بسم الله
أول شىء أهم 3 كلامات غسول,تونر,مرطب
Cleanser= غسول
Toner= تونر
Moisturiser= مرطب
حبيت بس أوضح كلماتهم بالأنجليزي لان في وايد منتجات للويه بنات ما يعرفون شنو بالضبط
أول شىء بتكلم عن ضرورية كل وحده Cleanser غسول الويه
الوصاخه والمكياج المتجمع على الويه يقدر يخرب نضاره البشره وشىء أكيد يسد مسامات الويه ووظيفة الغسول التخلص من الدهون والوصاخه قبل لا يتجمع تحت الجلد وبالتالي يطلع نفر وحب شباب
أنواع الغسول:البشره الجافه: البشره الجافه تحتاج نوع من الترطيب فدوري على مكونات غسول الويه حرصي أنج تلقين غسول فيه Vitamin E وفي نوعين من الغسول الي يكون عن شكل جيل وعلى شكل كريم اذا أحد بشرته جافه خل يجرب غسول الي يكون على شكل كريم أحسن شىء لبشره جافه خصوصا للبشره الحساسه
البشره الدهنيه: هل نوع من البشره قابله للنفر وحب الشباب بسهوله يعني الوصاخه و الجلد الميت راح يتأثرون أكثر ولهم قابليه زياده بظهور النفر انسداد المسامات غير البشرات الثانيه,,وأنصح تدورون على مكونات غسول يحتوي على مادة Salicylic acid هل ماده تتخلص من الدهن الي بالويه وفعاله للتخلص من النفر
البشره المختلطه: بشرتهم بمزاج يوم جاف ويوم مدهن وخصوصا اب منظقة ال T-zone وهل منطقه بوضحها اب صوره تحت ,,وأكثر شىء يكون الدهون مركزه بالويه بالنص ,,ومتوسطين على ما يتعرضون للنفر وايد
فمثل ما قلت نص الويه أهوه راح يكون الدهون متركزه فيه أكثر شىء وباجي الويه جاف والمكونات الي أنصح تدورون عليها Tea tree وينباع منتجات غسول للويه لها اب Boots والبودي شوبمنطقة ال T-zone الي تركز فيها الدهون بمنتصف الويه وتكون على شكل حرف ال T
التونر Toner : يستخدم ورا غسول الويه على طول ووظيفته أنه ((يسد المسامات وما يخلي الوصاخه والدهون تنزل لي البشره)) ,,,الغسول يبطل المسامات بحيث يقدر ينظف البشره بالكامل بس هل مسامات اذا ما أستخدمتي تونر من وراها راح تكون معرضه ويصير سهل الدخول الدهون والوضاخه وأتوقع تعرفون المصيبه الي من وراها
Toner في أنواع بس ما تفرق ويا الناس وايد بس اذا أحد فيكم بشرته حساسه(الجافه) خل يشتري من Clinique عندهم تونرات متردجه بالأرقام ووايد زينين اما الباجي فأنصح بتونر نيفيا,,نيترووجينا,,Clean & clearMoisturiser مرطب: تدرون أن جسم الأنسان يحتوي على 9 لتر من الماي؟!! ادري شىء خرافي بس معلومه فوق الحر الي مثل ما احنا فيه جسمنا يفقد هل الماي الي محتاجينه خصوصا ويهنا
أنزاع المرطبات:
البشره الجافه: اذا بشرتج جافه 24 ساعه تحسين لازم تحطين مرطب ومثل ما قلت دوروا على مكونات تحتوي على Vitamin E و Alo Vera تلقوونه ورا العلبه مكتوب شنو يحتوي,,
البشره الدهنيه: وايد ناس يعتقدون ما يحتاجون مرطب اذا بشرتهم دهنيه بس جسمج يفقد الماي المهم للويه فحتى الي بشرتها دهنيه محتاجه لمرطب مناسب لها بس نصيحه لا تاخذون مرطب ثقيل راح يسد المسامات دوروا على مرطب خفيف وفعال ونفس ما قلت بقسم الغسول دوروا على مرطبات تحتوب على Salicylic acid لمنع ظهور النفر و مواد تحتوي على Micro powders
البشره المختلطه: أهتمام بالبشره المختلطه يمكن تكون صعبه خصوصا ان الدهن أكثر شىء مركز بالنصف وباجي الويه جاف دوروا على مرطبات حفيفه تعمل على توازن الدهون بالويه وترطيب البشره ومكونات المرطبات تكون تحتوي على Tea tree
وبحط لكم صور ماركات للبشره أنا مستخدمتها وأنصح فيها :
الحين بتكلم عن ماسكات الويه:
رايي أحسن شىء تحطون ماسك مرا بالأسبوع وورا ما تخلصون من الماسك حاولي تستخدمين تونر ووراها مرطب لان أكثر الوقت الماسكات تمتص الدهن الي بالويه ولما تغسلين ويهج تحسن بنوع من الجفاف فوراها تونر+ مرطب
والحين بتكلم عن جم وصفه للماسكات:
Sugar scrub هذا سكرب للويه ومجربته وفوايده أن يقشر بشرتج exfoliate ويشجع على نمو خلايا يديده للويه
خلطي ثلاثة ارباع من سكر أسمر
ويا 3 قفشات كبيره من الحليب
حركي الخليط على ويهج بطريقه دائريه وقعدي 5 دقائق وبعدين غسلي ويهج
ماسك الفراوله:وهل مسك يناسب أي نوع من البشره خصوصا البشره الدهنيه
فراوله ربع كوب مطحن,,طحنيه بشوكه
روب ربع كوب
وعسل حطي ملعقة صغيرة
خلطيهم ويا بعض عدل
واذا كان بشرتج صج وايد دهنيه حاولي تسوين هل ماسك مرتين بالأسبوع!
نحط الماسك بطريقه دائريه على الويه ونطروا 15 دقيقه ووراها غسلي ويهج اب ماي بارد علشان تنسد المسامات
ماسك ال Asprin:
ماسك معروووف ومجربته وذا عبالكم قاعده أخذوها شوفوا الفيديو https://www.youtube.com/watch?v=Q-Hks…e=channel_page
بس للأمانه وراها بشرتكم راح تكون شويه حساسه للشمس فحطوا حمايه فيها UVA و UVB فوق 50 أنا أحب Loreal UV Perfect وهذا صورته وينباع اب مركز سلطان وحلو كبيس للمكياج
راح تحتاجون:
Asprin
و عسل
الطريقه: طحنين 3 حبات حبوب Asprin و قفشتين صغار من الماي فوقه
ووراها حطي قفشه وحده كبيره من العسل وخلطيهم عدل ووراها حطي الماسك على ويهج
نطروا 15 دقيقه وغسلوا ولما قاعدين تغسلون ويهكم حاولوا تمسحون الماسك من ويهكم بطريقه دائريه
شكرااا