السلام عليكم
شحالكم كلن بحاله
اباكم تساعدوني وتعطوني حلوول لمشكلتي
اولت البارحه كان ريلي مدااوم ودوامه يخلص الساعه 11 فليل ، قبل لا يسير الدوام تخبرته شو تبا عشا قالي بعدين ، دقيتله اتخبره مره ثاانيه قالي مشغول عقب بخبرج ، والمهم ما قالي شو يبا عشا رجع البيت ع الساعه 11 ونص وقالي ابا مجبوس ديااي ،، انصدمت الديااي يباله اكثر عن ساعه لين ما يذوب المهم سرت اسوي له العشاا وانا معصبه ليش ما قالي من قبل عسب اخلص بسرعه خلصت العشا وتعشا سرت ابا ارقد تم يطفربي يشغل الليت وشغل الابتوب المهم كان يبا يطفربي باي طريقه يستانس يووم اعصب ، نشيت وقلت له سير تحت ابا ارقد تم يغايض دزيته عاد هو ما صدق قاام يضارب يعطيني بكوساات وتميت اصيح وهو يقولي دووم تمااسيح ,, المهم طنشته ورقدت ويووم نشيت الرياال هب ناسي السالفه تم يناقر وانا طبعي يووم اعصب ما اشووف قداامي ، تميت اتهاازب وياااه وقلته ودااني بيت هليه لبسنيه وماسوالي سالفه وع الساعه 4 ونص ظهر من البيت لان كان عليه دواام المفرووض يرجع الساعه 11 بس ما رجع وباات برع البيت ولين الحين ما رجع
ما اعرف شو اسووي متروعه بروحي فالبيت محد عندي غير ولديه والبشكااره
ادقله ما يرد علي
شورن علي شسوي
/
طرشي مسج وان مارد لبسيه وعادي حبيبتي لا تردين تتصلين به لين يرجع بروحه وتفاهمي معاه لان جيه بيعند اكثر
ع فكره انا ونتي نفس الطبع
المشاركة الأصلية كتبت بواسطة ام مـ2003ـايد 
طرشي مسج وان مارد لبسيه وعادي حبيبتي لا تردين تتصلين به لين يرجع بروحه وتفاهمي معاه لان جيه بيعند اكثر
ع فكره انا ونتي نفس الطبع
المشكله اتروع ايلس فالبيت روحي
ما دقيتله ولا طرشتله مسج اعرف بيعاند اكثر المشكله ما احيد عمري سويت شيء عسب يزعل
فديتج انتي غلطانه شرات ما هو غلطان .. ريلج ما سوى هالحركات الا لانه مضايج من شي منج ..×
شوفي عمرج وفكري ليش هو يعاملج جيه شو الشي اللي كنتي تسوينه ويستانس عليه والحينه ما تسوينه ..×
الحينه لا تتصلين فيه خليه لين ما يهدى وانتي اعتبريها فتره تيلسين فيها وريا روحج وتفكرين كيف تخلين ريلج يرضى عليج ..×
لا تعودين ريلج يرقد خاري تراج عقب بتندمين ,, دامه الحينه ظهر وزعلان سويله شي يريحه ..×
رتبي البيت وسويله سويت وهالسوالف وخذيلج لبسه حلوه وتكشخي هو ما بيطول اكيد بيرد البيت ..×
رمسيه وتفاهمي معاه وراضيه بطريقه حلوه تخليه ينسى كل شي وحتى لو رد فتح الموضوع لا تاخذين وتعطين وياه
اعترفيله انج غلطانه وحقه عليج وانج ما ترتاحين الا وهو وياج بالبيت ..×
خلي هالنقطه في بالج لا تعصبون ولا تكونون هاديين اثنينكم بنفس الوقت عشان ما تستوي المشاكل ..×
يوم ريلج يعصب انتي ارخــــي ويوم هوو يرخي انتي شدي شوي ..~
وموفجه الغاليه ..× 
المشاركة الأصلية كتبت بواسطة همس قلبي!! ما دقيتله ولا طرشتله مسج اعرف بيعاند اكثر المشكله ما احيد عمري سويت شيء عسب يزعل
فديتج طرشي مسج قوليله يابولدي يهون عليك تخلينا روحنا ونت تعرف مالنا غيرك بهالدنيا بعد رب العالمين ,, ولين يرد تكلمي معاه بكل هدووووووووووء وخلج صدق موسعه بالج يختي شباب هالايام والله العظيم مايهمهم حد الله يهديهم لازم تدارينهم جنهم يهال افففف