رجيم تاتو الدبه 2024.

انتوا متصورين 22 وعشرين كيلو ف 4 سنين خيبه مب اكل كنت ازطه اهيء اهيء

ان شاء الله ماضيجت فيكم بس بقصتي

تعرفون شو يزقروني احينه بالبيت الدبه نسوا اسمي الا الدبه وين سايره والدبه شحالج

وعادة بدت المقارنه والتنغيزات البنت المتينه تبين كبيره والبنت المتينه ماتبين كيوت والبنت المتينه اتبين جنها امعرسه اووووووه اتغصصت وانجرحت وصحت>>>>الاخت حساسه

مايحسون
ادري اهلي يموتون فيني ويبون مصلحتي بس تعبت…جد تعبت ..لان انا من النوع مااحب حد يقارني بحد انه هو الاحسن وانا مب شي

ف شو قررت تاتو الحلوة

ابتديت من 3 اسابيع اخفف قلت يا انا يا هالمتن وللعيد ان شاء الله ابا اوصل للستين يعني 3 شهور

ابا ابدي بداية صح مابا ف اسبوع 5 كيلو او8 كيلو فاسبوعين لالالالالالا هذا الاسلوب مجربتنه قبل فادني صح بس مجرد ماارد اكل يومين اكل شوي دسم يعني عيوش وجيه يرتفع الدبل فقلت ابتدي صح

اول اسبوع كنت اكل بس ال3 وجبات الفطور يكون 9 او 10 بس اللي موجود ف فطور البيت يعني لو شفت قرص بيض وشاي حليب وكورن فليكس وبلاليط وخبز الرقاق وجبن وحليب وهالسوالف بس اكل كورن فلكس ف طاسه متوسطه وحليب او بس نص قرص البيض وعصير اورنج او خبز رقاق حبه وحده وادهنه ب جبن قليل الدسم

الغدا كنت اكل الغدا بس يعني اللي مسوينه البيت يعني عيوووووووووووووووووووش مع دياي او سمج او لحم بصوالينها بسلطاتها برياني ,مجبوس ,عيش ايض, اللي مسوينه بسسسسسسسسسسس اشوف مكان اكلي اقارنه باللي قبل قبل ربع الصينيه اكل الحين لا نص الربع اللي قبلي

يعين اخلي مساحة الاكل الي كليتها قليله مب اخلي نص الصينيه طالعة لا بس اظهر شوي من الصينيه

والعشا كله فواكه اللي فخاطري

ها اول اسبوع مع رياضه نص ساعه وخفيت كيلو ونص

ع فكره مب احسن عنكم انا ساعات يسوون شي حلو فالبيت مثلا لزانيا , محاشي هالسوالف موالح لان حبيبتكم تاتو مب من ذوات اكل السكريات اموت عالموالح ف اكل منها بس شي معتدل يعني كنت اخبص واستانسنت يوم الجمعة شفت نازلة كيلو ونص ف بديت الاسبوع الثاني رجيم دكتور اسامة حمدي ( اذا تبون بنزله حقكم عقب)

والحمدلله مع الخربطه اللي اسويها فهالنظام نزبت كيلو ونص مع الرياضه نص ساعه وبليل لان احس الليل يمشي بسرعه الحينه مب الصبح اتحسين تمشين نص ساعه بساعتين

وعيبني النظام احسه قام ي يخليني اشبع ..فكملت الاسبوع الثاني بعد مع الخربطه نزلت الاسبوع الثالث كيلو ونص انا الحين وزني 78 ونص وماتتصورون اشقد مستانسه لاني دخلت فالسبعينات معن محد يشجعني فالبيت غير اخوي فديته بس انا صدق هالمره احس فيني اراده غير طبيعية باسم الله علي عن احسد عمري…

( ملاحظه انا مااكل سكريات خير شر لان اصلا مااحبها وايد غير شاي الزنجبيل بالسكر) بعد الغدا والعشا والسبت هذا اسبوعي الثالث ومقرره التزم لا ن اذا تميت انزل كل اسبوع كيلو او كيلو ونص مابوصل للستين للعيد ان شاء الله هالاسبوع من كيلوين ل 3 اريد اخف يعني خاطري اوصل هالاسبوع 76 او 75 باذن الله وبكمل ع نظام الدكتور اسامة حمدي انا ربيعتي اللي دلتني عليه عندي فالجامعة ندرس ماستر المهم ربيعيتي كان وزنها 100 نزلت عليه تقريبا 18 كيلو بالشهر ونص وهي من النوع اللي شراتي ماتضعف بسرعه وبعد هي ماخربطت انا خربطت حييل بس لا ان شاء الله ناويه التزم من هالاسبوع

وهو نظامه اصلا كاتب يخسس من 20 الى 30 كيلو بالشهر بس هاكله ع حسب الاجسام وانا مااصدق ي رجيم جيه يخسس لهالدرجه صح يخسس بس ماتوصل ل 30 الا اللي اوزانهم واايد كبيره وعمرهم ماسووا رجيم يعني تقريبا انا احس يخسس بالشهر مع الالتزام التام 15 كيلووو

ف شو اسويت جربته على بنت اختي الاسبوع اللي مضى وخست عليه 4 كيلو وملتزمه عشان اتاكد زود يخفف ولا ف حسبتها اذا 4كيلو كل اسبوع يعني 16 كيلو ف الشهر

انا مابا 16 كيلو كل شهر او 10 كيلو كل شهر عشان جيه شوي اخربط انا ابا كل شهر 6 او 5 كيلو وانا رااااااااااااااااااااااااااااااااااضيه لا باجيلي بس 18 كيو واوصل 60

هالشهر ماباجي منه شي غير اسبوعين ف ابا اخف 4 كيلو يعني هالاسبوع كيلوين والاسبوع الثاني كيلوين بيستوي كامل هالشهر خافه 7 كيلو حلو يعني بكون ان شاء الله 74

الشهر اللي بعده بكون ملتزمه عدل باذن الله لان بتكون اجازة مافي دوام ابا انزل كل اسبوع 2 كيلو يعني ف شهر 8 كيلو يعني بيكون وزني 66

تمااااااااااااااااااام

بي شهر رمضان والشهر الاخير بيكون غير اكيد بتبقالي6 كيلو اباا انقص كل اسبوع كيلو ونص يعني 6 كيلو بالشهر يعني من 66 ل 6

حلو حساباتي صح هع هع مواصله ومتفيجه خخخخ

صدعت راسكم ادري بس عشان اشجع عمري واشجع اللي يبا يشارك وياي بالرجيم مااحدد الاوزان اللي تشارك محصورة بين كذد وكذا عادي عني اي وزن بس نبتدي السبت انا بكون باديه ف الاسبوع الثالث واللي بيشاركون بيبتدون في الاول يعني عشان مافي حد يخربط عالثاني

ونوزن كل جمعة الصبح اول ماانقوم من النوم مب شرط الصبح بس اول مانقوم من النوم انتغسل ونسير نوزن واللي بتشارك بنزل الرجيم

حتى لو مافي حد يبا يشارك مب مشكلة انا كل يوم يوم بنزل يومياتي بحاول قد مااقدر انزل يومياتي لان عندي دراسه بس اكيد كل يمعة ببشركم ب وزني هل بخليه يمشي وفق مخططاتي ولا …ان شاء الله هيه

وبس احبكم

الوزن :82
الوزن حاليا: 78,5
الهدف باذن الله : 60
الطول :164

ادعوووووووووووولي