اومه يقول انه ردها عشان اعيالها مادري اصدقه ولا لا
صح يحبني وفي فرق من بينا وايد صح حرام بس من على كيفه اهو مثال
1-ماشالله من مصرف اخذ منه الي يعجبني واذا اهي بس لهم 2000 اونه عشان ولديين بس والباقي اهي تصرف من جيبها
2- انا لي بيت خاص فيني اما اهي امطلعه شقة على احسابها وضامه ريلي عندها
3- كل الوقت عندي بس اليوم الي لها يشوفهم بلليل بس في وقة يوم يرقد غداء عشاه كله عندي كل الايام
4_ ماخذ لي سيارة وهو معاشه اشوي وهم لا
5-حتى يوم احرج انه ما يقرب اعياله عند اعيالي ما يردني يخاف لا ازعل منه
6- اهل ريلي وايد قربين مني واهي لا ما اعرف ليش مول ما يحبونها حتى حالف عمي ما تدخل البيت عنده على طلاق حرمته حتى عائله اهل ريلي ليش ما اعرف
المهم انقول كل شي اانا وربي ما كذبت في شي
المهم المشكله الحين اني وايد اغار عليه حتى لو قال بسير اشوف اعيالي بس نص ساعه ارفض معنه كل الوقت عندي حتى اليوم الي لها عندي في النهار ازعل من يطريهم
اقل شي مثل يوم شفت الخلاصه اسمها الزوجه الثالثه شو حرجت
قال لي انتي مينونه اهي الزوجه الاولي يت على الورق اذا على الورق تراها في الصفحه الاولي الزوجه الاولي وعليها ختم مطلقة وانتي الثانيه لج صفحه عقب رديتها يعني طبيعي مالها مكان الي في الصفحه الثالثه تبين لج كم صفحه مثلها في كل مكان والا مكان واحد مثل قلبي وانتي الحب وهي افهمي ام اعيالي بس وانتي اصبري عشان اعيالي مش حب فيها ولا كل يوم بكون عندها طايح اذا افكر فيها
بس و الله مول ما اسمع ارد اغار عليه وايد احبه بجنون حتى اهو اعرف تصرفاته وحركاته بس بعد
المهم ابا منكم العلاج مرات افكر اسير مستشفى نفسي حرام اسوي فيه جيه كله اضارب ويا ريلي من غير سبب وهو و الله لا يزعل مني وكل يحاول يرضيني بس انا من عقب رجعته حق حرمته خلاص صرت ازعل منه على اي شي الله يخليكم انصحوني ابصدق كيف اتعامل ويا ريلي
أنا بعطيج نصيحه وحده بس
خليج جنة زوجج
كيف تكونين جنته ؟
لما يرجع البيت أبدن ما تعاتبينه حتى لوغلط
لا تضايقيه بالزعل
تراه بيمل منج وبيروح لغيرج
خليج بشوشه وأكسبيه دايمن بصفج
قوليله بدلع وبهجه خلاص يا حلو أنا راضيه بس عشان عيالك أالي هم منك
وأكيد بحب عيالك كفايه انهم من صلبك
دلعيه
وحبيه
وونسيه
وكل ما تضايقين منه لا تبينين في نفس الوقت
أعرفي متى تعاتبيه وكيف !
لما تكونون هاديين ورايقين وبليله حلوه بكل دلع قوليله حبيبي أنته زعلتني بكذا وكذا وكذا
طبعا بكل هدوء وحنيه
صدقيني بيصير مجنون بيكي
خليكي البريئه الحنونه له
ولا تطفشيه بالضرابه صدقيني بتخسرينه جي
وأشغلي نفسج بأي شيء لما يكون عندها.
روحي الصالون
ولا نطفي بيتك
ولا سوي خلطه بجسمك
أي شيء تحبيه
وقبل ما يروح لعندها سلمي عليه
وبوسه
بريئه على خده
وقوليله كلام حلو يخليه طاير من الفرحه ويخلي باله مشغول عليكي
وبكدا تكوني جنة ريلج.
ترضين بقضاء الله وقدره وتفكرين تبين تستمرين ولالا, عشان ما تظلمين نفسج وتظلمينها وياج وربي بيحاسبج اذا ما خليتيه يعدل من بينكم
انتي لازم اول شي تقتنعين انه هالشي صار وخلص وتبداين تفكرين كيف تخلينه يعدل من بينكم
اييها فالليل يوم واحد وانتي باقي الايام كلها تشوفينه عدل في حقها؟ فكري فيها لو كانت العكس شو بتحسين
عياله ما تخلينه ييلسون يم عيالج؟!!! اختي؟ خافي ربج هذيلا اخوان عيالج
لازم تعلمينهم يحبونهم وتعاملينهم سواسيه
لازم تحطين عياله بعيونج وتدارينهم اللي تسوينه غلط غلط غلط
نصيحه مني انصحيه على العدل, بس لا تغصبينه ولا تحنين ع هالشي .. بس انصحيه بنيه صافيه يعدل من بينكم لانه ممكن تنرد فيج فيوم من الايام وما تبينه يكون ظالم فالاخره لانج تحبينه
وعيالج وعياله ترا كلهم اخوان .. حببيهم فبعض وخلي مشاكل الكبار بعيده عنهم
وادعي الله يهديج وايسر امورج .. واذا ربج رزقج حب الريل واهله, ادعي دايماً بالخير واسعيله ابعدي عن المشاكل, والغيره حاولي تخففين منها
حين اباه اعرف عياله موب خوان لعيالج ؟؟!!!!! ليش ماتخلينهم خوان لا تخلين رحمه اتروح بين العيال
استغفر الله
الحريم يرضن يعرسن وبعدين لو رد لمطلقته استوت مشاكل
بعدين كيف 7 سنين ونتي ماشفتي خلاصة العيد انه معرس وعنده عيال!!!!!!!!!!!!!!!!!!11
انا اقول ترضين باللي ربي كتبه لج .
وبعدين هو ظالم حرمته موب انتي مظلومة .. وتروم مطلقته تدعي عليكم وتستجاب الدعوة اذا انه بس ينام عندها يوم واحد بس
بعدين مثل مايقولج كلام هذا انتي القلب وهذا .. هي بعد يقولهااا …. الريال يحب الراحه ويتجنب المشاكل ويجامل حريمة عسب مايتمشكل وياهن
بعدين مكن ع قولتج يحبج … بس ليش ردها بعد 7 سنين .. !! ماسالتي هسؤال !! وكان عنده عيال منها!! بالله عليج لا تقولين بس عيال !!
اكيد رد لها بقناعه
ارضي باللي ربج كتبه لج … وخلي عيالج وعيالها خوان لا تفرقينهم عسب غيرتج !!!!
انا اشوف لا تتعالجين ولا شيء .. نتي وحرمتة الاولىة تسافرون رباعه وياه اليهال اي مكان من دون الزوج .. مكن العلاقة تتغير وايد .. ادري صعبة .. بس عسب عيالكن …
العلاج من عند الله .. تمي ادعي الله ان تكون عادلين وبس …
هي ع فكرة اللي مايعدل بين حريمة يوم القيامة ايي وهو مائل الجسم .. تبين ريلج جي ؟؟!!!!!!
سوري بس اشوف نتم موب عادلين ابد … لا انتي ولا ريلج ..
الله يهديكم ..
بعد هي نفس الشي لها حقوق وواجبات..
مب زين الي تسوينه..لازم ريلج يكون عادل امبينكم..
الله يهديج بس..
بس عقب ما قريت الموضوع حسيت انه ما تغير شي عن قبل ولا شو رايج؟