ريلي وحمياتي 2024.

السلام عليكم ورحمه الله وبركاته شحالكم بنات
ابي منكم نصايح شو اسوي بريلي وحمياتي
السالفه انه ريلي ما يكلم اخته يمكن من 6 سنوات هاي اخته اكبر عنه بس مش متزوجه واخته الثانيه ما يكلمها من سنتين تقدرون تقولون انه ريلي الغلط بس هو انسان واايد طيب بس هم واايد شايفين عمارهم عليه ويبون كل شي براحتهم يعني طلعات وييات كا وحده عندها سياره هو ما يحب جي هو ملتزم وعمي واايد بارد يعني اهم شي عنده عياله يكونو مستانسين هو بعد كذا مره يحاول بريلي عسب يكلم خواته بس للاسف وريلي يقول انا ريال ولي عزه نفس يعني هو يقول لو هم يو كلموه بيكلمهم لان هو الريال ام هم يقولون لا خلي هو يبدا
والله مش عايبني الوضع شو اسوي ابيهم يجتمعون حاولت معاهم بس للاسف ما نفع ما اريد اي يوم ويندم ريلي ارجو مساعدتكم

انا عندي فكره

انتي قولي والله اختك اتقول انها غلطانه وانها متوله على اخوها

وايد مضايجه من الي صاير..اتقولي دوم تذكرك بالخير وعقب

سيري عند اخت ريلج وقوليلها ريلي دوم يطريج بالخير ويقول انه في خاطره

يكلم اخته ويقول الزعل مب شي …وانه رب العالمين مايرضى بالي يصير…

وهيه في خاطره يكلمج شرات قبل..

ترى الجذب في الخير انا سمعت انه حلال والله اعلم

اختي انصحيه وذكريه باجر الي يبدأ بالسلام وخاصه ان اخته هي الكبيره …

وهو الريال والمسئول عنهم من بعد عين عمج .. هو الي لازم يضمهم ويداريهم خاصه انه ملتزم بيأثر فيه دوام تذكيرج له بالاجر ..

في شي بس ما ادري هو حديث عن الرسول ولا شو بما معناه ان الانسان الي مخاصم حد ثاني لا ترفع له دعوة للسماء .. بدور بالاحاديث وبرد عليج

جزاكم الله الف خير
انا بحاول بس احاسي يقول ما بينفع لان 5 سنين مب اشويه استوى روتين عندهم عادي ما احس باقي مشاعر عندهم بس ادعولي اقدر اسوي شي

نصيحه مايخصج

عقب اتي اي مشكله بعقونها ع راسج !!

برايهم هم ادرى بعمارهم

لاتشغلين بالج فيهم وريلج ادرى بمصلحته وبخواته اهم ماعليج ريلج وعيالج وبس

فكره ممتازه 100 %

وأنا دايم اسويها وتنجح

كل ما ريلي يتزاعل مع وحده من خواته

اقص عليها واقول لها اهو يحبج وانتي اكثر وحده من خواته يحبها وما يستغنى عنج ( نفس الكلام اقوله للخوات كلهم )

واهو نفس الكلام اقول له انك اغلى واحد من اخوانك عندها

ونفعت وااااااااااااااااااااااااايد

والله يصلح الامور يارب