شحالكـــــن بنــــات و حريمـــــات ؟؟
والله ان مشاكلي ما بتخلص دام اني عايشة فبيت اهل ريلي خلاص انا طفرت حتى و انا ما احتك فيهم يرمسون عني ما ادري شو اسوي و كيف اتصرف ؟؟
يعني اهل ريلي وايد يحبون يتدخلون فحياتي و ريلي من النوع السكوتي طبعا هالشي بس جدام اهله و جدامي انا غيييير كله يتم يصارخ لدرجة اني كرهت حياتي و كنت افكر فالطلاق و كم مرة طلبت الطلاق من ريلي بس عقب ارد و افكر شو ذنب بنتي ؟؟
بنات انا خذت ريلي عن حب و عقب اصرار من اهلي وافقوا و طبعا لاني يتيمة الابوين عمي و حرمته اللي ربوني و كم مرة استوت مشاكل بيني و بين اهلي و السبب ريلي و عقب ما تزوجت عمي قال لي لو لا سمح الله استوت مشاكل امبينكم انا ما يخصني و ما بتدخل حتى لو ودرج و احس ان عمي مب وياي شرات اول .. و ريلي اللي انا ضحيت عشانه احس ان اي شي يقولونه عني يسكت و اذا رمس رمسته لا تودي و لا اتييب حتى ان اهله يسوونلي مشاكل و انا من عرفت انهم مشكلجيين ما قمت احتك وياهم و لا انزل و اقعد وياهم شرات وكله اتم يالسة فحجرتي الا اذا ظهرت من البيت لدرجة ان اخته امسات قالت لريلي انا قلت لك من قبل لا تاخذها هاي مو من ثوبنا تدرون انا يوم سمعت هالكلام شو استوى فيني ؟؟ حسيت ان حد صفعني طراااق لاني ما سمعت السالفة من ريلي و لو من ريلي شوي اهون سمعت السالفة من سلفتي ( حرمة اخو ريلي ) و منو قال لها ؟؟ عمتي ( أم ريلي ) اللي تصيح عند ريلي و تقول له ليش حرمتك ما تنزل نحن شو سوينا لها ؟؟
عمتي بعد طلعت ام ويهين جدام ريلي تحبني و من وراي تشوه سمعتي ..
والله لو اقول لكم المشاكل اللي يسوونها لي ما بتخلص بس كيف اخلي ريلي ما يتأثر بكلام حد لانه فالفترة الاخيرة وايد قام يتضارب وياي على اتفه الاشياء و يعايرني و اذا لا قدر الله صار شي امبينا وين بسير انا ما عندي غير عمي ؟؟
تعرفون حتى ان شغالة حميتي كانت تشتغل عندي يعني تغسل ملابسي و ملابس ريلي و بنتي و الحين حميتي ما تخليها مع اني شهريا كنت اعطيها بيزات و انا اشكثر كنت امدحها جدام الناس و هي اللي قالت لريلي انا من قبل قلت لك لا تاخذها هاي مو من ثوبنا ؟؟
يعني ليش تخرب امبينا ليش تقول لريلي جي الرياييل بطبعهم بسرعة يتأثرون مع انهم روحهم كانوا يصيحون عند ابوهم لانهم كانوا يبوني اكون حرمة اخوهم و الحين يوم ييت بيتهم سووا لي مشاكل و الله ما في وحدة فالبيت ما سوت لي مشاكل ما ادري كيف اتصرف انا طفرت ..
حتى انهم ما يبونا نحن نظهر و نسكن فالبيت اللي نحن بانينه ..
والله لو لا قدر الله صار شي بيني و بين ريلي اهله اللي بيكونون السبب بس انا ما ابغي يصير هالشي ..
انا احب ريلي بس هو مب مقدرني ما ادري شو يباني اسويله ..
شوركن عزيزاتي ..
لازم تقعدين معاه واتصارحينه بكل اللي قاعد يصير
وخليه هو يقول لج شو اللي يباه بالضبط … اسمعيه وحاولي تتقربين من الكل لانه مالج غيرهم
حسني كل العلاقات مهما يقولون عنج … كل مكان من جدامج شي ومن وراج شي ولا تحطين شي في بالج لانج بتتعبين
تعلمي اسلوب التطنيش …. خليج كووول ونزلي عندهم وقعدي وتعاوني في شغل البيت
سبحان الله يمكن يتغيرون … على الاقل عشان حياتج انتي وريلج
أنا ف بداية حياتي الزوجية يوم حسيت أنا إذا احتكيت كع أهله بتصير بينا مشاكل لدالك فضلت انئ انعزل عنهم ضج ريلي مب عايبنه انئ ما ايلس معاهم بس أقول هذا الشئ أريح لي
أما كيف تقدرين تأثرين هذا يعتمد ع إذا يدور ع راحة وسعادته ما راح يسمع لحد بس الظاهر انه ريلج هو الى مساعدنهم انه يتمادون على الرمسه عليج
الله يكون ف عونج
ليش الناس كذيه؟
أنا أشور عليج انج تقعدين معاه وتصارحينه بكل شئ ولو ضاقت عليج الدنيا أقري قرأن والله بترتاحين والله يحقق اللي في بالج
وانتي مو قد المشاكل لو قلتي لا او عارضتي
فالغالية ما عليج الا الصبرررررررررر
يعني غضي البصر عن وايد اشياء
واللي سمعتيه وما عيبج سوي عمرج ما سمعتي
وتقربي منهم
ممكن يرمسون عنج من وراج بس على الاقل من جدامج يحترمونج
خليج بااااااااااااااارده ثلجججججججججججججججججج
ما عليه الغالية
دوم هاي حياتج ما عليج الا الدعاء والاستغفار يمكن رب العالمين يفرج كربتج