اشحالكن خواتي؟؟؟
حبيباتي هذا حملي الاول وماعرف وايد اشياء و الشي اللي قريت عنه وايد واشوف الكل يعاني منه هو التشققات
انا دخلت السابع بس الحمدلله ماظهر لي شي؟؟؟ شو يعني بتظهر عقب ولا احتمال ماتظهرلي التشققات
و شو الشي اللي اسويه من الحينه؟؟؟؟
قريت الكل يمدح زيت اللوز و زبدة الكاكاو من بالمرز وعندي سؤوال بخصوصهم؟؟
زيت اللوز وين احصله؟؟؟؟ الصيدلية ولا الجمعية (في عيمان وين احصله)
زبدة الكاكاو ماتظر البيبي؟؟؟؟؟؟؟
ربي يسهل على كل الحوامل و يرزق الكل الذرية الصالحة
حبيباتي هذا حملي الاول وماعرف وايد اشياء و الشي اللي قريت عنه وايد واشوف الكل يعاني منه هو التشققات
انا دخلت السابع بس الحمدلله ماظهر لي شي؟؟؟ شو يعني بتظهر عقب ولا احتمال ماتظهرلي التشققات
و شو الشي اللي اسويه من الحينه؟؟؟؟
قريت الكل يمدح زيت اللوز و زبدة الكاكاو من بالمرز وعندي سؤوال بخصوصهم؟؟
زيت اللوز وين احصله؟؟؟؟ الصيدلية ولا الجمعية (في عيمان وين احصله)
زبدة الكاكاو ماتظر البيبي؟؟؟؟؟؟؟
ربي يسهل على كل الحوامل و يرزق الكل الذرية الصالحة
الله يتمم لج على خير وانشالله ماتطلعلج تشققات تفرق حبوبه من وحده للثانيه شوفي عندج ويت الاطفال جونسون زين وعندج زيت اللوز بتحصلينه في الجمعيات صوب زيوت الشعر اظن والافضل سيري مذر كير وبتحصلين عندهم كريمات زينه للصدر والبطن نصحتني فيهم ربيعتي بس انا بعدني اقول ياهادي 
كل وحدة وع حسب جسمها … ممكن اتييج التشققات وممكن لا
وفي حريم وانا منهم ما عانيت من التشققات الا عالشهر الأخير طلعولي شوي يمكن لأن بطني ما كان وايد كبير
اما اختي فـ طلعلها عالأخير بس كان وااااايد ما قدرت تتلاحق *_*
وفي حريم وانا منهم ما عانيت من التشققات الا عالشهر الأخير طلعولي شوي يمكن لأن بطني ما كان وايد كبير
اما اختي فـ طلعلها عالأخير بس كان وااااايد ما قدرت تتلاحق *_*
فـ أحسن شي تسوينه انج تحافظين عالترطيب واستخدام الكريمات الخاصة بالحمل خاصة عالشهور الأخيرة عشان ما يطلعون لج واذا طلعوا ما يشوهون بطنج! والله يسهل عليج
الكريمات والزيوت ماتضر البيبي
وعن نوع الكريم دكتورتي كانت ناصحتني بـmustela حسيته وايد زين ^^ بتلقينه فالصيدليات
زيت bio oil من بوتس ……………واااااااااايد اوكي
يعتمد على طبيعة جلد الحرمه .. بس يفضل انج اترطبين جسمج دوووم .. و تتفادين الحكـــه ..
استخدي بالمرز زبدة الكاكاو .. وو عندج البيبي اويل .. وو Bio oil وو موستيلا ..
ووو إن شاء الله خير
حبوبة يعتمد على الجسم،،
أنا ما شفت التشققات إلا من دخلت السابع،، للعلم أني أحط كريمات،
الحمدلله على كل حال،،
بعض الحريم تظهرلهم التشققات بعد الولادة،،
فحاولي ما تقطعين عن الكريمات الييييين بعد الولادة بكم شهر..
أنا ما شفت التشققات إلا من دخلت السابع،، للعلم أني أحط كريمات،
الحمدلله على كل حال،،
بعض الحريم تظهرلهم التشققات بعد الولادة،،
فحاولي ما تقطعين عن الكريمات الييييين بعد الولادة بكم شهر..
متى نبدأ نحط هالكريم
اقصد يعني في اي شهر نبدأ نزيت البطن لمنع التشققات