انا مشتركه ف هالمنتدى بنك ثاني..
مب عارفه من وين ابتدي .. فبدخل ف الموضوع على طول..
ريلي صار له فتره يقولي ابا اعرس لاني ما ابغي اروح الحرام وانا بصراحه ماعندي مانع انه ياخذ الثانيه وهذا من حقه الشرعي ..وانا لاني احبه واخاف عليه من الحرام قلت خله يعرس..
ياخذ له حرمه احسن من انه يروح لبنات الشوراع ..
وهو يباني انا اللي اخطب له وانا للاسف ماعندي حد عشان اخطبله..
وهو يداوم ف مكان مختلط اقوله انزين شوف لك من اللي يداومن وياك يقولي مابا من مكان شغلي ..
ومب عارفه شو اسوي ..
واسمحوولي على كلامي المخربط ..
خلي خواته او امه تشوف له عروس
او شوفي له حد من طرفكم تنقيها نقوه
وبالبركه الغلا
للاسف ماعنده خوات
وامه مش طايعه تقول انا مالي خص
وحريم اخوانه مستحيل يدورون له
ومشكوره حبيبتي على الرد
انتي ماتحسين بغيره ؟؟
فكري اكثر حبيبتي وخليه هو بعد يفكر ..
اذا هو حاس انه يقدر يعدل بين الزوجتين مو مشكله ..
بس احس الموضووع صعب وانتي تقولينه بكل جرأه ..
السموحه حبيبتـي .. وإللي الله كااتبه بيصير
ومثل ما حبيتي تساعدين ريلج عسب ما يسوي الحرام
رب العالمين ما بيضيع أجرج
وأوصيج بالدين غاليتي
إذا كنتي بتختارين له حد الدين ثم الدين
لإن الي تتقي الله إذا قصر في حقج هي بتنبهه
وما عمرها بتنسى انج كنتي سبب بعد رب العالمين
ان في ريال ستر عليها ..
والله يتقبل منج صالح الأعمال