انا حطيت السالفة للعظة يالحريم
انتهبوا ع ازواجكم لاتغفلون عنهم مهما صار
كنت قاعدة مرة من المرات في عيادة خاصة انتظر دوري تميت 3 ساعات وانا ع الانتظار وحذالي حرمه لا اعرفها ولا تعرفني
تمت تسألني من انت وكم عيال عندج ؟ شو درستي ؟ ودارت بينا السوالف وجان تقولي سالفتها الي انصدمت منها وقلت((صدق الريال مامنه امان))
قالت لي السالفه للعظة وبس
تقولي انا معرسة من 10 سنوات وريلها يموت عليها دوم هدايا وحب وطلعات وسفرات ودومه مايفارقها ولا هي تفارقه بس يوم يكون دوام اتم روحها في بيتها وهي من ام القيوين وريلها من دبي بعد العرس سكنت في دبي وكانت كل ويكند في هاليوميبن تروح تبات عند اهلها وبرضاه الزوج لان هذه السالفة اتفقو عليها اول ماعرسوو الحرمه تبي تشوف اهلها وهو في الويكند يروح البر او العزبه وياربعه واخوانه
شوفو شوصار
تقول ياريتني كنت الروح وارد لبيتي بنفس اليوم ياريتي ماكنت ابات عندهم وفي حياتها ماشكت في ريلها ذره شك وفي حياتها مالمست تلفونه اتجيك من الثقة الزايدة وهو مب راعي حريم او سوالف بطالية ريال مصلي وملتزم
المهم يوم من الايام وهي متجهه لاهلها بالام القيوين نست حليب ولدها الصغير في غرفتها فقالت كيف الولد يتم بدون حليب لازم ارد واخذ حليبه ردت البيت شو شاااافت
شافت ان ريلها سابح وطالع من البيت وهو قايلها انه ساير عند ربعه الحبيب ناسي تلفونه في الحمام
تم يرن واااااااااااااااااااااااااااااااااااايد وبعدين مسجات وراء بعض
الحرمه خافت ودشت الحمام الله يعزكم ليش تلفون ريلها تخبل هههههه هي المسكينه كانت بتحطه برع عسب لارد يشوف التلفون اتقول مدري ليش فتحت التلفون وجان اشوف مسجات
من امنوووووووووووووووو
المسج الاول
وينك حبيبي تعال بسرررررررررررررعه
المسج الثاني
لاتنسى اغراض اليهال
المسج الثالث
اموت فيك خلاص صبري نفذ تعال طفي شوقي بحضنك
الصدددددددددددددددددددددددددددددددددددددددددددددمه
المسج الرابع
ليش مااترد العقربه ماسارت بيت اهلها
يعلها تسير ومااترد
تقصد الزوجه
حرااااااااااااااااااااااام
الحرمه انصعقت صعقه
كيف ريلها يعرف وحدة او متزوج وعنده يهال 10سنوات وهي ماحست ابد
كيف الحرمه تغلط عليها وهو عادي عنده
كيف وكيف وكيف ……………………………………وكيييييي يييييييييييف
المهم بعد الصدمه بربع ساعه الزوج يه البيت
شاف سيارت الزوجة عند الباب اليهال والخدامه في السيارة ركض وراح داخل البيت
يدور ع موبايله شاف حرمته مييييييييييييييييييييييييته من الصياح والقهر
قالها ليش تصيحين
قالتله عشت مع واحد10سنوات في غش وخداع
جان يقولها ليش عرفتي انه اليوم دور ام فلان
شوفو البقاااحه
تقوله ليش سويت جذي وانا عمري ماشكيت فيك اونك تحبني تدلعني ومب مقصر علي في شي ليش تتزوج علي…….وليش وليش
تخيلوووووووووووووو شو قالها
قال الزوج::
انا فكرت وايد بهالموضوع وانا واحد تزوجت عشان الحرمه تهتم فيني وبس واكون انا وعيالي شغلها الوحيد
بس انت عطيتني المجال في يومين طلبتي من اتأجزين عند اهلج وانا ماابي اهلج يدعون عليه او انج تحطيني في خاطرج اذا منعتج ،بس انت حررمه ولازم تعرفين وتفكرين كيف اترك زوجي يومين بدوني وبدون عيالي ، وهي انصدمت اكثر من كلامه
ويقول:
انا تزوجت من ثاني اسبوع سرتي بيت اهلج ابي وحدة تداريني انا تزوجت عشان اترك ربعي والسهر والخرابيط
ثاني اسبوع عرست وانا عندي منها 9اطفال ويوميا امر عليهم بس المبيت في كل ويكنــــــد
عرفتي ليش انا سويت جذي مب لازم تباتين عند اهلج سيري وردي باتي في بيتج كنت اكيد مابتزوج يو تبطلي المجال دورت ع غيرج
وهي بعدها مصدومه
يعني عق كل الللوم والتقصير عالزوجة
شفتوا الرياييل كيف
صراحه قلت للحرمه كيف تودرين زوجج يومين مااتدرين عنه غرييييييييييييييييييييييبة
عشان مبيتها عند اهلها دفعت الثمن غالي
وهي طلبت منه الطلاق قال عادي اطلقج وانت ام ل3اطفال بحطهم مع 9 يصيرون 12طفل
وهذيج بتشوفوهم وبداريهم
يعني بيستغني عنها بكل بساطه
لانه هو خيرها يا ااتم في ذمته وترضى بنصيبها او تطلق وهو يروح هناك لانه عنده عايله ومرتاح وياها
قالت الحين انا صابرة وحالتنا مثل اول ماتغير شي دوووووومه معاي والويكند عندها وانا اسير عند اهلي
بس من داخلي ناااااااااااااااااااااااار
ياحريم دارو ريايلكم زين ما زين
الله يحفظكم لازواجكم ويحفظ ازواجكم لكن
ينتظرون غلطه على الحرمه
اونه على حسبت يومين بس يروح يتزوج
والله حاله
راسي عورنى
المشاركة الأصلية كتبت بواسطة laperrla 
راسي عورنى
خخخخخخخخخ
من شو ؟
لا والشئ الصعب ان الريال بايعنها عسب هاليومين !!!!
وانا دووووووووووووووووووووووووم اقول حق حريم اخواني لاتباتون بيوت اهليكم الا اذا كان الريال في شفت ليل
واللي دوامه رسمي تنثبر في البيت وتسير لاهلها من اافير الين تالي الليل
بس ترجع البيت لان الريال يسوي بلاوي وهي مب في البيت – عادي يطلع وتتلقفه وحدة من هالخايسات –
تنبيه والله من وراء القصد