بدأت رحلتي من مطار دبي أنا وزوجي وأبنائي الثلاثه(الله يحفظهم) على الطيران السنغافوري ونزلنا في سنغافوره ترانزيت لمدة ساعه تقريبا وبعدها طرنا ع طول لماليزيا وكانت المسافه أقل عن ساعه(40 دقيقه تقريبا)
وكان تخطيطنا للرحله كما يلي:
ليلتين (جنتج هايلاند)
ليلتين (كاميرون هايلاند)
ليلتين (جزيرة بينانج)
ليلتين(جزيرة لنكاوي)
3 ليالي (كوالالمبور)
ليله(منتجع أفاموسا)
وصلنا الساعه الثامنه صباحا وأخذنا تاكسي المطار على طول لمنطقة (جنتج هايلاند) ماشاء الله وصلنا والأمطار بدأت تهطل
وكنا حاجزين في فندق (أوانا هوتيل)
واااايد أحب هالفندق لإطلالته المميزه والهدووووووووووء(ياسلام عليك يا أوانا)
وهاي الصور من شرفة الفندق
وهاي صورة الفندق
صح إنه فندق جديم بس هدوءه وطبيعته خلالالالابه
استرحنا ورقدنا(طبعا طول الليل مب راقدين) وخذنا نومه لين الساعه 5 العصر
خخخخخخخخخخخخخ كد رقاااااااااااااااااااااااااااد
وطلعنا ندور أكل(يوعانيييييييييييييييييييييييييييييييين) وأكلنا ورحنا لتلفريك عشان نروح لمكان الألعاب والمطاعم والأسواق وماشاء الله الأمطار ما وقفت
وهذا اللي منعنا نروح للألعاب الخارجيه
خذنا لفّه في المكان وتعشينا في المطعم الهندي ورجعنا فندقنا الحليو
وكانت الساعه 11 ورقدنا ع طووووووول
وفي اليوم الثاني قمنا الساعه 1 طبعا بدون فطور نزلنا نحوط في الساحه الخلفيه للفندق
اللي هي هاي
الصراحه هالمكان وايد أحبه
هـــــــــــــــــــــــــــــــــــــــــــــــــ ــــــادي
وتقدرين تتمشين بدون مغثه وحليلهم بس يلعبون غولف
وهذيل بنياتي فديتهم (فطوم وهنّود) يتراكضون
وسعودي مب راضي ينزل عن العربانه مالته يخاف هنّوده تعفد فيها
هههههههههههههههههههههه
وطلعنا بالتلفريك مره ثانيه فوق عشان الصغاريه يلعبون ويستانسون وقعدنا هناك لين الساعه 11 وما قدرنا نطلع للألعاب الخارجيه لأنه كان برررررررررررررد
وهاي الألعاب الخارجيه اللي ماقدرنا نوصل إلها
طاعو نافورتهم اش كبرها
صدق على مستوى
رقدوا الصغاريه وقعدنا ويا بو العيال في البلكونه على الجو الحلو والهدووء مع أجواء رومنسيه بصحبه كوب من الشاي الدافي
وفي اليوم الثاني كنا بنطلع ل كاميرون هايلاند ودخلنا الحديقه الصينيه اللي في الفندق
شو غاويه
تشرح النفس
ماودج تطلعين
صوت الماي والعصافير
ونـــــــــــــــــــــــــــــــــــاسه
قولولي رايكم
أيهمني
عشان أقدر أكمل الجزء الثاني للرحله لكاميرون
أروع من جنتنج
إذا لقيت تفاعل بكمل
وإن مــــــــــــــــــــــــــــــــــاحصلت
بعد بكمــــــــــــــــــــــــــــــــــــــــــــــل
تصبحون ع خير
يباااالنا انغير و انسير هالأماااااكن بدااال الشوبنغ
يعطيج العافيه و الله يخليلج فطوم و هنود و سعوود
يللا كملي .. نتريا الجزء الثاني …