سلام والمركب عليه إثنين والساعـة تـدور
والموج هادي والوعد قدام والرحلـة ذهـاب
إن غابوا الأجواد ماغابوا من أقفاص الصدور
دق الجرس والعلم عجّل به بعد طول الغيـاب
خالد عبدالرحمن
يا مرحبا يا صاحبي واعبر بنا يبع البحـور
عليّ أدير البوصلة وانت الله الله في الزهاب
أنا سمعت إنك تحديـت الذيابـة والنمـور
والعام لك قلب خضر واليوم ما كنّك شبـاب
ناصر القحطاني
الوقت قاسي والفتى يبقى على الشدّة صبور
وإن ماغدا الرجال ذيب يطيح بانياب الذياب
حتى الصديق الله وكيلك صار دمه ما يفور
وانا لقيت الأصدقاء معظمهم أشبه بالسراب
خالد عبدالرحمن
لا تامن الدنيا ولكـن لا يجـي قلبـك فتـور
أحدّ يشوف أحلى البنات ولا يجي فيه إنجذاب
ماللحبارى في القنص ياكود هـدات الصقـور
وإن ما كفخ طير الفضا معناته إن الراس شاب
ناصر القحطاني
كلّش ولا قطع الرجا في الطيبات من العطـور
لكن على شـرع الله وسنـة نبيـه والكتـاب
بيض العذارى عسجديات الجسد ضمر الخصور
سود العيون مجدلات الروس تلعـات الرقـاب
خالد عبدالرحمن
بالله قل لي مابرى جرحك بعد بـدر البـدور
ماعوضوك الفاتنات الذاهبة والجـرح طـاب
كم واحدٍ لو مرته مزيونـة بعمـر الزهـور
ضاعت علومه والصواب الله يجيبك يالصواب
ناصر القحطاني
أحدٍ على الدنيا وهو كنه من أصحـاب القبـور
واحد يجي ويروح مع خله وهو تحـت التـراب
ياللي نسيت إن الهوى يبقى على مر العصـور
بنشدك عن برقٍ سرا بك وانت من فوق السحاب
خالد عبدالرحمن
من علمك يا صاحبي بالسالفة والعلـم نـور
وش بك تقول الشمع ذاب الشمع مايمديه ذاب
والبارق اللي مرني وأنا أدعي بقلب شكـور
هذاك خير طاح بأرض الغير والرب إستجاب
ناصر القحطاني
وش بينك وبين المدينة والشـوارع والقصـور
ماقد شبعت من الخلا الخالي ومن روس الهضاب
الناس ماتبطي ولـو راحـت مراويـح الطيـور
ترمي تعبها في البيوت وتستريح مـن العـذاب
خالد عبدالرحمن
البر يشرح كل صدر ويقلب الضيقة سـرور
وأنا إلى جيته يمر الوقت ماحسب له إحساب
يا ما حلا طوي البخوت وسجة الخاطر شهور
ولا معك غير النشامى اللي يعزون الجنـاب
،، عسى ان تعجبكم ،،
يزاج الله خير:22 (1):
المشاركة الأصلية كتبت بواسطة غالية 
شكرا لمرورك
المشاركة الأصلية كتبت بواسطة ام مايد يزاج الله خير:22 (1):
شكرا لمرورك
يعطيج العافيه نقله ولا اروع
تقبلي احترامي
شكرا عزيزتي جراح
أرق تحية لكِ
دمتِ بود