بخبركن سالفة ربيعتي و ان شالله تلقى عندكن نصايح و رايي يفج همها…
يا طويلات العمر .. ربيعتي حبها شخص( نحن الحين ما بنتناقش في هالموضوع لانه موضوع فات عليه )
المهم طلعت وياه مره و شافها اخوها وياها ( اخوها الصغير-اصغر عنها بسنتين عمره 22-.. سامحها و ماخبر حد من اهله.. بس تم دايمن يشك فيها)
المهم الريال اللي يحبها طرشلها مسج و قالها انا بتقدملج و بييب اهلي الاسبوع الياي..
على اساس ان ربيعتها بتكلم امها و بتقولها ناس بيونكم يخطبون
بس هي خايفه من اخوها لانه بيعرف الريال..و اكيد ما بيوافق او يمكن يخبر اهله عن السالفه..
هي تقول لو ما يباها على سنه الله و رسوله ما طرشلها مسج و قالها نحن بنيي الاسبوع الياي عشان يخطبونها.
بصراحه انا ماعرفت شو اقولها و لا شو اققترح عليها
فقلتلها بطرح موضوعج و بنشوف اراء البنات
وهي خايفه من اخوها..
وما اعتقد اخوها بيعارض
اكيد يبى الستر حق اخته
المشاركة الأصلية كتبت بواسطة NoooNooo 
وما اعتقد اخوها بيعارض
اكيد يبى الستر حق اخته
بس المشكلة مش في الريال اذا هو متردد و لا لا . الريال حدد الاسبوع الياي بيي و بيتقدم لها
المشكله في البنت خايفه من اخوها و رده فعله
وأخوها ماله مصلحة يرفض الريال..إذا هو شافها معاه وستر عليها ..كيف بيفضحها أحينه والريال يباها بالحلال؟
عشااان تتدارك ردة فعله
تحمد ربها ان الريال طلع ولد ناس وقرر يتقدملها
عيل كانت تباه يلعب عليها
بعدين اخوها ماعتقد بيرفض او يفضحها دامه ستر عليها وهي تعرفه ومابينهم شي
مابالج وهو بيخطبها بالحلال
خليها تتوكل على الله وماله داعي الخوف الريال شارنها