هالموضوع كتبته لوحده من الخوات على الخاص
وبعدين فكرت.. قلت يمكن حد يحتاج بعض المعلومات……………
قلت انزله لكم.. يمكن افيد حد
رحلتي كانت… كالاتي
==========================
انا يلست 15 يوم بس…
وكان جدولي كالاتي
5 ايام فيينا -بالطيارة
6 ايام بلجيكا – بالطيارة – اعتقد ساعتين
يوم فرنسا – بالقطار- ساعه او اقل ورجعنا بلجيكا (بصراحه ماعجبتني وايد.. يعني ماتنفع لعرسان وايد زحمة وافارقة والشوارع أرف)
3 فيينا- طلعنا بالقطار لكذا مكان
======================
وصلت فيينا.. في فندق Hilton Vienna Hotel
اول يومين استكشفنا المكان اللي نحن فيه وحوالينا ممشى ومحلات راقية واااااااايد حلوة بس انا اول الايام مااشتريت اي شي.. لانه لي عودة للبلد..
الفندق حواليه الاسواق والساحات..في عندهم ساحه امام الفندق.. ماذكر اسمها فيها عربات خيل تركبين وصاحب العربة يشرح لج عن الاماكن الاثار وتاريخ البلد.. وجنب الفندق ساحة الاوبرا وحديقة
رحنا منطقة سمرنج.. كنوك.. زيلامسي..سالزبورج كله بالقطار والمترو اللي يريحج..
في بلجيكا – بروكسل- حجزنا في crownPlaza
وخواتي كانوا ساكنين في الSheraton
كلهم حلوين
جدام الفندق حديقة حلوة وصغيرة.. ووورا الفندق شارع كلللللللللللللله محلات ومطاعم.. وكلي اللي يخطر ومايخطر على بالج
وهاي الغرفة بس على الطيبعة وايد احلى
لما رجعنا فيينا سكنا في فندق جراند- خمس نجوم
وايد كلاسيك… وفيه سوق وكوفي شوب… وورا الفندق ساحة التسوق.. واااااااااااااايد كبيرة ومحلاتها راقية
وهاي كانت غرفتنا
يابنات الفندق وااااااااااااااااااااااايد كلاسيك.. وحلو..
والسموحه على القصور
وكم كلفكم السفر تقريبا شاامل
بس كم كانت التكلفة الإجمالية