رغم ظروفي الصعبة` هل أرفضة ولا أوافق عليه؟؟ 2024.

الحمد لله رب العالمين والصلاة والسلام على أشرف الأنبياء والمرسلين وبعد

والسلام عليكم ورحمة الله و بركاته..

شحالكم خواتي عساكم بخير..

أنا ما حطيت موضوعي إلا و اعرف انكن خواتي و اتنمى تساعدني و تقوللي
شو أسوي فالحالة الي انا فيها..

وهاذي قصتي ..

أخواتي انا كنت متزوجة و من سنة تقريبا" تطلقت وعندي ولد ربي يحفظلي اياه و يخليه لي..

وانا بس مكملة ثانوية يعني لا شغل ولا شي اللهم راتب من الشؤون لي و لولدي و أمي و أبوي..

و أبو الولد لا يصرف عليه ولا يدري عنه..

وحالتنا لا يعلمبها الا رب العالمين..

ومن فترة حوالي شهر تقدملي شاب فالثلاثين من عمره لكنه مب معرس قبل وانا عمري

الحين 24 الحمدلله استخرت وانا مرتاحه و هو مرتاح واهلي بعد مستانسين ولله الحمد..

وقال ما في عنده مانع انه يربي ولدي..
انا بيني وبينكم مابا ولدي يتربى بدون أبو..

فالحمدلله على كل حال..

لكن الريال طلب مني طلب وهاذا الي انا مترددة فيه..

سألت مطوع قال ما فيه مشكلة عادي..

و طلبة أنه أرد عذراء يعني أسوي عملية..

وانا مب من النوع الي يعرف فالسوالف .

وانا ما اعرف وين يسوون هالعمليات !!!..

فشو رايكم خواتي فالطلب لا تبخلون عليه بردودكم ربي يخليكم و يوفقكم دنيا و آخرة..

والله اني محتارة ما اعرف شو اسوي خواتي.. هل اقوله أسوي العملية ولا ارفضه والسبه هالطلب!!..
وانا الحمدلله استخرت وارتحت من هالشي واخواتي قالولي عادي..

أسمحولي خواتي طولت عليكم ..وبغيت رايكم فالموضوع لان رايكم يهمني..

أتريا ردودكم خواتي والي تعرف عيادة فدبي ولا فالشارجة تسوي هالعملية تخبرني..

مرحبا أختي أم راشد..

ربي يوفقج وهاذا طلب عادي ما فيه شي.

يعني وايد حريم اتزوجو مرتين ورياييلهم طلبو منهم هالشي..
خاصتنا" انه انتي عندج ولد ولازم يتربا امبين اسرة صح ولا؟؟

الصراحة انا اشوف الريال ما طلب شي صعب.

ودامج مرتاحه و هو مرتاح خلاص توكلي على الله..

انا الي اعرفه الدكتورة نادية تسوي على ما اظن بس هاي فبوظبي.

ما عرف فدبي ولا فالشارجة..

ان شاء الله الاخوات بيساعدنج وما بيقصرن ان شاء الله.

وربي يسعدج

سويها وتوكلي علي الله وتزوجى ترا ماحد بينفعج بعد الله سبحانه الا ريلج وعيالج والعيادات كثيره والبنات بيفيدونج

ما عندي خبرة في الموضوع

بس استغربت من الطلب

اللهم يوفقج لما يحب ويرضى

هلا حبوبه
هالشي عادي
و توكلي على الله و دامه راضي انه يربى ولدج
و الله توكلي على الله
و الله يوفقج

ماعندي فكره الصراحه

الله ايسر امرج بس حبيت ارفع لج موضوعج ^_^