بسم الله نبدأ وعلى بركة الله نتوكل….
يمكن بعض منكن قرن موضوعي اللي حطيته من فترة فهالقسم واللي كنت أتكلم فيه عن معاملة مسؤوليتي فالوظيفة وكيف انها تتكلم عني واطلعني مقصرة والخ الخ الخ.
أظن كل موظفة تعرف ظروف العمل وضغوطاته اللي ما تخلص ابتداء من المهام الموكلين بها مرورا بالزملاء وزميلات العمل والحسد والمنافسة اللي مخلية الجو جو وظيفي بحت
فبداية مشواري مع الوظيفة كنت ما احسب حساب على كلامي وتصرفاتي مع زميلاتي ابداً يعني كنت اعتبرهن مثل الصديقات وكنت أخذ راحتي فالكلام معاهم وتعرفن الحريم سوالفهم ما تخلص حتى هن كانوا يتكلمن بخصوصياتهم ،، لكن مع الايام بديت اكتشف انه السوالف اللي نتكلم بها ما يظل احد الا وعرف عنها،،، للأسف يعني لو اسولف مع وحدة عقب الكل بيدري بالسابقة ومع ذلك ما أعمالهم بالمثل ولا انقل علومهم …
عالعموم مع الايام أخذت درس وصرت ما أتكلم الا بشؤون الوظيفة ومواضيع عامة، ،،،
من فترة لاحظت انه الزميلات متغيرات ناحيتي والله ،،، فمثلا لو قعدت معاهم اسولف ألاحظ أنه اللي قاعدات معاي انسحبن من القعدة أو يتجاهلون حديثي وما يردن علي او يغيرن الموضوع يعني يتحاشوني باي طريقة!!!!
مستغربة ومحتارة يعني حتى لو سالفة عادية احس ما حد يحب يأخذ ويعطي معاي!!!
المشكلة كيف الوحدة تتحمل تقعد 8ساعات ما تسولف الا مقابله الوظيفة والشغل احس انه كتمه والله…
يعني لو اروح اسألهم ليش جيه يعاملني احس رزة ويه ومصخرة .. بس مب عارفة شو الرأي؟؟؟
اتمنى اسمع نصايحكم خواتي الله لا يهينكم ….
انتي اختي رايحة تترزقين وبس
وفي شغلك مثل ماقلتي مافي امان او صديق كله منافسه وبس
فماتفكرين بموضوع الصداقات بس خليكي بشوشه وضحوكه اتكلمي عن طلعات السوق عن دورات للعمل شوفي بس اهتماماتهن وهواياتهن وشاركيهن بس
خصوصيات بعدي عنها او كلام عن المسؤولة او غيره او شكوى او طلعين الي في خاطرك جدامهن اصلا لا تفكرين بالموضوع
وفي العمل مافي اختي صديقه ابداً
ياما ناس اتفنشوا من سبت هذا الشي
بس للاسف اكتشفت انه مستحيل تكونين صداقات فالدوام اعتبرهن زميلات لا اكثر
ما اخذ واعطي وياهن غير بامور الدوام
ولا تنسين القيل والقال فانتي غنى عن هالصدعه
اعرف الدوام طويل ويحتاج الواحد حد يسولف وياه بس انا افضل تكون علاقتي سطحيه ولا اصدع راسي
وتطنيشهن ومع الوقت بروحهن برمسنج
واهم شي انتي تكونين راضية عن نفسج
ومايهمج اي كلام ينقال عنج
المشاركة الأصلية كتبت بواسطة طيبتي دماري 
وتطنيشهن ومع الوقت بروحهن برمسنج
واهم شي انتي تكونين راضية عن نفسج
ومايهمج اي كلام ينقال عنج