على طوول بدخل فالموضوع
انا مشكلتي مع زوجي والبلاك بيري ..قبل يوم ما كان عنده البلاك بيري كله بالمسجات وتلفون نوكيا .. تقريبا هالشي عانت منه 13 سنه وانا معرسه والحين ودري النوكيا طاح فالبي بي .. اتخيلي قاعد معايا لازم يتكلم فالبي بي .. وانا هالشي مضايجني فيه يسير الحمام (عزكم الله) يودي وياها البلاك بيري .. يتغداء معانا ويتكلم فالبي بي يعني تحركاته لازم فيها البلاك بيري طبعا وانا ادري انه في حياته وحدة ثاني لا بارك الله فيها ما اقول حسبي الله ونعمه الوكيل عليها .. هالمهم انا ما ابا ادخل فالتفاصيل .. لاني لو فتحت قلبي تراني ما بخلص الله هو المستعان .. موضوعي عن البلاك بيري كلمته كم مرة واستوت مشاكل من بينا .. والسبب البلاك بيري دايما كان يقولي لا تحطين بالج فالبلاك بيري . عاد يوم يي دوري ارمس فالبلاك يقولي انتي اشوفج هالايام واايد تتعبثين و اربع وعشرين ساعة قاعدة عالبي بي شو تسوين اف اسكت عنه وما ارد عليه
المهم انا الحين ساكته عنه ولا اتناقش مع في اي شي موكله آمرى لله بيي يوم وبيندم على كل الي سوا فيني .. الحمدالله اني صابره ومتحمله وتغاضى عن هالاشياء الي اتوسوس فيني مب عشانه عشان عيالي
الحين المطلوب لو وحدة في مكاني كيف بتصرف ؟؟!!
تعرفين أنا زوجي كان جيه وأكثر بعد
بس قعدت اطرشله على البي بي مسن
(والله مشتاقه لك _ خاطري أسولف معاك مع فيسات الحب _ ) مره مرتين صدقيني بودره بيسولف معاج
جربي هالفكره
وقوليلي شويستوي
هههه والله الدنيا غريبه انا ريلي ما كان عنده بي بي وانا اشترته اختي لي هديه لانه ما كان راضي
ومن فتره خذ بي بي وعاد استوى ادمان
وطبعا بي بي الشباب غير هههههههههههههههههههه كله مصاخه
وانا كنت اي دوم يقولي شو كله على البي بي والكمبيوتر
الله يهديه لج اختي
والله الريال معاه نوكيا ولا بي بي و لا كمبيوتر ولا حتى ما عنده شي
لو يريد الحرام بيسويه حتى لو مع الخادمه الله يعزج
لا تخافين من كلامي هذه طبع الريال المشكله مش من البي بي من ريلج
ادعيله وغيري اسلوبج معاه ولا تمين تنغزينه كل شوي هذه يخليه يغايض اكثر
وعمره الزعل ما بيرده عن الي يسويه
انا لو مكانج بلصق فيه وبتم اهمزه و اسولف معاه
و اييب العيال يسوله جو يقولون له قصه او الحركات او يرقصون يعني
لو هو مب متفيج خليه جو البيت فيه مرح
الله يعينج اختي الدعاء والله ماشي احسن من الدعاء والاستغفار وعليج بتغير اسلوب حياتج