بنااات هذي الكيكة خذتها من النت من زماان وشفتها مرة ثانية في موضوع الاخت الهدى .. ابصرااحه عيبتني وجربتها للحين 4 مرات .. المشكله انه في كل المرات ما تظبط .. يعني ما تنتفخ ويتضاعف حجمها فالفرن نفس الصورة .. اتم نفس ماهي .. ما اعرف ليش .. بس بصراحه الطعم يكون لذييييييذ ..
مع اني اتبع المقادير بالظبط وبالكوب المعياري واطبق كل شي بس كل مرة نفس النتيجة .. ما تنتفخ 
.. ليش؟ شو ممكن يكون السبب ؟
حد جربها وظبطت وياه ؟؟
دايما اسوي كيك وبكل الانواع والنكهات وكله يظبط .. أول مرة يصير معاي جيه ..
وهذي الكيكة للي ما ايعرفها ..
المشاركة الأصلية كتبت بواسطة الهدى1 
هذا للأخت هند أسأل الله لها ولنا التوفيق
( 1 )
كيكة الكيري بالزبدة والحليب المركز .. لذيييييذة جداً
المقادير أولاً :
كاس دقيق
كاس سكر ناعم
خمس بيضات ( أنا حطيت 4 بس )
كاس زيت
أربع حبات جبن كيري
ملعقة كبيره بكينج بودر
ملعقة صغيرة فانيلا
نصف كاس حليب سائل
للوجه :
علبة حليب مركز نستلية صغيرة
شوية زبدة
نصف كاس جوز الهند
الطريقة :
نخلط البيض مع الفانيليا ثم نضيف السكر ونخلط لمدة ثلاث دقائق في خلاط العصير ثم نضيف الجبن الكيري والزيت والحليب ونستمر في الخلط حتى نحصل على خليط ناعم سائل
ثم نصبه على الدقيق المنخول والبيكنج باودر ونخلطه بملعقة خشب حتى يختلط جيداً
ثم نصب الخليط في صينية مدهونة بقليل من الزيت ومرشوشة بطحين ثم ندخلها في الفرن
وهذا شكلها بعد الخبز
الآن نأتي لخلطة الوجه ::
نضع الزبده على النار ثم نضيف عليها الحليب المركز ونستمر في التحريك الزبده والحليب على النار قليلا
وبعد إخراج الكيكه من الفرن مباشرة نضع عليها خليط الزبده والحليب
ثم نحمص جوز الهند على النار حتى يحمر لونة ونرشة فوق الزبده والحليب وتترك الكيكه حتى تبرد ثم تقطع وتقدم
وهذا شكلها بعد ما رشيت جوز الهند
وهنا بعد التقطيع 
ما شاء الله ، تبارك الله ..
[IMG]https://www4.****.com/2007/08/15/13/65859082.gif[/IMG]
استخدمي كوب جبنه المراعي للمقادير
ولبيكنج باودر ملعقه كبيره الي هي ملعقه طعام
ان شاء الله تضبط وياج حبوبه
انا اليوم قلت بسويها بس يوم شفت
في الثلاجه طلع انه ماعندي جبنة كيري
ان شاء الله باجر بسويها
^_^
المشاركة الأصلية كتبت بواسطة ريـashـم استخدمي كوب جبنه المراعي للمقادير
ولبيكنج باودر ملعقه كبيره الي هي ملعقه طعام
ان شاء الله تضبط وياج حبوبه
انا اليوم قلت بسويها بس يوم شفت
في الثلاجه طلع انه ماعندي جبنة كيري
ان شاء الله باجر بسويها
^_^
الغلا انا اسويها بالكوب المعياري واستخدم ملعقة طعام للبكنج باودر يعني المقادير مظبوطه بس ماعرف وين المشكله ..
انتي يوم تسوينها تكون العجينة سائلة واايد ؟ انا تظهر معاي جيه .. قوامها سائل مب نفس قوام عجينة الكيك العادية .. تتوقعين هني المشكله ولا شو ؟؟
بخبرج بالنتيجه بعد الفطووور بس هيه انتفخت عندي في الفرن
المشاركة الأصلية كتبت بواسطة روزي حمرا بخبرج بالنتيجه بعد الفطووور بس هيه انتفخت عندي في الفرن
الغلا العجينة ظهرت عندج سائلة وايد ولا عادية ؟؟