.
.
.
أذا عندج توست وايد و ما تبينه يخترب سوي هالاكله .. سهله و سريعه … ولذيذه
مقادير الحشوة
لحم مفروم
بصله مفرومه
ثوم مدقوق بس فصين
كزبرة مفرومه مقدار ثلاث ملاعق طعام اكل
4 ملاعق طعام صلصة طماطم
ملح
بهارت حسب الرغبة
مقادير التغطيه
علبة قشطة
كريم قابل للخفق مقدار كوب
مايونيز مقدار فنجان
قلاس جبن
شبت مفروم ناعم مقدار ملعقتين طعام
طبعاً كيس توست
اول شي تسوين حشوة اللحم تحمسن البصل و الثوم و فوقه اللحم لترشين البهارات و لين ما ينضى اللحم اتحطين صلصة الطماط و بعدين الكزبرة و تخلينه لين ما يكون مستوي و ناشف.
تيبين التوست و تقطعين حوافه و تفردينه
و بعدين تدهنين شوية جبن قلاس
و بعدين اتحطين حشوة اللحم و تلفين التوست
و تصفينه في الصينيه كل وحدة ينب الثانيه
وبعدين نخلط مكونات الخلطه اللي بنصبها فوق الرولات
و بعدين نحطه في الفرن و نشغل العلوي فقط لين ما يحمر الويه و بعدين ممكن تقدمونه
و هني و عافيه 
يبالنا نجربها شكلها سهله ولذيذه ^ــــ^
لازم انيربه
مشكوره غناتي