انخطبت شهر 7 سنة 2024
ملجت شهر 7 سنة 2024
تزوجت شهر 7 سنة 2024 تحديد قبل شهر ونص تقريباً
عرفت زوجي خلال السنوات اللي طافت (ايام الخطوبة والملجة قصدي) اهله وهو يختلفون عنا وايد من الناحية الاجتماعية والمادية،،
أنا وهو كان بينا اختلافات بس ايام الملجة كنت اشوفها بسيطة وممكن تتغير بعدين ،، هو مب سيء الحمدالله لكن عيوبه معاي انا بس كزوجة،،
عرضت مشكلتي في منتدى ثاني بس محد عطاني جواب شافي،،
أنا للحين ما حبيته يعني أحمل له مشاعر زوجة عادية مافيها حب وهالشي مب فيدي،، وهو بعد ما ساعدني لأنه جداً جاف وناشف،،
المهم أنا ما أقدر أحس به كزوج أبداً،، أحسه واحد من اخواني،، ما يحرك مشاعري أبداً،، رغم ان يحاول يتغير في بعض الأمور عشاني،، ما اقدر أظلمه يعني،، صح في عيوب وايد واختلاف كبير بيني وبينه وساعات وايد يقول كلام بدون ما يثمنه وغيره وغيره بس انا اشوفه ان يحاول يكون غير،، صح مب وايد بس على الأقل هو يحاول،،
بس أنا مب قادرة أحبه ما أعرف كيف أشرح أكثر بس أنا ما أكون معاه أبدا لما نكون في الغرفة بروحنا،، يعني مشاعري ما تكون معاه،، حتى لو أحاول أبين إني مستانسة بس ما اقدر أحس إني أضغط على نفسي وايد،، وقلت له وكنت صريحة معاه،،
قلت له انا ما احبك واحس علاقتنا ما تصلح نكون أزواج بس هو يقول لي مب مشكلة أنا أباج بكل عيوبج
هو متمسك فيني وايد والأسباب مب لأني ملكة في عينه بس لأنه ما يحب الشماته وكلام الناس،، خصوصا انه في ناس وايد من اهله لاموه ان تزوج وحدة غريبة وبنات عمه موجودات،،
أدري طولت عليكم بس في خاطري كلام وايد وما اعرف لمنو اقول،،
ما احب أبين لأهلي إني متضايقة ولا أحب الناس يشوفونا مب سعيدين،،
شو أسوي
ما شاء الله تعرفينه من قبل سنتين… و الحين تقولين ما أحمله مشاعر حب
يختلفون عنا وايد من الناحية الاجتماعية والمادية،،منو فنظرج الأحسن ؟؟؟
متمسك فيني وايد والأسباب مب لأني ملكة في عينه بس لأنه ما يحب الشماته وكلام الناس،، كيف عرفتي هالمعلومة
خصوصا انه في ناس وايد من اهله لاموه ان تزوج وحدة غريبة وبنات عمه موجودات،،
هذا دليل إنه يباج إنت و إنت الملكة في عينه 
وبعدين الزوج يتغير بعد الزواج ..شي طبيعي…
المشاركة الأصلية كتبت بواسطة أم أحمدومحمد 
ما شاء الله تعرفينه من قبل سنتين… و الحين تقولين ما أحمله مشاعر حب
اكتشفت هالشي من قبل ولما كنت أطلب نصيحة أي حد،، أمي ،، بنات عمي وربيعاتي المعرسات،، المجربات يعني كلهم يقولون هاي مشاعر عادية وعقب الزواج كلشي بيتغير،، فاقتنعت بهالشي لأن أي حد أقوله يقول لي عقب الزواج وعقب ليلة العرس كلشي بيتغير،، (صدمتي الكبيرة كانت ليلة العرس ) ما أقدر أذكرها،،
يختلفون عنا وايد من الناحية الاجتماعية والمادية،،منو فنظرج الأحسن ؟؟؟
عزيزتي أنا ذكرت هالموضوع بس عشان أبين إن في اختلاف في تفكير بينا،، ما أقصد شي ثاني،، وأنا ما أنظر للأمور المادية كثر المعنوية والله شاهد،،
متمسك فيني وايد والأسباب مب لأني ملكة في عينه بس لأنه ما يحب الشماته وكلام الناس،، كيف عرفتي هالمعلومة
واجهته بهالشي وما أنكر،، بالعكس كان يبتسم بدون ما يعلق،، ولأنه أصلا كان خاطب قبلي وحدة من بنات عمه وكان في موافقه بس نقعوه فيه خيانة وزوجوها بدون حتى ما يخبرونهم وحلف ما ياخذ من الأهل،، (هالكلام مب عندي هو مخبرني)
خصوصا انه في ناس وايد من اهله لاموه ان تزوج وحدة غريبة وبنات عمه موجودات،،
هذا دليل إنه يباج إنت و إنت الملكة في عينه
وبعدين الزوج يتغير بعد الزواج ..شي طبيعي…
يعني اهني ناس في شهر يعرفون بعض
يمكن انتي رومانسية وريلج لااااا
خلي عنج سوالف الحب وهاي هذا ريلج حبيبه وهو بيحبج لو هومابدا انتي ابدي
حسسيه انج ماترومين اتعيشين من دونة وانه هو كل شي بالنسبة لج وان شاءالله هو اشوي اشوي بيحس فيج وبيتغير
دام فضلج على بنات عمه خلااااااااص يعني يحترمج ياحبوبة
انتي حاولي اتحبينه ان شاء الله بتشوفين كل الحب لج بعينه
والله يوفقكم ان شاء الله
و خليني اقولج انه من تجارب عديده في ازواج يحتاجون وقت اطول علشان يفهمون بعض …
و النصيحه الاهم و الاغلى انج تصلين قيام الليل و تدعين ربنا سبحانه و تعالى انه يوفق بينكم و يحبب ريلج لقلبج و خاصه ان الدعاء في هالوقت مستجاب باذن الله سبحانه و تعالى و في هالايام المباركه….و دعواتي لج بالتوفيق
أختي العزيزه أول شي أحب أوضح لج إن في بنات يتمنون الزواج ومب قادرين
وانتي الحمدلله متزوجه توج يعني شهر العسل المفروض وانتي يالسه تتشكين من أمور أنا اعتبرها تافهه واسمحيلي لأني أبا مصلحتج وأعتبرتج مثل إختي فلا تزعلين
وأنا بكلمج من خبرتي بالحياة الغاليه
حبيبتي خلي عنج التفكير هذا ريلج وانتي تدرين إشكثر رضى الزوج مهم عند الله سبحانه وتعالى
وأكثري من قراءة القرءان والأحاديث الخاصه بالأزواج
وترا في رياييل يستحون وما يتجرؤون بالكلام الحلو
وهني حبيبتي دورج إنتي قومي واتدلعي وتلبسي قميص نوم يكون مغري قبل لا يدخل البيت
واتعطري واتزيني ومن يشوفج بتشوفين ردة فعله بعيونه مب شرط بالكلام
وحبيه بيحبج ونسيه هموم الدنيا وعطيه الحنان هذا إلي يحتاجه الريال صدقيني وكلميه كل يوم بكلام حلو وحاولي ترضيه بتزيد مكانتج عنده صدقيني الغاليه
وخليه شوي شوي يفتح لج قلبه وأنا متأكده إنه يحبج ويموت فيج بعد
الغاليه لا تنسين أو تتجاهلين نصايحي جربي وبتدعين لي إن شاء الله
عاد دوري قميص نوم أحمر ههههههه ما أدري ليش يحبون هذا اللون يخبلهم
أدري إني أتفلسف بس هذي الحياة صدقيني ما شي وقت للتشكي لأمور إحنا نقدر نغيرها بإيدنا الحل حبيبتي
وتوكلي على الله واذكري الله دائما حبيبتي ولا تنسين حقوق الزوج
والله يوفقج الغاليه وأنتظر موضوع يكون أحلى من هذا الموضوع ويكون كله حب
الله يسعدكم ويفرحكم إن شاء الله ويبعد عنكم الحاسدين
وعليج بالدعاء والله يسعدج