بنات انا ماراح اقول غير الحمد لله رب العالمين على كل نعمه منك يارب
الحمد لله بنات زوجي مريض تعبان طريح الفراااش والله العظيم حاله يقطع القلب من اول يوم مرض به العصر كنا سايرين بيت عمتي عسن كنا بنشوي تخيلن اشوفه هب طبيعي وروح البيت انا قعدت بيت عمتي عندهم تعشيت وروحت يوم روحت بيتي شفت ريلي ابدا ابدا هب في حالته الطبيعي
المهم حاولت وياه عالساعه 12 بالليل اوديه المستشفى جان يرفض وعندي حهاز الحرارة جان اقيس له حرارته واصلة 39 تخيلوا وجسمه كله ناااااااار بس فيه برودة فظيعه لدرجة مشغل الدفااااية والله قعدت احاتيه حتى مارقد ويانا فالحجرة راقد فالصالة وانا وبنتي ذات ال5 اشهر رقدنا فالحجرة المهم رقدنا على الساعه 2 وبنتي هاك اليوم كانت تصيح صيااح هب طبيعي لحد مارقدت المهم ريلي كان فيه حمى شديدة وزكام ويعال ويرجع اي شي ياكله هو كنعود كل اسبوع او اسبوعين تييه الحمى ماعرف ليش الظاهر مناعته ضعيفة
تخيلن راقدة الساعه 2 واحيده فديته رقد من التعب والله العظيم الساعه 4 اسمع ذيج الزعقة اللي نقزتني من السرير لباب الحمام نقزة وحدة كيف نقزتها الله اعلم وبنتي راقدة جان تخترع لاني انا بعد زعقت وقلت فلان بسم الله عليك ونشت متروعه المهم ارمسه مايرد علي ويزاعج ومنه يبا يرجع بس هب قادر ابدا ارمسه امسح له عظهره فديته ماشي فايدة قلت له خبرتك روح المستشفى مو راضي المهم اتصلت على خوانه ماحد رد علي الساعه 4 الفجر منو بيتفيج لي عقب دقيت على اخوه الاصغر احيده مايرقد يسهر عالمسن واتصلبه ناصر تعال بسرعه قالي بلاج قلت له تعال ودا اخوك المستشفى طاح علي فالحمام قال ماشي سيارة عندي قلت له تعال ركض بتوديه بسيارته تخيلوا والله ماكمل دقايق واشوفه واصل اتصل بي اسمعه يلاااهش من الركض مع انه بيتهم بعيد عنا وعطيته مفتاح السيارة والبس ريلي بسرعه اي كلام وشله المستشفى كنت بسير والله تميت احاتي بس المشكلة بنتي كانت وايد تصيح هب عارفة ليش المهم راح ورقده من الساعه 4 للساعه 9 تقريبا مغذي ورا الثاني والحمى هالكتنه والله العظيم كاسر الخاطر حتى بنته من 3 ايام ماجرب صوبها ولا كلمها لان انا مااطلعها له عن يعديها المهم سووا له فحوصات وقالوله نقص الاملاح بسبة الحمى واحتمال فيك انفلونزا بس ماعارف شو قالت له الدكتورة انفلونزاشو تقصد مادري بس والله والله والله انه يكسر الخاطر لايهش ولاينش ولا ياكل اي شي ولا يضحك بس يأشر الشي اللي يباه ريلي حبيبي فديتك يارب تعافيه يارب
المهم الساعه 9 رد البيت وعطوه ادوية وادويتهم كلها خرا ادول اميدرامين وحبوب الانفلونزا وماعرف شو بعد المهم كل الادوية وحالته مثل ماهو تخيلوا مانرقد لاليل ولانهار واله اني طول الليل سايرة رادة عليه ادعي ربي من كل قلبي انه يعافي ريلي بسرعه
اليوم 3 يوم الصبح كل قطعة صمون بس والله انه قام يرجعها عزكم الله اقوله لازم تسير المستشفى يقول لا مابسير تميت مصرة عليه واجبرته جان اتصل لعمتي فديتها وخبرتها الموضوع قالت احين بطرش له اخوه وبيسير ماعليج تميت ارمسه واقنعه وبعد رد ورجع المهم اقتنع يبت له كندورته ولبسها ووصل حميي وركب السيارة توه يتحرك من البيت واشوفه رجع ريوس خير شعندك اشوف ريلي داخل ركض البيت بلاك فلان يفصخ كندورته وغترته على طول الحملم عزكم الله ويرجع بعد والله انه هلكان تعبان صدج الوحدة لو بتتضارب ويا ريلها وبتدعي عليه تراج والله العظيم مابتحسين بجيمته الا لي مرض او صار بسم الله شي والله وانا مجرووووووووحة القلب على ريلي نصيحة اي وحدة متزاعلة ويا ريلها سيري راضيه احين الزوج شي والله العظيم هب هين والله اني كنت متزاعله ويا ريلي وطرشت له مسج قبل مايمرض بدقايق والله اني اعض ضروسي واتمنى ربي يسامحني لان يوم اشوف ريلي بهالحالة ترى والله والله والله اقول ياريتني ماتنطق ياريتني اقدر اسجد لك طاعه مثل ماقال حبيبنا المقوله اظن عارفينها انتوا ان تسجد لزوجها لامرت المهم احين بعده فالمستشفى والاحتمال الكبير انهم يرقدونه لان حالته ابدا ماتسمح بوجوده فالبيت والله يابنات طلب لاتردوووني
يااارب كل وحدة تقرأ موضوعي تدعي لزوجي بالشفاء العاجل يارب لاتقصرون ساعدوني لاني فيحالة لايرثى لها والله اني حزينة على زوجي انا يمكن اقولكم واشرح بس مجابلته ويوم اشوووووفه غيرررررررر والله غيرررررررر يارب تعافيه وترده سالم غانم ويفرح ببنته يارب ادعوا له يمكن وحدة رهبها يستجيب لدعوتها عيني ماجفت عليك يا بو بنتي والله اي وحدة متزاعله ويا ريلها تراج مابتحسين احينه نصيحة من اخت مجروووحة
احين بسير اتصل لحميي بساله شو سووا له فديته اسمحولي لو بدر مني شي بالغلط لان نفسيتي تعباااانه والله ادعوااااااااااااااااااااااااااااااااااااااااااا لزوجي بالشفاااء العاجللللل يارب العالمين
اللهم رب الناس اذهب الباس واشفي انت الشافي لا شفاء الا شفائك شفاءا لايغادر سقما يارب العالمين يارب يالله يامن امره بين الكاف والنون عافي زوجي وشافيه وردله صحته يارب انك مجيب الدعوات يالله يالله يالله
السموحة عالإطاااالة ؟؟؟؟
الله يقومه لج بالسلامه يارب ويخليكم لبعض ويرد لج سالم غانم وتفرحين برجعته لج يااااااارب
اناا زوجي بعد جذيه تعب عليه مره وحده وربي كنت خايفه موت عليه
طول الليل امسحه بماي بارد واقري عليه وعلي الساعه 11 اتصلت باخوه وواه المستشفي عطوه ابره ورجع البيت بس وايد همني …
ربي يحفظ لنا ازواجنا وعيالنا ويبعد عنهم كل عين وشر ويحفظنا لهم ويديم الصحه والعافيه انا ولهم
اللهم آمين
وطمنينا اختي ^^