سؤال خواتي عن زبده الشيا 2024.

السلام عليكم ورحمة الله وبركاته
كيف حالكن خواتي
خواتي أنا قرات عن فوائدة زبده الشيا خاصة الخام للبشرة والشعر
حبيت أسأل إمنوه جربت زبدة الشيا سواء للشعر والبشرة ياليت تنزلون تجاربكن في شو إستخدمتوها وعلاج شو وفادتها
سؤالي هل هي تنفخ الخدود وإلا
بغيت أشتري الاصلية الخام وين ممكن أحصلها قلت بروح إن شاء القرية العالمية أشتريها بس من أي قرية
أرجوكن ساعدوني

بالنسبه للويه انا ماناسبتني طلعتلي حبه تحت الجلد

اذا بشرتج جافه ممكن تنفع وياج

اما دهنيه ومختلطه ماظن

للهالات ينور منطقه العيون

للشعر زين يشيل التقصف

للخدود ماله علاقه فديتج

يمكن لو خلطتيه مع جنين القمح

الاصليه الخام انا اشتريته من التاجره نانا الحيرانه

وموجود اظن بالقريه بس اضمني انه اصلي

ما اعرف جربته حسيتها مثل الفازلين بس اللون يختلف

انا خذيتها من القرية العالمية
فالقرية الافريقية .. ب 25 علبة صغيرة
ريحتهااا قوووية و مب حلوه ابدا .. و مب كريميه .. قاسيه
تشعت .. وجربتها على جسمي … الصراحه خياااال فالنعومه و الترطيب
و عقب خذت شوي و دهنت شعري … خليته مال 6 ساعات عادي ترى كريم
و غسلته عادي … يخلي شعرج يلمع و ناعم و مترطب .. يعني يخفف التقصف
بس عيبها ريحتها الصراحه .. ولا اهي ممتازه و بستمر فيها فشعري عشان التقصف

صحيح مثل ماقالت الاخت عن فواءد الزبده واللي عندي من غير اي اضافات عن تجربه شخصيه جلديه والباقي في مواضيعي عن الزبده الاسعار ربع كيلو ب55 درهم ومسويه عرض الكيلو اربع علب ب 150 درهم