أتمنى ما تفهمووووون مشكلتي بطريقة غلط لاني بديت اعاني منها فعلا
عندنا زميلة داومت معانا من أقل من سنة وهي حرمة معرسة وأم عيال يعني مب صغيره وحشيمة وراعيه غشووووة يعني اخلااااق بس فيهاااا عيب يخليني انا وكل اللي حولي ننفر منها ووصلت مرحلة ابصراااحة استويت اتجاهلها وما احب لساااني ايي على لسااانها موووول والمشكلة اهي
انهااااا في كل سالفه نسووولف فيها ترمس عن الأصوووول وتقول رأيها بطريقة مستفزة قبل لا أبدأ أحب أقووول لكم ان اهي من قبايل العيم المشهوووورين ونص ربعنا في الدوام من هالجبيلة ويعترفون انهم عيم واهي مصممه انهم عرب وهاجروا فارس وما ادري شووو استوى المهم ما علينا
وبخبركم عن اصلي لا تتحروووني متحيزة بس انا من جبيلة الكعبي ننتمي لمحضة التابعة لعمان لكن اهلي من زمان في الامارات وعندهم الجواز بس الواحد ما ينكر اصله والوالده مصريه ربي يحفضها
نرد لربيعتي هاااااااااااااااااااااااااااي اللي تتحرا كل الناااااس اقل منها بضربلكم بعض الامثله عسب تفهموووني
يعني يوووووم اكووون انا يالسه ترمس عن العمانين بطريقة مووو حلووووة واطيح طيحه في المصارووه
ويووم ربيعتي اللي اصلها يمني اتكوون يالسه اتم تطنز على اليمنيين
ويوووم تكوووون زميلتنا اللي امها هنديه توها ناشه اتقووول انا استنكر ان الواحد يااخذ هنديه اكيد عيالها بيكووونون مجرمين نفس اللي نشوووفه في الافلام
وعندنا طالبه حليلها امها فلبينية مالها ذنب كل ما شافتها عيبت على أبوها ليش خذ أمهااااا واهو السبب لان يخلي النااس يعيبون على بناااته
حتى ربيعتي الشحية ما سلمت منها مره عابت على اصلها
ووووووووووووووووووايد رمساااااااااااااات ما تخلص
يعني اتم اتعيب على الاصووول بطريقة مستفزة ومع ذلك ما تحب احد يتكلم عن اصلها
اليوم الصرااحة استوى بيننا موقف خلاااص قررت صج ما ارمسها كانت ترمس عن البدون كان اقووول ان في عماااااااااان ما عندهم بدووووون والا تقووووولي عمااان شوفيها من خير بعد عسب البدون يسيرووووون عندهم
الصرااحة اهي ويااااااااااااااااي في المكتب وتميت فترة متجاهلتنها واهي حست اني مطنشتنها بس الصرااحة يوووووم اتم اتعيب اناما اعرف اسكت واتم ارد عليها ومع ذلك ما تتأدب
انا الصراااحة من وجهة نظري ما يتم احد يعيب على اصووول الناس جذي الا اهو شاايف في عيب في اصله يبا يدسه
الحين كيف اتعامل مع هالانساااانة اللي ما اتحشم احد
حاااولت كم مرة اني المح لها ان هالشيء بعيد عن ديننا الاسلااامي وان الله يحاسب الانسان يوم القيامة على تقووواه مب على اصله مافي فايدة
هي من اي جبيله؟؟؟ فضول ممكن اتخبريني ع الخاص
ما عليج الا اطنشيها
احقريهــــا
الله يعينج ويهديهــــــــا
عموما يا أختي لازم تكوني جرئية وواثقة من نفسك..
يعني ما دامها قاعدة علي قلبك في المكتب مش مضطرة تسمعي لكلامها التافه.. ويجي دورك كمسلمة… كيف؟؟
انصحيها بهدوء وانتم بروحكم وانتي كاسبة ثلاثة حاجات: 1- اجر النصيحة 2- تفتكي من كلامها وتفكي غيرك منها.
3- تفهم وضعها الحقيقي (في حالة واخدة في روحها مقلب) .
قوليلها الاشياء الاتية
روى مسلم في صحيحه من حديث أبي هريرة رضي الله عنه قال: قال رسول الله صلى الله عليه وسلم: "اثنتان في الناس هما بهم كفر: الطعن في النسب، والنياحة على الميت".
وروى أيضاً في الصحيح أن النبي صلى الله عليه وسلم قال: "أربع من أمتي من أمر الجاهلية لا يتركونهن: الفخر في الأحساب، والطعن في الأنساب، والاستسقاء بالنجوم، والنياحة…".
وقد ذكر البخاري مثله موقوفاً على ابن عباس رضي الله عنهما.
وهذا رسول الله صلى الله عليه وسلم، وهو سيد الأولين والآخرين كان يقول: "أنا سيد ولد آدم يوم القيامة ولا فخر" رواه الترمذي وابن ماجه
وضحيلها انك تجرحي في الغير وبالعكس حاتخلي الناس يحتقروها بدل ما توصل لهدفها الحقيقي وهو انكم شوفولها بعين كبيرة.
لو اكنت اعرفهاا جان دفنتها..
..
ماعليج هاي انسانه مريضه .. وتبا تلفت الانتباه ..
احقروهاا بتتأدب..
عيبت على ام فلانه وابو فلانه واصل فلانه ..!!!!!!
ماحترمت حد ليش تحترمونهاا ..
عطيهاا كاش بالويه من الرمسه السنعه الي بقلبج وخليهاا تشتط
وبا الاخر بتخمد وبتعرف شقايل تعيب على خلق الله..
..
اقلج شي مرات تستوي نغزات وانتي من وين ومدري شو سواف .. ماعليه
لكن اذا حد ياب طاري هلي حتى لو وهم من جنوب استراليا>>اظمن ان محد من هناك ويزعل لوول
بدفنهم .. فلازم ماتسكتون وتوقفونهاا عند حدهاا
والله يوفقج
حتى انا في الدوام بس إللي معاي موظف دوووم يعيب و يطنز على الموظفين و انا اقول له استغفر ربك بدل ما تطنز على طووول يسكت بس عقب خمس دقايق يرد نفس الشيء و انا ارد عليه و اقول له استغفر ربك أحسن لك و من عاب إبتلى بس اليوم الثاني يرد نفس الشيء و انا على نفس المنوال اقول له استغفر ربك حتى اليوم زودها و قلت له استغفر الله العظيم انت ما تخاف ربك سكت و استحى هههههه
اختي قولي لها بالويه من عاب إبتلى او كل ما تطنز قولي إستغفر الله العظيم