رحلتنا إلى منتجع باب الشمس الصحراوي 2024.

بعد المشاورة والتفكير قررنا أخيرا نروح منتجع باب الشمس في اجازة اليوم الوطني
كانت تجربة وايد حلوة .. ما حسينا فيها إن نحن ف دبي ولا ف بوظبي
حبيت أساعد ببعض المعلومات وإن كان قبلي وايد ارمسوا عنه بس يالله بخاطري أنزل موضوع خاص فيني
أولا الوقت المناسب: أنصح الزيارة له تكون في وقت الشتاء لان نحن استانسنا بهالوقت فيه
لأنه هو بعيد عن المدن فتقضون أغلب الوقت داخل المنتجع وبتتمشون فيه ومحد طبعا يطيق المشي بالحر والمووت
ثانيا طريقة الحجز: يفضل تحجزون بالتيلفون مب من الموقع لأن بيعطونكم خصم المواطنين بحوالي 200 او 300 درهم وهذا مب متوفر بالموقع!
نحن حجزنا الغرفة الدوليكس وخذناها مع ريوق بالفرسان وعشا بالحضيرة كامل مع الضرايب ب 2700
الطريج:
هو أتوقع إله دخلتين وحدة من طريج بوظبي دبي صوب سيح شعيب ووحدة صوب القرية!
نحن من بوظبي فاخترنا طريجنا ويفضل تروحون من الظهر وتطلعون بعد وقت النهار لان الطريج صحرا ومظلم

هذه صور الطريج والمنتجع من بعيد
[IMG][/IMG]
[IMG][/IMG]

هذا المنتجع من داخل.. طبعا هو غرفه ع شكل الفلل المتجاوره الي اتطل عالمسابح واصحراء
[IMG][/IMG]

هذا مدخل غرفتنا
[IMG][/IMG]
هذا السرير
[IMG][/IMG]
وهذي الجلسة الجانبية
[IMG][/IMG]

هذي البلكونه
[IMG][/IMG]

[IMG][/IMG]

هذا الحمام
[IMG][/IMG]

[IMG][/IMG]

المسابح الي ورا الغرفه

[IMG][/IMG]

مطعم الحضيرة .. وتروحونه بسيارة الجولف الصغيرة
وأنا صراحة سمعت وايد عن هالمطعم
هو يستاهل حد يزوره وان كان غالي
البوفيه للشخص ب 390 من غير المشروبات
بس فيه ركن اكل شعبي واكل لبناني وأكلهم صدق صدق ما عليه كلام ويخدمونك خدمة 5 نجوم
سمعنا عن الرقاصة الي فيه فرحنا من وقت وطلبنا مكان بعيد عن المسرح
وعطونا زاوية معزوله عن الناس
بس سمعنا الأغاني والحشرة وحاولنا ما نطول وايد

[IMG][/IMG]
عن دخلة المطعم
[IMG][/IMG]
ركن البوفيه
[IMG][/IMG]

[IMG][/IMG]

[IMG][/IMG]

[IMG][/IMG]

واليوم الثاني الصبح اتريقنا بالفرسان وهو مطعم اقرب للفندق من الحضيرة وتروحونه مشي
وريوقهم زين عندهم بعد اكلات شعبية
وسعر بوفيه الريوق 125 درهم للشخص

وشكرا أتمنى اكون فدتكم بشي

روووووووعة ان شااء الله بروووحه وانا ريلي فديته ^_^ مشكوورة الغلا ع الصوور

حااااااضرين وأي استفسار أنا جاهزة

روووووووووعة تبارك الله

بس الله يرحمنا كل مكان و رقاصات ورانا ورانا 🙁

حلوووو تقريرج عطانا اشياء يديده