روتيني اليديد لشعري غيره وايد الحمدلله \ تعالوا شوفوا 2024.

يامرحبابكن خواتي في موضوعي

بنات شخباركن عاسكن إلا بخير..

خواتي بخبركن قصتيه مع هالشعر

انا من استويت وشعري طويييييييييييييل ونعيم ..صح انه فيه بعض المشاكل الوراثية ..بس غير جذيه شعري من انا صغيرة طويل تحت الـ…. شسمونها ..وغليظ نسبيا ..بس نااااااعم و كيرلي ..كيرلي من النعومه هب شعر خشن ..فهتوا عليه؟؟

وكانت امايه فديتها دوووووووووووم كل جمعة اتحط في راسي بيض و روب وشوييييي دهان معاهم ..(ناريل ) ماشي غير جان شوي لومي اتزيده عليهم ..ساعات والله اتم اصيح مابا اتمطني و تحطلي اياه ههههههه فديتها والله العظيم هالشي إلي طولي شعري ..

المووووهيييم

الله يسلمكن يوم وصلت المرحلة الثانوية اتفلسفت ع روحي و رحت قصيته انا الخبلة ..كان الطول إلي خبرتكن عليه ورحت قصيته لين نص ظهري …
وبعدين قمت دوم اقصه لين ما وصل لين جتوفي ..
ومن هاااااااك اليوووووووم و شعريه زعلاااااااان عليه .. مب طايع يطول..

غير جذيه صااااااار كشششششششششششة و مشربك و لوعة جبد .. كلهم ايقولولي حرام وين سار شعرج القبلي الطويل المرتب ..

الحين كم سنة طافت ..وااااااااايد

ولا اهتمت بشعري لا خلطات ولا هم يحزنون..

فمن فترة قلت خلني اهتم بشعري شرات قبل و اغير روتيني واشوف شو بيصير:

وهذا هو روتيني اليديد :

1-قمت اسوي خلطة البيض كل اسبوووع شرات قبل ..
وخلطت البيض مثل ما ذكرتلكن فوق عبارة عن : صفار بيضة + روب + شوييي دهان ناريل + ملعقة عصير ليموون .. وتحطينه نصصصصصصصصصصص سااااااااااااااااعة (ساعة بالكثير.) يااااااااويلها إلي اتزيد..بكفخهااااااااااااا ………..(امزح)

2- استخدم شامبو هيربل اسنسززز :

ويمكن اتقولولي مب زيييييين و ما ادري شو ـ بس الله الشاهد اني اشتري شامبوهات بـ200 ولا 300 اونه طبي و كاتبيلي اياهم الدكاتره و يطيحون شعري بالهبل ..وارد ع هيربل اسنسزز لانه مايطيح شعريييييي مووووووووووول

3- بعدين استخدم كوندشنر ..و بصراحة إلي استخدمه من برى ، ما حصلته اهني بس شو خطييييييرررر إلي اتروم اتوفره تراها بتربح ربحححح منه لان كلمة خطير شوي عليه..عمري ما استخدمت كونديشنر شراته يخلي الشعر حرييييير..

بس إذا ما عندج استخدمي هذا لانه روعة بعد!

اسمه TRESemme conditioner وبتحصلينه في الجمعيات عندنا ..خذوا إلي مكتوب عليه "شعر حرير كما في الصالون".

ملاحظة: لو شعرج من النوع إلي يتشربك واااااااااااااااايد شراتي ، حاولي اتفججينه بصبوعج يوم تغسلين الكونديشنر عنه وبتشوفين الفرق يوم تطلعين من الحمام ..بس تحملي اتمطينه لانه الشعر يكون وااااايد ضعيف ويطيح يوم ايكون خرسااان.

4- واهم شي يوم اطلع من الحمام بعد السبوووح انشف شعري ،ولانهشعري من النوع إلي ينشف بسسررعة احط عليه شوي من هالكريم عشان يلبده شوي :

اسمه GARNIER FRUCTIS

عشان اتلاحق عليه قبل لا يبق .. لو طوفت هالخطوة بيستوي كشة ..

ملاحظة مهمة : حطوا في بالكم خذوا إلي اسمه "Sleek & Shine" انتبهوا! لاتاخذون اي شي ثاني لانه مابيييب معاكم نفس النتيجة

والحمدلله بعد ما اتبعت هالروتين اليديد ، احس شعري استوي واااااااااايد انعم و الكشة خفت وااايد وطــــــــول!! مستااااااانسة انه طول حتى اقعد العب بشعري جدام المنظره اكثر عن قبل خخخخخخخخخ وحدة ما عندها سالفة

وووووووووبس

ان شاءالله تستفيدون منه لو بشيء البسيط