ريولي تنفخت وفوق هذا ألتهاب حاد ف البول 2024.

مراحب بنات
شحالكن ..
بنات أنا حمل بالشهر الثامن وبعد 12 يوم بدخل التاسع …
المشكله اريولي تنفخت بشكل فضيع لدرجة صرت ما روم اقعد ولا اروم اركع ف صلاتي احس بصعوبة وصار عندي التهاب شديد ف البول ….
راجعت الدكتورة غزل وقالتلي الانتفاخ ألي في ريولي شي بسيط بس لازم ارفع ريولي عسب يخف وجييه اما الالتهاب وصفتلي حبوب زينات …وقالتلي كثري ماي .. وانا والحمدالله ف الماي هب مقصره
المهم بنات منو عانت مثلي ألتهاب البول لأني تعبت من كثر ما اروح الحمام واحس بألم من تحت …
وانا اول مره احمل ولا عندي فكرة بمشاكل الحمل….

انا نفسج اعاني من التهاب البول من اول ما حملت لين الحين وانا بالسابع ما خليت مستشفى ولا عيادة ما رحت لها لكن بدون فايدة
انا متوكلة على رب العالمين وكل شئ بيده

امكن عندج تسمم بالحمل لحقي على عمرج
حالتج نفس حالتي بس انا عرفت بعد ماربيت
روحي لدكتورة ثانية
لاتراجعين عند دكتورة وحدة

اتعالج ف الواحه وقالولي هالشي وعطوني تحميله …
والبارحه رحت عند دكتوره غزل وقالتلي نفس الشي بس وصفتلي هالحبوب …
والله اعلم …

قالتلي دكتوره دام ضغطج اوكيك ف لا تحاتييين ….
نفس الشي قالي اياااه دكتور ف مشفى النور …

الله يشافيج ويعافيج اختى قطوة العين ويتمم حملج على خير وتقومين بالسلامة انتى واحلى بيبى وطمنينى عنج مدرى انتى قطوة العين فطامى اللى اعرفها ولا تشابه بالنك نيم

أنا كان فيني التهاب في البول والدكتوره وصفت لي فيتامينات والحمدالله خاز عني بس عن انتفاخ هالشي وأيد مضايجني أنا بعد يوم أمشي أحس ان ماي في ريلي الله يهون علينا يأرب