وانا مب شاعرة الا متذوقة وهاوية وكل شي الا اني اكون شاعرة
بس اضطريت ارد لاني ماحب التحدي :
الابيات اتقول :
لاشفت وقتك صايرٍ فيه مافيه*****اصبر على المقسوم خيره وشره
ترى الدهر ماهو بطفلٍ تربيه*****مهما حصل من براده وحرّه
وان شفت حظك راقدٍ لاتوعيه****يقوم من نومه وينحاش مرّه
خلّه بنومه واطلب الله يشافيه***يمكن تلاقي له علاجٍ يسرّه
وهذا ردي:
ياخوي وقتك لاتامنه ولاتمنّيه***ترى القدر ياخذ على حين غَرّه
والحظ ياخوك صعبً تباريه****يومٍ يجيك ويوم يختار بكره
ماله محل ولاله ارضٍ تلاقيه***ولاله صديج يشاركه بالمسرّه
شرّد وضيّع قيس ليلى بواديه**وامسك على المعدوم خبزه وبرّه
واصبر دام الصبر تُحمد تواليه**وخل النظر بالقلب والنفس حرّه
نام حظك وان صحى لاتناديه***وان راح اكسر وراه 1000 جرّه
وسلمتوا
الميانة :22 (12):
يسلمو الغالية على هذا الرد
الصراحه والله انج شاعره .. مستواج اعلى عن مستوايه بوايد ..
ماشاءالله عليج .. ربي يحفظج والله
والله لابشاعرة ولا شي بس مثل ماقلت ماحب حد يتحداني …..او ماكون قد التحدي
ثرني ماب شي عندج ماشاء الله ……..
صح الساانج شاعرتنااا والله يكثر من امثالج
وسمحيلنا