رجعت لزوجي بشروط مختومه من القاضي . ارجوكم انا في ضيقه 2024.

بنات انا من 9 سنوات متزوجه وعندي 2عيال … من بداية زواجي وانا بمشاكل مع زوجي ….
باختصار كان قبل لما تستوي المشاكل يمد يده عليي …والسبب زوجي يبغيني مالي كلمه ماعندي اصدقاء .. حتى اهلي سوا مشاكل من بينا … حتى دراستي طلعني من ومب راضي اكمل ولا اشتغل ولا شي ….
ابغي اتخذ قرار في حق نفسي مش قادره … تراني انسانه ومواطنه ومن حقنا نتعلم ونرتقي وتكون حياتنا هادفه علشان يرضى الانسان عن نفسه ….
يعني يبغي يمحي شخصيتي نهائيا اشياء وااايد سواها لو قلتلكم ممكن تعاتبوني اني لين الحين مستمره …
انا سني صغير بعدني ما طلعت من العشرينات … حتى شكلي صغير ويعطوني اصغر من سني المهم ..
يا بنات انا من فتره استوت مشكله كبيره وااايد وكانت خلاص واصله للقاضي اني خلاص بطلق والسبه انه معتدي عليي با الضرب والاهانه …. كم مره وكانت اخر جلسه تخيلو تمييت تعبانه وافكر واقول يمكن اذا عطيته فرصه بيعتدل يمكن ويمكن … لكن للأسف ما فادت شفقت عليه وتنازلت لكن بنفس الوقت شرطت واااايد شروط علشان استرد حقوقي منه ويعرف قدري …
مب لازم اقول الشروط لكن كان منها اني اكمل دراستي ويدرولي على دوام واشتغل وفي امور ثانيه بعد …
المهم كبدايه لما رديتله سوا كل الشروط بس شوي شوي كل مره يسحب عني شي … لين مووووووول ما خلالي شي من الشروط حتى دراستي والشغل صد عن الفكره وطنش ….
وانا الصراحه ملييييت والله مليت انا انسانه من حقي اعيش من حقي اتخذ قرار في حق نفسي حتى عن الدكاتره يعالجني ممنوع …حتى اللي يعطيني اياه ما يكفيني وما يفكر يزيدني وقلت برايه لازم اراعيه … تامه في البيت اهتم في عياله وادرسهم اقول بصبر يمكن يعتدل … عيزت وانا اكلمه لاهي مع ربعه … كله طلعات مولات سينمات … وانا وين حياتي ؟؟؟؟ حتى ممنوع اطلع مع اخوي والا اهلي …..ليش رب العالمين خلقلنا عقل حالنا حال الريال ؟؟؟ مب علشان نشاركه هاي الحياه ؟؟؟ ليش دوم الحرمه الغلط راكبنها والريال شو ما سوى يتم ريال بس نسيتو انه يتحاسب عند ربه بنفس مكانة الحرمه ؟؟؟
والمشكله العوده انه يدور عروس …. يبغيني اشوف هناها جدامي واموت …. يبغيني اشوف لما يدلعها جدامي وانا مالي شي واموت ؟؟؟
انا تعبانه صايمه الاكل ماروووم اكل تعبانه انا بروحي ايني اكتئاب شديد بين فتره وفتره …..
الحين شورو علي كيف اطالب بحقوقي اللي انهضمت ؟؟؟
انا الصراحه ما ارضى بضره علشان صحتي ما تنهدر اهم شي الصحه ما تتعوض لو شوه استوى …
والمصيبه العوده حياتي مب خاصه فيني بروحي لالالالالازم كلحد يعرف عنها حتى ربعه للأسف استوت الحياه الزوجيه اللي لازم تكون سر … استوى كل شي مفضوح ما عادت للبيوت اسرار والسبه هو
….

ياارب سخر لهاا زوجهاا يااارب ..

اذكري الله دووم واستغفري ,, اغتمني الفرصه الحين بديناا بأول يووم ذي الحجه ..

اكييد هو عنده نقص عشاان جي يبا يسوي فييج
و الله مادري شو اقوول
المهم الله يصبرج و يفرج همج

بقولج اهتمي فيه دلعيه عطيه حنان زياده احس انج ما تقدرين..

استخيري و جوفي الخيره ….ما ادري جربتي تبتعدين عنه فتره .حسسيه انج ما تبينه و خلاص بتردين بيت هلج ..

جربي هالحركه شوفي يمكن يوم يحس انج بتضيعين منه بينتبه لج ..

الله يعينج و ييسر امورج يا رب ..و صدقين دوام الحال من المحال و حياتج بتتيغر للاحسن بس انتي تفائلي ..