حبيت احط لكم موضوع بخصوص الشعر تحت الجلد …
وهذآ ثآني موضوع لي ان شآء الله رآح تستفيدون منو ..
معآآىنآآآتي :
طبعا معآنآتي هذه دآمت ثلاث سنين .. شوفو ثلآث سنين
رحت في الأول عند دكتورة جلدية وجلست معآهآ جلستين عشآن السآق
وأعطتني كريمآت تفتيح .. لو تغير فيكم شيء فآنا تغير فيني شيء ..
استمريت ثلاث شهور ولا فآيدة .. رجعت مآرة ثآنيه عطتني مقشر من صيدلية نورآ ..
كمآآآن ولا فآآيدة .. لقيت هنا بالموقع خلطة حنآ وكركم وموية ورد ..
اتسعملتها 15 يوم .. مآاستفدت غير لون برتقآآلي وملابس معدوومة ..
يئست قلت خلآص شكلي بتزوج واذا شافها وش اقول غير الله يعين يآرب ..
رحت مستشفى للاسنآن ولقيت وحدة زهرآنيه ووحدة حربية ..
حريم يسولفون عن البقع .. حكيت لهم عن حآلتي فقآلو حطي
ملعقتين زبآآدي وملعقة كركم جسم ..
وحطيها على ساقك لمدة ساعتين وغسليها ..
استفدت نعووووومة في السآآق وخفت الحبوب وقل نمو الشعر من الجلد ..
بس البقع زي مآهي ..
بعدين بحثت في قوقل في جميع الموآقع
تحت مسمى وآآحد
نمو الشعر تحت الجلد …
بس مالقيت الا تجآرب بنآت وحتى ماتناسبني اجربها
قلت يمكن تنفع معاهم بس انا مدري ليه مانفعت
بس الترطيب لانفع معاي نعمها
ومنها هذا الموضوع دخلتو لقيتو هنا
مليت من حآلتي هذه جلست ادعي ربي ..
اصلي نص الليل .. اقرآ قرآن .. دعت لي امي لكن الله يعين ..
آخيرآ وبحمدلله :
رحت دكتورة جلدية بخصوص وجهي .. لقيتها مصريه بآقي بس ماكلمتها ..
قآلت انتي اللي عندك بقع وحبوب في سآقك قلت لها ايه ..
قآلت لي لحظه …
انتظرت وجآلسة اتسغفر " بنآآت الاستغفآآر لو دوور في قصتي الحمدلله "
المهم جتني ومعاها علبتين كبآآر مدري وش سآلفتها ..
قآلت لي اشوف سآقك ..
ووريتها قالت اسمعي هذآ الدوآء ان شاء الله
رآآح يقضي على جميع مشآآكل السآآق جميعها ..
قآلت من وظآآئف هذا الكريم تنعيم ترطيب يطلع الشعر اللي تحت الجلد
ويقشر السآق يعني اللي نحلم فيه في هذا الكريم بياض نعومة
بس للاسف ريحتو ماعجبتني يمكن تعجبكم
المهم الكريم هذا صنآعة فرنسيه اسمو اكيرآت من شركة افون
سعر الكريم الوآحد 75 تلاقينه بأي صيدليه شوفي صيدليه نورا الكبيرة بجدة
وهذة صورة الكريم
[IMG]https://static.*****cdn.com/PE/2011/07/04/06/6478694125large-1.jpg[/IMG]
طريقتي في علآج سآآقي ابتعيها نقطة نقطة :
اسمعوو بنآآت كنت بجيب لكم صورة سآآقي بس صعبة فقلت بشرح لكم شكلها ..
– حبوب مزمنة تحتها شعر مورآضية تنفتح ويطلع اللي تحتها ..
– بقع مدتها ثلاث سنين مارآحت وشكلها بشع في جميع سيقآني الاماميه والخلفيه
– شعر ملزق بالجلد بدون حبوب ..
– نقط صغيرة سوداء اذا حركتها تطلع حجم صغير ..
– بقع صغيرة على كل شعره فتخيلي كم شعهر في ساقي لها هالبقعه معناتو ان ساقي مشوه بدرجة قصوى ..
طبعاً احب اشكر اختي عآبرة قبل لااكتب طريقتي ..
جزآها الله خير في حلول مشاكلنا ..
ورزقها الجنة .. وعافاها .. واذا ماكانت متزوجة الله يرزقها الزوج الصالح
وهذآ موضوعها والموضوع الثاني كمان صلح من مظهر ساقي مو بس الجسم حتى ساقي
(الموضوعين بحطهم بالرد الثاني لانه ممنوع وضع روابط )
طبعا يابنات سآقي تعدلت احسن من اول .. الحمد لله يارب لك الحمد ..
هذا فضل من الله مو من احد ..
الخطوآآت :
1- الأستغفآآر والصلاة باليل والدعآء …
2- الايمآآن بالله وانو رآح يستجيب دعووتك وتوكلي على ربك عز وجل ..
3- بنآت حرآآم حرآآم ثم حرآآم ان تكشفين سآقك لاحد غير زوجك
والله هذآ عقآب من الله انا كنت اكشف ساقي للجميع للمحآرم وغيرهم
حتى احيآآن اذا خرجت يبآن سآقي فكم وآحد من الشبآآب شافني ..
نسئل الله المغفرة والعفوو والرحمة وان يتوب علينا .. انتبهي يااختي اياك ثم اياك
تظهرينو لاحد لايجيك مرض وماعاد تتعالجين شوفوني ثلاث سنين ومعاناه وحدة
4- في الليل قبل لاتنآمين استحمي يوم بطريقتك العادية واليوم الثاني
بموضوع اختنا عابرة الرز المطحون مع النشأ وماء الورد له دور في التفتيح
والنعومة والصنفرة للجسم مو بس الساق بس ركزي على الساق
يعني يوم كذا ويوم كذآ …
5- بعد الاستحمآم نشفي جسمك وحطي على سآقك كريم اكيرآت اللي ذكرتو لكم
حطيه على ساقك بالكآمل بمسحة خفيفة لانو سآئل ولو كثرتي منو رآح يفتح مسآمك ويخربها رآح تحسين انو بعد خمس دقايق البشرة شربت الكريم وصار ملمسها ناعم
6- اشربي حبة وحدة من حبوب زيت الربيع المسائيه لها دور في تنقية البشرة
اسمها زيت الربيع المسائيه مع زيت الزهرة النجميع لون العلبة اورنجي فيها
30 حبه سعرها بـ 60 ريآل .. الحبة فيها 1000 ملغم تكفيك لمدة شهر وبعدها نامي
لان الحبوب للمساء ونتائجها روعه مو بس للوجه حتى الجسم تنعيم وتفتيح بس بعد ثلاث شهور تبان اكثر
7- نمتي خلاص قومي الفجر لاتحطين على سآقك شيء ولاتغسلينو لا حطي من طريقة عآبرة ماء الورد وموية صحة على كآمل ساقك بطريقتها يابخاخ يابالقطن اللي متوفر عندك ونامي لو حاجة بسيطة عشان طريقة عابرة تبان مع النوم افضل
8- الظهر اغسلي سآقك بالصابون اللي متوفر عندك لااحد يقولي نوع الصابون هانا مره لوكس ومره غار ومره حقت اطفال ماعندي استقرار بالصابونات بعد ماتغسلينو حطي الكريم مره ثانيه على ساقك بنفس الطريقة المذكورة في رقم 5 …
9- لاتنسي اكثري من الفواكة والخضروات وشرب الماء وياحبذا شرب الماء معاه موية ورد طريقة اختنا في الله مدري مين هي ذكرت طريقتها مع ماء الورد لتفتيح جسمها انها تاخذ جك مويه وتحط فيه بمقدار غطاء علبة موية الورد مره وحدة وتحطو في الثلاجة وتشرب منو في أي وقت .. احس يابنات يوم اعرق بلا ريحة لان موية الورد حلو للجسم من داخل وخارج
وبكذآآ خلاص استمري على هذه الخطوآآآآت متى
ماحبيتي اهم شيء شهرين ورآ بعض ..
عشآن تعطيك نتيجة ..
التنيجة اللي طلعت معاي خلال اسبووع ..
نعوووومة بالسآآق ..
طلع الشعر اللي كآن تحت الجلد متخبي من سنوآت ..
الحبوب القديمة بدت تروح وجتني حبوب جديدة نظيفة لونها ابيض مو اسود زي زمآن ..
فتحت الحبوب القديمة والصغيرة بآقي الحبوب الجديدة ..
طبعا التفتيح بالنسبة لي تقريباً 30% خلال اسبوع وآحد يعني توني في بدآية المشوآآر
وبكذآآ اتمنى للجميع الصحة والعافيه ..
بنات أي استفسار ياريت يكون رساله عشاني مااشيك على المواضيع
بس ان شاء الله مايكون أي استفسار لاني شرحت لكم شرح وافي وكافي
واسئل الله العظيم رب العرش الكريم ان يشفي كل بنت وكل مسلم ..
واتمنى للبنآت الستر .. ترآ اهم شيء الستر يابنات ربنا محاسبنا ..
وقتها بعدين رآح تشهد ايدينا وارجلنا ..
ويارب ترزق كل بنت بالزوج الصالح اللي يخآف الله فيها ..
ونسئل الله الجنة والمغفره اللهم آمين ..
منقول من صاحبة الموضوع (دودي اطلق فتاة )
وان شاء الله انا بجربه باقرب وقت بس المشكله احينه امتحانات وجي
واللي عندها استفسار حبايبي ترسل رسالة خاصة برد عليها
ابي ردووووود
نقلته لكم لكثرة طلبات المشكله هني
بالامارات بتلقون الكريم بالصيدليات ان شاء الله
ها موضوع عابرة الاول
انا جربت اشيل بالحلاوه و الآله و الموس .. كلهم بعد فتره يطلعون نقط بنيه صغيره تخلي الساق مو حلووو
و غالبا هالنقط البنيه مو من نوعية الشيل .. لكن من طريقة الشيل ..
يعني اذا ما شلنا لو شعره وحده من جذورها ممكن تتحول الى هذي النقط البنيه
لا تقولون لي خل تفاح يشيلها او ليمون او حتى الحجره السوده ..
ايوه لا تستغربون الحجره السوده تشيل فقط الشعر اللي تحت الجلد و ليس النقط البنيه
للأسف انا جربت قالتلي وحده ادعكي رجولك بالحجره السوده او البيضه و بتشوفين والله الحجره تشيلها
و النتيجه اني تجرحت بدون فايده فقط راح الشعر اللي تحت الجلد
و صارت رجلي وع وع وع .. متجرحه و ونقط بنيه و نقط سوده من الجرح
—————-
المهم
قمت اخذت علبة بخاخ
و عبيت نصه موية صحه
و النص الثاني من البخاخ موية ورد
و صرت ابخ على اساس ان الجروح تلتئم لاني مابي احط عليها مطهرات ثانيه و تقلب لون سيقاني اكثر
وبعد ما إلتئمت جروحي وكل شي ماوقفت من البخاخ
كنت كل يوم ابخ على سيقاني و حسيت ان النقط البنيه بدت تخف كثيييير
بعدين عشان اضمن ان البخاخ يروح لكل منطقه بسيقاني غيرت العلبه
حطيت بعلبة شامبو صغير عندي .. نص العلبه موية صحه و نصها موية ورد
صرت استخدم القطن .. احط من العلبه (موية الورد + موية الصحه )
و امسح على ساقي ..
—————-
النتايج :
مدة استخدامه:
مره وحده في اليوم .. قبل النوم ..
و لازم بالنسبه لي بعد الشاور ..
كيفية استخدامه:
حطي بالقطنه مخلوط (موية ورد + مويه ) .. انا ضفت المويه لان موية الورد مركزه وحبيت اخففها
النتيجه:
والله ثم الله ثم الله ان النقط البنيه خفت عندي تقريبا 85% بـ 3 اسابيع فقط ..
مدة النتيجه:
البخاخ استخدمته مدة اسبوعين ..
ولما غيرت العلبه استخدمتها اسبوع ..
ملاحظه/ كنت احيانا اسحب يوم او يومين ما احط .. لان احيانا اضطر انام برى البيت وما تكون عندي العلبه
يعني الاجماعي تقريبا : 3 اسابيع
السعر المستخدم كله:
11 ريال فقط ..
10 موية الورد
و 1 موية الصحه
و احيانا موية الورد تكون اقل سعرها حسب النوع
ها موضوع عابرة الثاني
مين فينا ما يحب الزين ؟؟ ومين فينا ما يحب يدلع نفسه بين فتره و فتره ؟؟
كل وحده فينا تجهز الزيوت و الخلطات قبل الشاور تتلطخ فيهم صح ؟؟
و تقعدين اقل شي ربع ساعه – ساعه ..
و النتيجه نهايتها تكون مرضيه جدا ..
لكن نهايتها مخاسير الدنيا ..
خلطتي هذي .. ما تكلفك شي ..
وهي تصلح للبنوته – المتزوجه – الحامل ..
و حتى بناتكم الصغار خلوهم يسوونها لانها جد مرررضيه ..
راح تعافين زوجك بعدها و تقولين ياليتني اتزوجني ههههههه ..
الغرض منها: نعووومه شديييده – توحيد اللون مع الاستمرار
( اقصد الجسم نفسه وليس توحيد مناطق معينه مثل الركب و الاكواع الا بعد فتره من الاستمرار )
كل المطلوب هو .. ( 3 اشياء بس ) ..
– 3 ملاعق ونص رز ( مطحون)
– 3 ملاعق ونص نشا
– 5 ملاعق ماء ورد
الطريقه :
خذي علبه فاضيه او صحن اللي يريحك .. و حطي فيها 3 ملاعق و نص نشا ..
و نجي للرز ..
احب اشكر اختي العضوه ( رماد..) لانها دعت لي تجيني طاحونه كهربائيه ..
والحمدلله جتني وحده هديه .. ومن عيوني يا قلبي مقدمه لك هديه ..
حطي الرز في الطاحونه الكهربائيه ..
ملاحظه/ لو ماعندك طاحونه ممكن تطحنينها بيدك بالمطحنه .. او تودينها لأي مكان يطحنها لك ..
سكريها وخليها تطحن ..
هنا فتحتها وكان الرز مطحون لكن مو كله ..
لاحظوا فيه حبات شوي كبيره ..
رجعت طحنتها مره ثانيه .. عشان يصير مطحون مره ..
ضيفي الرز المطحون .. للنشا ..
اخلطيهم شوي ..
ثم ضيفي عليهم 5 ملاعق ماء ورد ..
و اخلطيهم
بيصير شكله ثقيل على شوي سايل ..
طريقة الاستخدام:
بعد الشاور الطبيعي حقك .. خلي الخلطه هذي آخر شي ..
يعني لو تبين تسوين سكراب و هالاشياء سوي براحتك ..
لكن هالخلطه تكون آخر شي ..
ملاحظه/ انا اذا سويتها ما احتاج اسوي اي سكراب هذي تغنيني ..
الخلطه بتجف .. و بتصير شوي سميكه .. ماعليك عادي ..
خذي بيدك و حطيها على كامل جسمك .. حتى وجهك ..
و اقعدي من 3 – 5 دقايق بس .. <<< اسهل من كذا مافيه .. بلاش ربع ساعه ..
و خذي الليفه الخشنه و بلليها شوي بالماء ..
ملاحظه/ اللي بتستخدم الليفه المغربيه ما ادري .. انا ماجربتها ..
افركي جسمك كلللللله .. مو لازم الخلطه تروح .. اهم شي تفركين جسمك كله ..
الا المنطقه الحساسه و وجهك .. افركيهم باصابع يدك بشويش بحركات دائريه ..
و اذا خلصتي فرك .. تشطفي بالماء الدافئ المايل للبروده ..
وبس ..
———
النتايج :
مدة استخدامه:
3 مرات .. ( مع كل شاور يعني) ..
كيفية استخدامه:
حطي الخلطه على جسمك من 3- 5 دقايق ..
خذي ليفه خشنه و افركي جسمك كله ..
وجهك و المنطقه الحساسه افركيها بأصابع يدك ..
النتيجه:
الحمددلللللللله .. كان عندي سواد من الكلوت .. و خف بنسبة 92%
و النعومه كانت شدييييييييييييده ..
غير كذا كان عندي شوي جفاف في منطقه الكلوت .. حتى الكريمات تكون مؤقت مفعولها ..
و الحمدلله الحين راح .. وماصار يتقشر ..
مدة النتيجه:
من اول مره شفت النتيجه ..
خصوصا النعومه .. واو واو واو ..
السعر المستخدم:
نشا = ريالين ونص
ماء ورد = ريالين ونص
رز = موجود في كل بيت ان شاء الله
————–
ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..
أي سؤال حاضره للغالين ..
ملاحظه/ هذي الخلطه تكفيك للاستعمال مره واحده ..
لا تسوين منها كميه كبيره .. لو خزنتيها مفعولها ما بيصير زي ما تكون طازه ..
بليز حبيباتي ابي ردود
ما قصرتي
مشكوره