شحالكم بنات ؟؟
في موضوع في رآسي
بس مب عارفه شلوون ارتبه بس اتمنى توصلكم الفكره
شو رآيكم بهذه الصوره ؟؟
اتحسنين انه شكل الاقدام انييق و لافت للآنتبآآه خاصآ هالايام منتشره الالوان الفوشيه..
خاصه فوقهآآ العبآآيه المفتوووحه او العبآآيه الوآآآآآسعه اللي شرآت الخيمه !!
انآ ريلي مره قآلي ..
ليش بعض البناات يلبسن عبآيآآت جيه كبييره وواسعه ..
ويرفعن عبآيآتهن و هن يمشين ..!!!
قلت له .. مآ ادري والله ..
قآلي :
لاآ بعد يلبـس تحت العبآآيه بناطليين مرصصه و جواتي كعب ..
الصرآحه ماآ بآج تزعليين مني بس شكله حلوو ويلفت الانتبآآه ..
لا ارآديه اشوفه !!!!
انآ .. في نفسي .. الصرآحه ما ينلاآآآم انآ بروحي يوم اشوف هالمنظر يعجبنييييييييي .. لانه شكله صدق حلوو وكيوووت !!
بس ويت ويت .. انآ مب جيــه ! انآ مآ البس جيــه !!
انا .. عبآيـه .. سآده .. او عبآيه فرآشــه سآده بعد .. والبس عبآيآت مفتوحه بس تتحتهآ مخوره !!
و نعآلـي الاآغلــب فلاـآت .. مع اني مب طويلـه البـس فلاـآت .. كنت البس كعب بس الحين ……. لا ما البس
وريلي قآلي يوم دخلت العش الزوجي .. :
لا تلبسيــن كعب ..
لانه يطلـع اصواااات.. يوم تمشين وهالشـي يلفت الانتبهآآآ عليج ..
ولانه مب صحي .. بيخلي ظهرج يعورج ويمكن يضرررج لين بعدين ..
ولاآنه يخلي المشيه دلع غصـبن عنـج ..
وماآ بي حرمتي تكون وايد طويله .. ابآهآ تكون قصيره ولا ما كنت بآخذج خخ
انآ الصرآحه شفت كلاـآمه صـح !
فخليـت الكعب الآ فـ الاعرآآس او العزايـــم !
يعني اللي ما فيهآ مشي وآيـــد !
وقآلي بعد ..
لو شفتج لاآبسـه عبآيه مفتوحه مره ثآنيه من ارد البيت بقصقهآ لج .. ولاآ ليش من انرد البيت بحرقهآ وبحرقج معاآهآ <~ 
يآ قوي انت
وطبعآ تنقــب وتتغشيت عشآن هو طـلب منـي ..
ليــش الحين يقولي .. انه يعجبه منظر هالبنآآت و يلفت انتبآه .. !!
قلت له : فلاـآن .. تبآني البس جيــه !!
قآآلي : لأاآ مآ بآج منو قآل ابآآج تلبسين جيـه !
قلت : عسب املي لك عيوونك ولا اتم اتشوف هني ولاآ هناآك
قآلي : لا تزعلين بس صدق نحن الشبآآب يوم نيلس انسوولف وايد ربيعي يعلقون ع هالشـي انه يرفعن عبيهن و عبي مرصصه و ريحه بخوور تظرب رووسنآ .. ونحن ريآآآآييل .. كم بنغض نلتفت يميين انشوف عبآيه واسعه مرفوعه نلتفت يسآر وحده مرصصـه .. يعني تبينآ نيلس في البيـت بس ما انخلص مشآورينآ !
قآل انآ واي ريآآل مستحييل انخلي حريمنآ جيـه بتمشـن بفل ميكب و عبآيآت مرفووعه .. لانه الريـآل حتى لو كاااااان يعجبه هالشـي ويشوفه مآ يبي يشووف حرمته جيـه بالسوق ونحن نعرف تعليقآت الشبآآب ع هالنوعيـه .. نبي البنت اللي سآتره نفسهآآ و محشمه نفسهآآ .. هذه تكون كفوه اتكون ام لعيآلنــآآ مب هذيـلاآ !!
وخلصت المحادثـه ..
بنآآآآآآت اول شي ما ابي حد يزعل مني لانه مب انآ قلت هالرمسـه ريـلي اللي قآآله ..
بس انآ مستغربه ليش الريآآآآل يحب يشوف هالنوع من البناات ويلفت انتبآه وبعدين ما يبي حرمته اللآآ الحرمه العفيفـه الحشيمــه !!!!!
والبناآآت اللي يلبسـن جيـه ويتبخرن ويتعطرن ف السوق .. شو يبون بالضبــط !!
يلفتون الانتبآهـ يعــني !!
ما تخآفين ربج ياخذ روحج وانتي بالسوق بهذه الهيئـيه .. !!
متغصصه الصرآحه انآ ..
شورآيكم بناات وحريم ..!!!!
هل ريلج يخليج تلبسين عبآيه مفتوحه حتى لو مخوره تحت .!!
او ماآ يرضــى .. هل مخلنج تتنقبين اوو عادي عنه اهم شي متحجبه ..!
حتى الملاآقيف خبروونآ عنكم .. اكيـد ابووج او اخوووج يغآرون عليكم
هل يعلق ع عبآتج او يقول تغشي او ….. !!
كل وحده اتخبرنآ كيف تطلع للسوق سوآء مع ريلهآ او بدونه !!
همسه : ……………………………
مآ بي كلام يغث انآ مآكتبت الاآ لانه ريلي يرمس عن هالشي واكيد في وايد ريآييل يلفت انتبآهم هالشي ..
ومشكورآت
بيذبحني ريلي لو البس جي حتى لو عبايه مفتوحه وتحتها تنوره بينحرني
ولكن اذا طلعت وياه مطعم-فندق -سهره خاصه فينا
اكشخ اكثر عنهن واكون لريلي شراتهن واخس بعد علشان اشبعه وهو موافق على هالشي
طبعا لما نسير اكون لابسه غشوه قييييييييييييييص طولها تغطي نص جسمي واسكر العبايه
بس من ندخل الروم او نيلس في المطعم او نوقف مكان منزوي مثلا نسهر اعق كل شي خخخخ
تعليقاااااتهم ما تخلص هع.,
انا ريلــي مـآ يحب البس العبـآه المفتوووحه بالمره..
يعني عادي البس بنطلون وجيه بس فوووووقه عباه مسكره.,
والغشوه البسها اذا رحت السوق بدونه..,بس اذا وياه عادي ما اتغشى.,اهم شي اتحجب.^^
وااااااااااااايد نشوووف هالأشكاااال ..
وأنا وحده اذا تبين الصدق انعجب فيهن هاذيل
يعني باللبس فـ كيف الشبااب .. يعني المنظر ملفت جدا جدا !!
وبجاوبج ع الأسئله اللي حطيتيها تحت بشكل مختصر
هل ريلج يخليج تلبسين عبآيه مفتوحه حتى لو مخوره تحت .!!
أنا ريلي عادي يحليله يخليني البس اللي ابااه أهم شي يكون مستر
يعني اذا لبست سكيني وكعوب لازم العباه مصكرة وواسعه بحيث انها ماتفتن ولا تبين شي
هل مخلنج تتنقبين اوو عادي عنه اهم شي متحجبه ..!
ماتنقب أهم شي اكون متحجبه اوكي
وبعدين اختي احنا البنات انتم نطـــــــــالع البنات شو عن الرياييل…………..!!!!!!!
الله يستر علينا وعليهم
الله يهدينااا ويهديهن حبوبة
بس عني ما احب اتغشى . . لاني ما احط فول ميك اب . . و الاسلام حلل الويه و اليديـن . . =)
لكن اذا كنت ويا ابوي ولا اخوي فررض اتغشى … لول
لكن ويا امي او اي حد ثاني لا ما اتغشى ..
اما عن رمسة ريلج . . عاديه ما اجوف فيها شي .. حتى انا البنت اجووف . . ما ينلاموون . .
ترا اخر شي هم ما يحبوووون هالشي . . لو يحبون هالشي جان خلونا نلبس شراتهم ..
البسي له هالاستايل فالبيت .. بس من دون عباه لول ..