .. ودعواتي لكل وحده ..ان الله يسخر لها زوجها ويسعدها .. وتكون ذريتكن ..ذريه صالحه باذن الله تعالى
يـــــزاكن الله خير على مروركن والرد على موضوعي … بصراحه انا بستخير وبوكل امري لله .. وان شا الله بخبركن بقراري .. بس صدق أشكركن من قلب .. ودعواتي لكل وحده ..ان الله يسخر لها زوجها ويسعدها .. وتكون ذريتكن ..ذريه صالحه باذن الله تعالى