ريلي ظالمني ! 2024.

هلا حبيباتي عندي مشكلة و أتمنى أني ألقى حل ريلي له فترة متعود يرقد فغرفة بروحه سواء كان زعلان و إلا لا يعني خلاص اتعود و مسولي طاف و يستهبل يوم أناقشه بهالموضوع و يوم أزعل ما يراضيني و لا يحس فيني و وجودي و العدم واحد و أيي بس وقت الحاية يخلص و اليوم اللي عقبه مرة ثانية أجوفه راقد بروحه انا تعبت منه و خلاص ما قامت تفرق وياي و أبا أحرق قلبه مثل ما يحرق قلبي و ينزل مستواي جدام اللي يسوى و اللي ما يسوى و الله الشاهد اني مب مقصرة وياه بشي نهاءيا و اطبخله و مهتمة فيه و فاليهال حتى بشكارتي من راحت قلتله خلاص مابي أكلف عليك انا روحي بجابل شغل البيت لأني أصلن طفرت منهم و فوق كل هذا مدلعتنه بس ما يبين بعينه و ما يجوف الأشياء الزينة فيني و مركز ع السلبيات لأني ما أداوم و يقول انا بتزوج وحدة ثانية عسب تصرف علي و انتي ما منج فايدة و وايد كلام و بصراحة قلبي مات لان ما عندي حد اشكيله تعبت نفسيا و كل يوم و الثاني أمرض ساعدوني قولوا لي شو اسوي وياه

طنشيه وايد عاطتنه سالفه ليش تراعينه وتقولين له مابا اكلف عليك ….. رياييل لو ماخسرتيهم مابيحسون بجيمه الحرمه… اهتمي بعمرج وخليه حاله وحال الككسي واحد ادي واجباتج وخلج وم مبتسمه ولاتخلين كلامه ياثر عليج زعل ولا مازعل لا تبينين لهل انج مهتمه لزعله عامليه بالمثل شوفيه بيحس هاك الوقت ولا لا

الله يعينج أختي
أنزين ليش مت تسيرين أنتي ترقدين عنده
و هو عقب ما يي عندج عشان حاجته مثل ما قلتي يكمل رقاده عندج فالغرفه؟ ولا يسير عقبها يرقد فالغرفه الثانيه
إذا هو يسير غرفه ثانيه قوليله خلك هني عندي خلنا نسولف شوي افتحي اي موضوع على أساس تستشيرنه فشي وجي يعني و مرة على مره إذا حس السوالف معاج حلوة بيغير عادته ويرد يتعود يرقد فالغرفه معاج
هذا رايي جربي هالطريقة وشوفي

لا حول ولا قوة الا بالله .. الله يصلح حالكم

إذا كنتي تحبينه أكيييييد من الصعب عليج تشوفينه يرقد ف غرفة بروحه و يسمعج هالكلام الجاارح أما إذا كان عادي ف ما بتفرق معااج
المهمم أدعي ربج من كل قلبج انه يهديه و يصلحه ، و ربي يهنيكم و يسعدكم طول أيامكم و أعوامكم ^^

قوليله ودني بيت ابوي بس انتي لا تسيري مجرد تهديد بس الصراحه ريلج قهرني عيل ليش متزوج حضرتك وله يتحرى ما كان عندج غرفه يوم كنتي عند هلج بس المفروض انتي ما سكتي من البدايه
الله يهديه