رجيم التمر والحليب تعالوا وشوفوا . 2024.

كيف حالكم هاي اول مشاركه لي في هذا القسم وانشاء الله استمر معاكم وياله خواتي كل وحده تشجع الثانيه على الرجيم والضعف .
ببدء في الموضوع على طول

خواتي وحده من زميلاتي في مركز الرياضه اقصد الجم
قالت انها جربت رجيم ونزله عليه وايد وهو رجيم الحليب والتمر يعني ما تاكل اي شيء بس بعد كل صلاه تاكل 5 حبات تمر اي نوع واي حجم و تشرب 4 اكواب حليب في اليوم توزعهم على كيفها يعني كل اربع ساعات مثلا تشرب كوب ولحليب يكون قليل الدسم ومع الرياضه والبنات جربوه ويقولون عنه وايد زين فحبيت خواتي اخبركم عنه علشان تستفيدون والحليب لازم يكون قليل الدسم مش منزوع الدسم وعادي اذا استمريتي عليه كمن يوم وتعبتي ارتاحي يومين بس ما تفتحين وايد في الاكل خلي اكلج قليل حرام علشان ما تخريبن الرجيم .
وهذا الرجيم مده اسبوع بس كفايه .
انا في خاطري اجربه بس الحين مستمره على رجيم واريد اخلصه .
لكن بجربه انشاء الله .

وبعدين فوايد التمر لا تعد ولا تحصى حتى الحليب فوايده واااااااااااااااااااااااااااااااااايد
نسيت اخبركم مسموح تشربون شاي وقهوه متى ما بغيتوا لكن بدون سكر .
غير أنه يجب ألا يستعمل هذا الريجيم لمدة تزيد عن 6 أسابيع ، وإلا ابتدأت الأعراض الجانبيه الناجمه عن نقص البروتين والأملاح والألياف والفيتامينات بالظهور .

شوه رايكم خواتي .

تسلمييييييييييييييييييييييييييييييين حبووبه بس انا اتعبع نظامي ما اروم اغيره وجذه

انزين ما ينفع لبن بدال الحليب احس ما بركب حليب وتمر
على العموم تسلمي وبحاول ان شاء الله اجربه

شكرا حبوبه اسعدني مرورج وانشاء الله يتحقق حلمج .

قالو حليب
وفوايد الحليب وايد وبعدين البن شوي حامض كيف تشربينه على الريق وعلى العموم مشكوره غناتي على المرور الطيب .

بسلموووووووووووووووووو

بنجرب وبنشوف