كنت زعلانه أمس وابكي ودخل علي زوجي وسألني وشفيني وعلمته جلس يراضيني والاتدخل أصغر بناتي رغد سنتين وتصيح
زوجي مسكها وجلسها فحظنه وجلس يراضيها وسألها من ضربك سمت أختها الي دخلت الغرفه ومن شافت أختها فحظن ابوها فتحت النافوره وجلست تبكي درت إن أختها مفتنه وجلسها أبوها على رجله الثانيه وجلس يراضيها هي كمان
بكت ليان سبع شهور من الضجه الي صارت فالغرفه ترك زوجي بناته وتركني وراح يسكت
ليان
تهاني ورغد اسكتو ونجح يسكت ليان وجا جلس جنبي وقالي ماحبك الا من حبي لبناتك
قلتله وإذا ماكانو بنات قال لكنهم صارو
شفتي الضجه هذي والمناحه إلي مسوينها قبل شوي أحن على قلبي من مليون ولد
بعدها قالي تبيني ارضا عليك
قلتله إيه قال مارضا إلا بأربع بعدهن
قلتله وبكذا صارنا ثمان
قال وصارن بناتك سبع
قلتله مابي سبع
قال بس أنا أبي الجنه
هنا سكت ماتوقعت هالكلام منه
وللأمانه زوجي مو متدين
بكيت ورجع يراضيني من ثاني
لطوف أم تهاني
انا عندي بنوتين والثالثه يايه في الدرب..
مشكوره عالموضوع الي رفع معنوياتي بعد ما كنت زعلانه من رمسة عمتي
الله يخليلج بناتج وابو بناتج ان شاء الله
ويبارك لكم
يا هل رجوله ولا بلا
المشاركة الأصلية كتبت بواسطة um_maryam 
انا عندي بنوتين والثالثه يايه في الدرب..
مشكوره عالموضوع الي رفع معنوياتي بعد ما كنت زعلانه من رمسة عمتي
الله يخليلج بناتج وابو بناتج ان شاء الله
ام مريم .. لا اتحطين في خاطرج . .. .والعيايز كلهن جذيه .. كأنه الولد اللي بيدخلهم الجنه ..
انا الله رزقني بخمس بنات ما شاء الله .. وعقبهن يبت ولد .. بس من حملت به ياني السكر وللحين ما خاز .. والولد عمره سنتين .. والحمدلله على كل حال..