دخلت المنتدى اليوم واشوف مواضيع كثيرة عن سرطان الثدي
عافانا واياكم من الامراض ان شاء الله
بقولكم قصة ربيعتي
كان صدرها صغير وايد وسارت عند دكتور اعشاب وقالها هالخلطة اشربيها وتفكري منها في صدرج والبس لباس بلاستيك مال الاكل ورصى على صدرج على اساس انه يتشرب مفعول الدواء وارقدي لين ثاني يوم
ووصاها تتسبح بماي حار وبارد على صدرها بالذات وهاي البنت اصلا تموت على شي اسمه ماي حار لدرجة الغليان وكانت تفرك صدرها لين يحمرن حسب كلام الدكتور المحترم
تعرفون شو صار لها طلعت لها كتل في صدرها اليمين واليسار والسبة هالخلطات وهالبلاوي
ويوم نصحناها من سنوات تروح وتكشف قاااااالت مابى لان المرض من عند الله وربي قادر يشفيني وهي كله تتفرك بزيت زيتون وتقرا الايات على عمرها وصارلها سنين على هالحالة و عايشة حياتها عادي
الحين سؤالي هل هي تقدر تستمر على هالشي لان هي ناسية الي فيها ولا مفتكرة لكن مواضيع البنات اليوم ذكروني فيها ومب عارفة هل افاتحها في الموضوع وتروح تكشف ولا اتركها في حفظ الرحمن ويمكن ما يكون فيها شي
لاني خايفة عليها وتعز علي وايد
نحن كلنا شاكين بالخلطات الي كانت تاخذها لكن معقولة الخلطات تسوي كتل في الصدر
سؤالي اذا فيها كتل من سنوات طويلة ولا صار لها شي هل هالشي يدل انه سرطان؟
ان شالله مايكون فيها شي ..
الكرنب 00 اواق الملفوف تاخذهم وتلبسهم على الستيان 000 اتغطي ثديها باوراق الملفوف وان شاء الله ستتعافى باذن القادر القدير 000
بس عشان يرتاح قلبيها ونفسيتها
انصحوها واغصبوها اذا اضطريتو لانه هالاشياء ماينسكت عنها
الله يعافيها ويشافيها وان شاءالله تكون بخير
بس عشان تتأكد تسير تفحص فاتحيها بالموضوع وشوفيها شو راح تقول لج ……………..