اريد اعرض لكن مشكلتيه والله مالي غيركن بعد الله
بنات انا متزوجه من 5 سنوات وحياتي مع زوجي
على حافت الانهيار يعني كل واحد منا عايش بصوب
البارحه وانا افتش سيارة زوجي شفت فالجواز انه
مسافر المغرب من شهرين بات فيها 3 ايام وعلى فكرة
هو قالي انه عنده شغل ومداوم والله اني ميته قهر لا تنصحوني
اني اكشف له اني دريت ما اريد اخاف يظهر شي مستخبي
بحاول مع زوجي من اول وجديد بنات اريد تنصحوني
أنصحج انج ما تواجهينه بالسفرة يمكن لو واجهتيه بعصب وبينتبه انج تفتشين في اغراضه وبحاول يخشها في مكان بعيد عنج..عرضي عليه الموقف كانه صاير لحد من ربعج وربيعتج متضايقة تبا لحل منج..فانتي كأنج تستشيرينه في الموضوع..
وهني يمكن يحس انه غلطان..بس طبعا لا تقولين ريلها مسافر المغرب يعني مثلا قولي ريل ربيعتي بايت في فندق في دبي 5 ايام وقايل لها انه عنده دوام والحين هي اكتشفت هالشي شافت ايصال الفدق في السيارة وايد متضايجه..وتبا حل تواجه ريلها والا لأ..ييبيها بهاي الطريقه وخلي يشاركج الحلول..مصيبة لوكانت وحده من هالمغربيات لافة عليه..حسيبهم الله جنه ما عندهم رياييل …
والله يهدي زوجج ويسخركم لبعض
و بعدين رج قالي اسمحيلي كنت ساير البحرين ..و عقب فترة شفت جوازه و اكتشفت انه كاان في المغرب!!! قلتله بكل برووود انت سير المغرب؟ قالي هيه و خلاااص و لا سالته و لا قلتله شي حتى هووه كان عاادي بس قالي ليش تنبشين في جوازي..
و انا ما كنت شاكة و لا شي بس فضوول ابا اعرف وين مسفر
تعرفوون حركات يهال نبا نعرف كمن مكان سافر
الله يستر عالجميع
شوفي وين المشاكل بينكم
وحاولي تصفي النية اتجاهه
وقعدوا مع بعض وناقشوا بس بهدوووء حتى لو صرخ عليج
انتي حاولي تهدييينه وخليج دوووم مبتسمة
يعني غيري من نفسج شوي حقه ..ـ
والله اييسر لج اموووورج
واتمنى لكم حياة سعيدة 
السلام عليكم ورحمة الله وبركاته
اختي
الله ييسر لج امرج ويهنيج بحياتك ويبعد عنكم كل هم
اولا
توكلي على الله واعتبري نفسج في اختبار من الله وانتي ادرى حتى الوكه اذا تنغز المسلم له فيها اجر
وامشي على مبدأ
اصلح اللي بينك وبين ربك صيلح الله لك اللي بينك وبين الناس
وصدقيني ختي ما بيفيدج زيد والا عبيد اولا و اخيرا الله سبحانه وتعالى
ومن عقب تعاملج مع زوجج يعني قولي لنفسج انا هنيه احب نفسي ونفسي غاليه عليه ومابا اخسرها يعني سوي اللي عليج وبس ولاتحملين نفسج فوق طاقتها !!!!
والله يعينج ويصبرج وتنجحين في الاختبار الرباتي